• search
For Quick Alerts
ALLOW NOTIFICATIONS  
For Daily Alerts

    ನಾಗರಪಂಚಮಿ ಹಬ್ಬದ ಹೊತ್ತು ದಾವಣಗೆರೆಯಲ್ಲಿ ಜೋಡಿ ಕೋಬ್ರಾ

    By Staff
    |

    ನಾಗರಪಂಚಮಿ ಹಬ್ಬದ ಹೊತ್ತು ದಾವಣಗೆರೆಯಲ್ಲಿ ಜೋಡಿ ಕೋಬ್ರಾ
    ನಾಗರ ನೋಡಲು ಮುಗಿಬೀಳುತ್ತಿರುವ ಬೆಣ್ಣೆದೋಸೆ ನಗರಿಯ ಮಂದಿ

    ದಾವಣಗೆರೆ : ಹಾವು ಕಂಡರೆ ಹೆದರುತ್ತೀರಾ ? ಹೆದರಿದರೂ ಪರವಾಗಿಲ್ಲ ; ಹಾವುಗಳಿಗೆ ಸಂಬಂಧಿಸಿಯೂ ಸಂಬಂಧಿಸಿದ ಈ ಸುದ್ದಿಯನ್ನು ನೀವು ಓದಲಿಕ್ಕಡ್ಡಿಯಿಲ್ಲ .

    ದಾವಣಗೆರೆಯ ಪ್ರಸಿದ್ಧ ಆಹಾರ ಮಳಿಗೆಗಳಲ್ಲಿ ಆಹಾರ್‌-2000 ಕೂಡಾ ಒಂದು. ಈ ಆಹಾರದ ಅಂಗಡಿಯಲ್ಲೀಗ ಹಾವು ಬಂದುಬಿಟ್ಟಿದೆ. ಒಂದಲ್ಲಾ ಎರಡು. ಜೋಡಿ ಕೋಬ್ರಾ ! ಆದರೆ ತಮಾಷೆ ನೋಡಿ, ಈ ನಾಗರಗಳಿಗೆ ಯಾರೂ ಹೆದರುತ್ತಿಲ್ಲ . ಏಕೆಂದರೆ ಇವುಗಳಲ್ಲಿ ವಿಷವಿಲ್ಲ ; ಇರುವುದು ಸಕ್ಕರೆ, ಸಿಹಿಯೋ ಸಿಹಿ. ಇದೊಂದು ಕೇಕ್‌ ಕಲಾಕೃತಿ ಎನ್ನುವ ವಿಷಯ ನಿಮಗೀಗಾಗಲೇ ಅರ್ಥವಾಗಿರಬೇಕು. ಹೌದು, ನಿಜ.

    ಕ್ರಿಸ್‌ಮಸ್‌, ಹೊಸ ವರ್ಷ.... ಇಂಥ ಸಂದರ್ಭಗಳಲ್ಲಿ ಆಹಾರ್‌-2000 ವಿಶೇಷ ಕೇಕ್‌ಗಳನ್ನು ಪ್ರದರ್ಶಿಸುವುದು ರೂಢಿ (ಬೆಂಗಳೂರಿನಲ್ಲಿ ನೀಲ್‌ಗಿರೀಸ್‌ ಕೂಡ ಇಂಥ ಪ್ರದರ್ಶಗಳನ್ನು ಏರ್ಪಡಿಸುತ್ತದೆ). ಈ ಬಾರಿ ಆಹಾರ್‌-2000 ಜೋಡಿ ಕೋಬ್ರಾಗಳ ಕೇಕ್‌ ಕಲಾಕೃತಿ ಪ್ರದರ್ಶನಕ್ಕಿಟ್ಟಿದೆ. ಅಂಗಡಿಯ ತುಂಬಾ ಜನವೋ ಜನ. ಈ ಬಾರಿ ಏನು ವಿಶೇಷ ಅಂದಿರಾ ? ಅದೇ ಸ್ವಾಮಿ, ನಾಗರ ಪಂಚಮಿ ! ಆ.20ರ ಶುಕ್ರವಾರ ನಾಗರ ಪಂಚಮಿ ; ಸೋದರಿ ನೆನಪಿಸಿದ್ದನ್ನು ಮರೆತಿರಾ ?

    ಆಗಸ್ಟ್‌ 23ರವರೆಗೂ ನಾಗರ ಕೇಕ್‌ಗಳು ಸಾರ್ವಜನಿಕ ಪ್ರದರ್ಶನಕ್ಕಿವೆ ಎಂದು ಅಂಗಡಿ ಮಾಲೀಕ ನಾರಾಯಣ ಭಟ್‌ ತಿಳಿಸಿದ್ದಾರೆ. 25 ಕೇಜಿಗಳ ಕೇಕ್‌ ಬಳಸಿ ಈ ಕೋಬ್ರಾಗಳ ತಯಾರಿಸಿದ ಕಲಾವಿದ, ಕೇಕ್‌ ಮಾಸ್ಟರ್‌ ಎಂದು ಹೆಸರಾದ ಕುಮಾರ್‌.

    ಕೇಕ್‌ ಕೋಬ್ರಾಗಳೊಂದಿಗೆ ಹಣ್ಣುಗಳು ಹಾಗೂ ಇನ್ನಿತರ ತಿನಿಸುಗಳೂ ಪ್ರದರ್ಶನಕ್ಕಿವೆ. ಇವುಗಳೆಲ್ಲ ಕೇಕ್‌ ಆಕೃತಿಗಳೆಂದು ಬೇರೆ ಹೇಳಬೇಕಿಲ್ಲವಷ್ಟೆ ? ಒಟ್ಟಿನಲ್ಲಿ , ಆಹಾರ್‌-2000 ಹೇಳುವುದಿಷ್ಟೇ , ಕೇಕ್‌ ತಿನ್ನಿರೋ ನೀವೆಲ್ಲರೂ! ನಾಗರ ಪಂಚಮಿ ಕೇಕ್‌ ತಿನ್ನಲಿಕ್ಕೊಂದು ನೆಪ. ಏನಂತೀರಿ ?


    ಮುಖಪುಟ / ವಾರ್ತೆಗಳು

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more