ಅಂಬರೀಶ್‌ ಅಭಿಮಾನಿಗಳ ಸಂಘದಿಂದ ದೇಜಗೌ 87ನೇ ಹುಟ್ಟುಹಬ್ಬ

ಅಂಬರೀಶ್‌ ಅಭಿಮಾನಿಗಳ ಸಂಘದಿಂದ ದೇಜಗೌ 87ನೇ ಹುಟ್ಟುಹಬ್ಬ
ನೂರಾರು ಅಭಿಮಾನಿಗಳಿಂದ ಹಿರಿಯ ಲೇಖಕನಿಗೆ ಜನ್ಮದಿನದ ಶುಭಾಶಯ

ಪಂಪ ಪ್ರಶಸ್ತಿ ವಿಜೇತ ಹೆಸರಾಂತ ಹಿರಿಯ ಲೇಖಕ ಪ್ರೊ. ದೇ. ಜವರೇಗೌಡರ 87ನೇ ಹುಟ್ಟುಹಬ್ಬವನ್ನು ಜುಲೈ 6ರಂದು ಅವರ ಸ್ವಗೃಹದಲ್ಲಿ ಆಚರಿಸಲಾಯಿತು.

ದೇಜಗೌ 87ನೇ ವಸಂತಕ್ಕೆ ಕಾಲಿಟ್ಟ ಈ ಸಂದರ್ಭದಲ್ಲಿ ಹಲವಾರು ಸಾಹಿತಿಗಳು, ಅಭಿಮಾನಿಗಳು, ಬಂಧುಮಿತ್ರರು ಮತ್ತು ಅವರ ಬೃಹತ್‌ ಶಿಷ್ಯಸಂಕುಲ ಅಭಿಮಾನದ ಹಿರಿಯನಿಗೆ ಶುಭಕೋರಲು ಆಗಮಿಸಿತ್ತು.

ಬನ್ನೂರು ಕೆ.ರಾಜು ನೇತೃತ್ವದ ಅಖಿಲ ಭಾರತ ಅಂಬರೀಶ್‌ ಅಭಿಮಾನಿಗಳ ಸಂಘ ದೇಜಗೌ ಜನ್ಮದಿನದ ಸಿದ್ಧತೆ ಮಾಡಿತ್ತು. ಬರಹಗಾರರು ಹಾಗೂ ಅಭಿಮಾನಿಗಳ ಸ್ನೇಹ ಸಮ್ಮಿಲನದ ಈ ಕಾರ್ಯಕ್ರಮ ದೇಜಗೌ ಮುಖದಲ್ಲಿ ಮುಗುಳ್ನಗೆ ಮೂಡಿಸಿತ್ತು .

ದೇಜಗೌಗೆ ಶುಭ ಕೋರಿದವರಲ್ಲಿ - ಎಚ್‌.ಎಸ್‌. ಕೃಷ್ಣಸ್ವಾಮಿ ಅಯ್ಯಂಗಾರ್‌, ಪ್ರೊ. ಕೆ. ಭೈರವಮೂರ್ತಿ, ಡಾ. ಜಗದೀಶ್‌ ಮತ್ತು ಶಾಸಕ ಎಚ್‌.ಎಸ್‌. ಶಂಕರಲಿಂಗೇಗೌಡ ಪ್ರಮುಖರು.

(ಇನ್ಫೋ ವಾರ್ತೆ)

ಮುಖಪುಟ / ವಾರ್ತೆಗಳು