• search

ಲಾಲು ರೈಲಲ್ಲಿ ತಮಿಳ್ನಾಡಿಗೆ ಪ್ರಥಮ ದರ್ಜೆ, ರಾಜ್ಯಕ್ಕೆತೃತೀಯ ದರ್ಜೆ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಲಾಲು ರೈಲಲ್ಲಿ ತಮಿಳ್ನಾಡಿಗೆ ಪ್ರಥಮ ದರ್ಜೆ, ರಾಜ್ಯಕ್ಕೆತೃತೀಯ ದರ್ಜೆ
    ಸಂದರ್ಶನಕ್ಕೆ ತೆರಳುವ ನಿರುದ್ಯೋಗಿ ಯುವಜನತೆಗೆ ಉಚಿತ ಪ್ರಯಾಣ ಯೋಗ

    ನವದೆಹಲಿ : ರೈಲ್ವೆ ಸಚಿವ ಲಾಲೂಪ್ರಸಾದ್‌ ಯಾದವ್‌ ಜುಲೈ 6ರ ಮಂಗಳವಾರ ಮಂಡಿಸಿದ 2004-05ರ ರೈಲ್ವೆ ಬಜೆಟ್‌ ಪ್ರಯಾಣಿಕರ ದೃಷ್ಟಿಯಿಂದ ಹಿತಕರವಾಗಿದ್ದರೂ, ಕರ್ನಾಟಕದ ಹಿತಾಸಕ್ತಿ ರಕ್ಷಿಸುವಲ್ಲಿ ವಿಫಲವಾಗಿದೆ.

    ಹಾಸನ-ಬೆಂಗಳೂರು ನಡುವಣ ರೈಲ್ವೆ ಮಾರ್ಗ ನಿರ್ಮಿಸುವ ಪ್ರಸ್ತಾವನೆಯನ್ನು ಹೊರತುಪಡಿಸಿದರೆ ರಾಜ್ಯಕ್ಕೆ ಸಂಬಂಧಿಸಿದ ಪ್ರಮುಖ ಯೋಜನೆಗಳೂ ಲಾಲೂ ಬಜೆಟ್‌ನಲ್ಲಿಲ್ಲ . ಬೆಂಗಳೂರುನಗರ- ಬಂಗಾರಪೇಟೆ, ಮೈಸೂರು-ಧಾರವಾಡ ಹಾಗೂ ಹುಬ್ಬಳ್ಳಿ-ಚೆನ್ನೈ ನಡುವೆ ಮೂರು ರೈಲುಗಳನ್ನು ಪ್ರಕಟಿಸಿರುವ ಲಾಲೂ ರಾಜ್ಯದ ಕಣ್ಣೊರೆಸುವ ಪ್ರಯತ್ನ ಮಾಡಿದ್ದಾರೆ.

    ಉಳಿದಂತೆ- ರೈಲ್ವೆ ಪ್ರಯಾಣದರವನ್ನು ಹೆಚ್ಚಿಸದಿರುವುದು ಮಾತ್ರವಲ್ಲ , ಕೆಲವು ವರ್ಗಗಳಿಗೆ ಪ್ರಯಾಣದರದಲ್ಲಿ ವಿಶೇಷ ರಿಯಾತಿಯನ್ನು ನೀಡಲೂ ಲಾಲೂಪ್ರಸಾದ್‌ ಯಾದವ್‌ ನಿರ್ಧರಿಸಿದ್ದಾರೆ. ವಿಶೇಷ ರಿಯಾಯಿತಿ ಕೆಳಕಂಡವರಿಗೆ ಲಭ್ಯ :

    • ಉಗ್ರರೊಂದಿಗಿನ ಹೋರಾಟ ಅಥವಾ ಯುದ್ಧಗಳಲ್ಲಿ ನಿಧನರಾದ ಯೋಧರ ಪತ್ನಿಯರಿಗೆ ರೈಲು ಪ್ರಯಾಣಶುಲ್ಕದಲ್ಲಿ ಶೇ.75 ರಿಯಾಯಿತಿ.
    • ಹಿಮೋಫೀಲಿಯಾ ಚಿಕಿತ್ಸೆಗೆ ತೆರಳುವ ರೋಗಿಗಳಿಗೆ ಶೇ.75 ಶುಲ್ಕ ವಿನಾಯಿತಿ.
    • ನಿರುದ್ಯೋಗಿಗಳಿಗೆ ಉಚಿತ ಪ್ರಯಾಣ : ಸಂದರ್ಶನಗಳಿಗೆ ತೆರಳುವ ಹಾಗೂ ವಿವಿಧ ಅರ್ಹತಾ ಪರೀಕ್ಷೆಗಳನ್ನು ಬರೆಯಲು ತೆರಳುವ ನಿರುದ್ಯೋಗಿ ಯುವಜನತೆಗೆ ಉಚಿತ ಪ್ರಯಾಣ ಸವಲತ್ತು .
    ಬಜೆಟ್‌ನ ಮುಖ್ಯಾಂಶಗಳು :
    • ಪ್ರಯಾಣ ಶುಲ್ಕ ಹೆಚ್ಚಳ ಇಲ್ಲ .
    • 15 ಎಕ್ಸ್‌ಪ್ರೆಸ್‌ ರೈಲುಗಳ ಸಂಚಾರ.
    • ಕಂಪ್ಯೂಟರೀಕೃತ ಸಂಚಾರ ನಿಯಂತ್ರಣ.
    • 273 ಕಿಮೀ ಉದ್ದದ ನೂತನ ರೈಲು ಮಾರ್ಗ ನಿರ್ಮಾಣದ ಪ್ರಸ್ತಾವನೆ.
    • ದುರಂತ ನಿರ್ವಹಣೆಗಾಗಿ ಸಂಸ್ಥೆಯಾಂದರ ಸ್ಥಾಪನೆ.
    • 32 ಹೊಸ ರೈಲುಗಳ ಓಡಾಟ.
    • ಪರಿಸರ ಸ್ನೇಹಿ ಶೌಚಾಲಯಗಳ ವ್ಯವಸ್ಥೆ .
    • ರೈಲುಗಳಲ್ಲಿ ಲಸ್ಸಿ ಮಾರಾಟಕ್ಕೆ ಕ್ರಮ. ರೈಲು ನಿಲ್ದಾಣಗಳಲ್ಲಿ ಹಾಲು ಹಾಗೂ ಹಾಲು ಉತ್ಪನ್ನಗಳಿಗೆ ಮಣೆ.
    • ಪ್ರಯಾಣಿಕರ ರಕ್ಷಣೆಗೆ ಆದ್ಯತೆ.
    (ಏಜನ್ಸೀಸ್‌)

    ವಾರ್ತಾ ಸಂಚಯ
    ರೈಲ್ವೆ ಬಜೆಟ್‌ 2004-05: ರಕ್ಷಣೆಗೆ ಒತ್ತು , ಪ್ರಯಾಣದರ ಯಥಾಸ್ಥಿತಿ


    ಮುಖಪುಟ / ವಾರ್ತೆಗಳು

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more