ಜನತೆ ಕಷ್ಟಸುಖ ಅರಿಯಲು ಮನಮೋಹನ್‌ರಿಂದ ಜನತಾದರ್ಬಾರ್‌

ಜನತೆ ಕಷ್ಟಸುಖ ಅರಿಯಲು ಮನಮೋಹನ್‌ರಿಂದ ಜನತಾದರ್ಬಾರ್‌
ಪ್ರತಿದಿನ ನಾಗರಿಕರೊಂದಿಗೆ ಪ್ರಧಾನಿ ಭೇಟಿ, ಅಹವಾಲು ಕೇಳಿಕೆ

ಜನತೆಯ ಕಷ್ಟಸುಖಗಳನ್ನು ನೇರವಾಗಿ ಅರಿಯುವ ಉದ್ದೇಶದಿಂದ ಜನತಾ ದರ್ಬಾರ್‌ ಎನ್ನುವ ವಿಶಿಷ್ಠ ಕಾರ್ಯಕ್ರಮವನ್ನು ಪ್ರಧಾನಿ ಮನಮೋಹನ್‌ಸಿಂಗ್‌ ಹಮ್ಮಿಕೊಂಡಿದ್ದಾರೆ.

ಜನತೆಯನ್ನು ನೇರವಾಗಿ ಭೇಟಿಮಾಡಿ ಅವರ ಕುಂದುಕೊರತೆಗಳನ್ನು ಬಗೆಹರಿಸವುದೇ ಜನತಾ ದರ್ಬಾರ್‌ನ ಮುಖ್ಯ ಉದ್ದೇಶವಾಗಿದೆ. ಒಂದು ತಾಸು ನಡೆಯುವ ಈ ಕಾರ್ಯಕ್ರಮದಲ್ಲಿ ಪ್ರಧಾನಮಂತ್ರಿ ಮನಮೋಹನ್‌ಸಿಂಗ್‌ ಜನರನ್ನು ಖುದ್ದು ಭೇಟಿ ಮಾಡಿ ಅವರ ಅಹವಾಲು ಆಲಿಸುವರು.

ಈಗಾಗಲೇ ಜನತಾ ದರ್ಬಾರ್‌ ಕಾರ್ಯಕ್ರಮ ಆರಂಭವಾಗಿದ್ದು , ಅನೇಕ ಸಭೆಗಳು ನಡೆದಿವೆ ಎಂದು ಪ್ರಧಾನಮಂತ್ರಿ ಕಚೇರಿಯ ಮೂಲಗಳು ತಿಳಿಸಿವೆ. ಈ ವಿಶಿಷ್ಠ ಕಾರ್ಯಕ್ರಮದ ಮೂಲಕ ಆರ್ಥಿಕ ಹಾಗೂ ರಾಜಕೀಯ ಪರಿಣಿತರೆಂದು ಹೆಸರಾದ ಮನಮೋಹನ್‌ ತಮ್ಮ ಮಾನವೀಯ ಮುಖವನ್ನೂ ಪ್ರದರ್ಶಿಸಿದ್ದಾರೆ.

ಮಾಜಿ ಪ್ರಧಾನಿಗಳಾದ ಜವಹರಲಾಲ ನೆಹರು ಮತ್ತು ಇಂದಿರಾಗಾಂಧಿರವರು ಜನತೆಯನ್ನು ನೇರವಾಗಿ ಭೇಟಿಮಾಡಿ, ಅವರ ಸಮಸ್ಯೆಗಳನ್ನು ಖುದ್ದು ಆಲಿಸುತ್ತಿದ್ದರು. ಈ ಪರಂಪರೆ ವಾಜಪೇಯಿ ಕಾಲದಲ್ಲಿ ಮುಂದುವರಿದಿತ್ತಾದರೂ, ಕಾಲಾಂತರದಲ್ಲಿ ಸ್ಥಗಿತಗೊಂಡಿತ್ತು .

ಕರ್ನಾಟಕದಲ್ಲಿ ಎಚ್‌.ಡಿ.ದೇವೇಗೌಡರು ಮುಖ್ಯಮಂತ್ರಿಯಾಗಿದ್ದ ಕಾಲದಲ್ಲಿ ಜನತಾ ದರ್ಶನ ಎನ್ನುವ ಕಾರ್ಯಕ್ರಮ ಹಮ್ಮಿಕೊಂಡಿದ್ದರು.

(ಪಿಟಿಐ)

ಮುಖಪುಟ / ವಾರ್ತೆಗಳು