ಸಿಇಟಿ ಬಿಕ್ಕಟ್ಟು : ಸರ್ಕಾರದ ಮುಂದೆ ಕಾಮೆಡ್-ಕೆ ‘ಫಿಫ್ಟಿ ಫಿಫ್ಟಿ’ ಸೂತ್ರ
ಸಿಇಟಿ
ಬಿಕ್ಕಟ್ಟು
:
ಸರ್ಕಾರದ
ಮುಂದೆ
ಕಾಮೆಡ್-ಕೆ
‘ಫಿಫ್ಟಿ
ಫಿಫ್ಟಿ’
ಸೂತ್ರ
ಹಠ
ಬಿಡದಿದ್ದಲ್ಲಿ
ಕಾಲೇಜುಗಳ
ನಿರ್ವಹಣೆಯನ್ನು
ಸರ್ಕಾರವೇ
ವಹಿಸಿಕೊಳ್ಳಲಿ
-ಜಾಲಪ್ಪ
ಸವಾಲು
ವೈದ್ಯಕೀಯ, ಇಂಜಿನಿಯರಿಂಗ್ ಹಾಗೂ ದಂತ ವೈದ್ಯಕೀಯ ಶಿಕ್ಷಣಕ್ಕೆ ಪ್ರವೇಶ ನೀಡುವಲ್ಲಿ ಶೇ.50 : 50 ಸೀಟು ಹಂಚಿಕೆ ಸೂತ್ರವನ್ನು ಸರ್ಕಾರ ಒಪ್ಪಿಕೊಳ್ಳಬೇಕು ಎಂದು ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಕಾಮೆಡ್-ಕೆ ಮುಖ್ಯಸ್ಥ ಆರ್.ಎಲ್.ಜಾಲಪ್ಪ ಒತ್ತಾಯಿಸಿದರು.
ಉನ್ನತ ಶಿಕ್ಷಣ ಕಾಲೇಜುಗಳ ನಿರ್ವಹಣೆ ದುಬಾರಿಯಾಗಿದೆ. ಆ ಕಾರಣದಿಂದಾಗಿ ಕನಿಷ್ಠ ಶೇ.50 ಸೀಟುಗಳನ್ನು ಕಾಲೇಜುಗಳ ಆಡಳಿತ ಮಂಡಳಿ ಹೊಂದುವುದು ಅನಿವಾರ್ಯ. ಸರ್ಕಾರ ಇದಕ್ಕೆ ಒಪ್ಪಬೇಕು. ಇಲ್ಲದಿದ್ದಲ್ಲಿ ಸರ್ಕಾರವೇ ಕಾಲೇಜುಗಳನ್ನು ನಿರ್ವಹಿಸಲಿ, ನಮ್ಮದೇನೂ ಅಭ್ಯಂತರವಿಲ್ಲ ಎಂದು ಜಾಲಪ್ಪ ಹೇಳಿದರು.
ತಾವು ನಡೆಸುತ್ತಿರುವ ದೇವರಾಜ ಅರಸು ವೈದ್ಯಕೀಯ ಕಾಲೇಜಿನ ಸ್ಥಿತಿಗತಿಯನ್ನು ಸುದ್ದಿಗೋಷ್ಠಿಯಲ್ಲಿ ಬಿಚ್ಚಿಟ್ಟ ಜಾಲಪ್ಪ - ಕಳೆದ ವರ್ಷ ತಮ್ಮ ಕಾಲೇಜು 3.5 ಕೋಟಿ ರುಪಾಯಿ ನಷ್ಟ ಅನುಭವಿಸಿದೆ. ಸರ್ಕಾರದ ನೀತಿಯನ್ನು ಒಪ್ಪಿಕೊಂಡಲ್ಲಿ ಈ ವರ್ಷ ನಷ್ಟದ ಪ್ರಮಾಣ 4.5ರಿಂದ 5 ಕೋಟಿ ರುಪಾಯಿಗೆ ಏರುವ ಆತಂಕವಿದೆ. ಈ ನಷ್ಟವನ್ನು ಕಾಲೇಜು ಭರಿಸಲು ಸಾಧ್ಯವಿಲ್ಲ ಎಂದರು.
ಕಾಂಗ್ರೆಸ್ ಪಕ್ಷದ ಸಂಸದರೂ ಆಗಿರುವ (ಚಿಕ್ಕಬಳ್ಳಾಪುರ ಕ್ಷೇತ್ರದಿಂದ) ಜಾಲಪ್ಪ , ಸೀಟು ಹಂಚಿಕೆ ಸಂಬಂಧ ಪಕ್ಷದ ಹೈಕಮಾಂಡ್ನಿಂದ ಯಾವುದೇ ಒತ್ತಡ ಬರುವುದಿಲ್ಲ ಎಂದು ಆಶಾಭಾವ ವ್ಯಕ್ತಪಡಿಸಿದರು. ಒಂದುವೇಳೆ ರಾಜಿಸೂತ್ರಕ್ಕೆ ಹೈಕಮಾಂಡ್ ಒತ್ತಡ ತಂದರೆ ಸಂಸದ ಸ್ಥಾನಕ್ಕೆ ರಾಜೀನಾಮೆ ನೀಡುವುದಾಗಿ ಅವರು ಎಚ್ಚರಿಸಿದರು.
(ಇನ್ಫೋ ವಾರ್ತೆ)
ಮುಖಪುಟ / ವಾರ್ತೆಗಳು