• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

‘ಗೆಳೆತನ ದಿನ’ ಕ್ಕೊಂದು ಪ್ರೀತಿ ರೂಪಕ

By Staff
|

‘ಗೆಳೆತನ ದಿನ’ ಕ್ಕೊಂದು ಪ್ರೀತಿ ರೂಪಕ

ಪ್ರೀತಿಗೆ-ಗೆಳೆತನಕ್ಕೆ ಉಡುಗೊರೆಯ ಹಂಗು ಬೇಕಾ ? ಬೇಕಾಗಿಲ್ಲ ಎನ್ನುವ ಮುನ್ನ ಮೈತ್ರಿಯ ಮಧು ಜಿನುಗುವ ಈ ಬರಹ ಓದಿ.

  • ಅನು
  • ಗೆಳೆತನ ಎಂದರೆ ಏನೆಂದುಕೊಂಡಿದ್ದೀರಿ ?

    ಅದೊಂದು ದಿವ್ಯ ಅನುಭವ ಎನ್ನುತ್ತಾನೆ ಅನುಭವಿ. ಅದು ಹೊಂಗೆಯ ಮರದಂತೆ ತಂಪು ಎನ್ನುತ್ತಾನೆ ಮತ್ತೊಬ್ಬ ಫಲಾನುಭವಿ. ಗೆಳೆತನ ಆಲದ ಮರವಿದ್ದಂತೆ ಎನ್ನುತ್ತಾನೆ ಕವಿ. ಹೌದು, ಗೆಳೆತನವೆಂದರೆ ಇದೆಲ್ಲವೂ ಹೌದು, ಇವೆಲ್ಲವನ್ನು ಮೀರಿದ ಬಂಧವೂ ಹೌದು. ಕುಟುಂಬದೊಳಗಿನ ಸದಸ್ಯರಿಂದ ಸಿಗದ ನೆಮ್ಮದಿ, ನಿರುಮ್ಮಳತೆ ಗೆಳೆತನದಿಂದ ಸಿಗುವುದುಂಟು. ಅದಕ್ಕೆ ಹೇಳುವುದು ಒಬ್ಬ ನಿಜವಾದ ಗೆಳೆಯನಿದ್ದರೆ ಜಗತ್ತನ್ನೇ ಗೆಲ್ಲಬಹುದೆಂದು !

    ನಿಜ, ಅಂಥ ಅದ್ಭುತ ಗೆಳೆಯರು ಎಲ್ಲರಿಗೂ ಸಿಗುವುದಿಲ್ಲ . ಒಳ್ಳೆಯ ಗೆಳೆತನ ದೊರಕಲಿಕ್ಕೂ ಅದೃಷ್ಟ ಬೇಕು. ಅಂಥ ಒಳ್ಳೆಯ ಗೆಳೆಯರು ನಿಮಗಿದ್ದಾರಾ ? ಹೌದಾ, ಅಭಿನಂದನೆಗಳು.

    Celebrating a wonderful relationshipಕರ್ಣ- ದುರ್ಯೋಧನ, ಕರ್ಣ-ಭಾನುಮತಿ, ಚಂದ್ರಗುಪ್ತ-ಚಾಣಕ್ಯ, ಅರ್ಜುನ-ಕೃಷ್ಣ , ಒಂದೇ ಎರಡೇ. ಇತಿಹಾಸ ಪುರಾಣಗಳ ಪುಟದ ತುಂಬಾ ಪ್ರಾಣಗೆಳೆಯರ ಚಿತ್ರಗಳಿರುವಂತೆಯೇ ಮೀರ್‌ಸಾದಕ್‌ಗಳಂಥ ಕಪ್ಪುಚುಕ್ಕೆಗಳೂ ಉಂಟು. ಇರಲಿ ಬಿಡಿ, ನಾವು ನಮ್ಮ ಗೆಳೆಯರ ಬಗ್ಗೆ ಮಾತಾಡೋಣ.

    ಒಳ್ಳೆಯ ಗೆಳೆಯರಿದ್ದಾರೋ ಇಲ್ಲವೋ, ಗೆಳೆಯರಂತೂ ಇದ್ದಾರಲ್ಲ ! ಅಷ್ಟೂ ಸಾಕು ಜೀವದ ನೆಮ್ಮದಿಗೆ. ಅದು ಸರಿ, ಗೆಳೆಯರನ್ನು ಭೇಟಿ ಮಾಡಿ ಯಾವ ಕಾಲವಾಯಿತು? ಜೊತೆಗೆ ಕೂತು ಹರಟಿ ಯಾವ ಕಾಲವಾಯಿತು? ಇಷ್ಟಪಾತ್ರರು ಹತ್ತಿರದಲ್ಲಿದ್ದಾರೋ, ಬೇರೆ ಊರಿನಲ್ಲಿದ್ದಾರೋ ?

    ಆ್ಞಂ, ಗೆಳೆಯರ ನೆನಪಿಸಿಕೊಳ್ಳಲಿಕ್ಕೆ , ಗೆಳೆತನವ ನವೀಕರಿಸಿಕೊಳ್ಳಲಿಕ್ಕೆ ಒಂದು ಸಂದರ್ಭ ಬಂದಿದೆ. ಆಗಸ್ಟ್‌ 1 ಗೆಳೆತನದ ದಿನ (Friendship Day). ಅಂದು ಎಲ್ಲ ಜಂಜಡಗಳ ಮರೆತುಬಿಡಿ : ಆ ಸಮಯ ಗೆಳೆಯರಿಗೆ ಮೀಸಲಿಡಿ. ಭೇಟಿಯಾಗಲು ಸಾಧ್ಯವಾಗದಾ? ಫೋನ್‌ ಮಾಡಿ, ಇ-ಮೇಲ್‌ ಕಳಿಸಿ. ಉಡುಗೊರೆ ಕಳಿಸಿದರೆ ಇನ್ನೂ ಚೆನ್ನ ! ಹಬ್ಬಲಿ ಸ್ನೇಹದ ರಸಬಳ್ಳಿ.

    Celebrating a wonderful relationshipಟ್ಸ್‌ಕನ್ನಡ ಹಾಗೂ ಸ್ನೇಹಿತರ ಅವ್ಯಕ್ತ ಪ್ರೀತಿಗೊಂದು ಉಡುಗೊರೆಯ ಅಭಿವ್ಯಕ್ತಿ ಕಲ್ಪಿಸಲು ವೇದಿಕೆ ರೂಪಿಸಿದೆ. ಪ್ರೀತಿಗೆ-ಗೆಳೆತನಕ್ಕೆ ಉಡುಗೊರೆಯ ಹಂಗು ಬೇಕಾ ? ಖಂಡಿತಾ ಬೇಕಾಗಿಲ್ಲ . ಆದರೆ, ಉಡುಗೊರೆಯನ್ನು ಹಂಗು ಎಂದು ಭಾವಿಸುವುದಾದರೂ ಏಕೆ ? ನೀವು ಕಳುಹಿಸಿದ ಉಡುಗೊರೆಗೆ ಬೆಲೆ ಇರಬಹುದು ; ಉಡುಗೊರೆಯ ಕಂಡ ಗೆಳೆಯ/ಗೆಳತಿಯ ಮುಖದಲ್ಲಿ ನಗು ಅರಳುತ್ತದಲ್ಲ , ಎದೆಯಲ್ಲೊಂದು ಪುಳಕದ ಚಿಲುಮೆ ಊಟೆಯಾಗುತ್ತದಲ್ಲ - ಅದಕ್ಕೇನು ಬೆಲೆ ಕಟ್ಟುತ್ತೀರಿ ? ಅಂಥ ಮೌಲ್ಯಾತೀತ ಭಾವನೆಗಳಿಗೆ ಕಾರಣವಾಗುವ ಉಡುಗೊರೆಯನ್ನು ನೀವು ಕಳಿಸುವಿರಿ ತಾನೆ ?

    ಅಂದಹಾಗೆ, ಗೆಳೆಯರೆಂದರೆ ದೂರದವರೇ ಅಲ್ಲ . ಗಂಡ-ಹೆಂಡತಿ ಕೂಡ ಒಳ್ಳೆಯ ಗೆಳೆಯರಾಗಬಲ್ಲರು. ಅಪ್ಪ /ಅಮ್ಮನಲ್ಲಿ ಗೆಳೆಯರಿಲ್ಲವಾ ?

    ನಿಮಗೆಲ್ಲ ಗೆಳೆತನ ದಿನದ ಶುಭಾಶಯಗಳು. ಸ್ನೇಹದ ರಸಬಳ್ಳಿ ಹಬ್ಬಲಿ, ಜಗವ ತಬ್ಬಲಿ.

    Post your views

    ಮುಖಪುಟ / ವಾರ್ತೆಗಳು

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more