ಬೆಂಗಳೂರಿನಲ್ಲಿ ಜುಲೈ5ರಿಂದ ಐದು ದಿನ ಯಕ್ಷಗಾನ ‘ಪಂಚಕ’ ಉತ್ಸವ

ಬೆಂಗಳೂರಿನಲ್ಲಿ ಜುಲೈ5ರಿಂದ ಐದು ದಿನ ಯಕ್ಷಗಾನ ‘ಪಂಚಕ’ ಉತ್ಸವ
ನಗರದ ಯಕ್ಷಗಾನ ರಸಿಕರಿಗೆ ಸಂತಸದ ಸುದ್ದಿ. ಐದು ದಿನಗಳ ಯಕ್ಷಗಾನ ‘ಪಂಚಕ’. ಉಚಿತ ಪ್ರವೇಶ. ನೀವೂ ಬನ್ನಿ... ನಿಮ್ಮವರನ್ನೂ ಕರೆತನ್ನಿ...

• ಪ್ರಕಾಶ ಸಾಗರ
  [email protected]

ಕರಾವಳಿಯ ಯಕ್ಷಗಾನ ತಂಡಗಳು ಬೆಂಗಳೂರಿನ ಯಕ್ಷಗಾನ ಪ್ರಿಯರನ್ನು ರಂಜಿಸಲೆಂದು ನಗರಕ್ಕೆ ಧಾವಿಸುತ್ತಿದೆ. ಪೂರ್ಣಚಂದ್ರ ಯಕ್ಷಕಲಾ ಪ್ರತಿಷ್ಠಾನ(ರಿ)ಕೊಂಡದಕುಳಿ, ತಂಡವು ಕೊಂಡದಕುಳಿ ರಾಮಚಂದ್ರ ಹೆಗಡೆಯವರ ಸಾರಥ್ಯದಲ್ಲಿ ನಗರದ ಅಖಿಲ ಹವ್ಯಕ ಮಹಾಸಭೆ, ಮಲ್ಲೇಶ್ವರಂ ನಲ್ಲಿ ಜುಲೈ 5ರಿಂದ 9ರವರೆಗೆ ಐದು ದಿನಗಳ ‘ಪಂಚಕ’ ಯಕ್ಷಗಾನ ಉತ್ಸವವನ್ನು ನಡೆಸಿಕೊಡಲಿದೆ.

ಯಕ್ಷಗಾನ ಯೋಗಕ್ಷೇಮ ಅಭಿಯಾನ, ಬೆಂಗಳೂರು ಮತ್ತು ಹವ್ಯಕ ಮಹಾಸಭೆ, ಬೆಂಗಳೂರು ಪ್ರಾಂತ ಪ್ರತಿನಿಧಿ ಪರಿಷತ್‌ಗಳ ಸಹಯೋಗದಲ್ಲಿ ನಡೆಯಲಿರುವ ಐದು ದಿನಗಳ ‘ಪಂಚಕ’ ಯಕ್ಷೋತ್ಸವಕ್ಕೆ ಅಭಿಯಾನವು ಹೃತ್ಪೂರ್ವಕವಾಗಿ ಸ್ವಾಗತಿಸುತ್ತಿದೆ. ಯಕ್ಷಗಾನ ಕಲಾವಿದರ, ಯಕ್ಷಗಾನ ರಸಿಕರ, ಯಕ್ಷಗಾನ ಆರಾಧಕರ ಮಿಲನ ಮಹೋತ್ಸವವೆಂದು ಪರಿಗಣಿಸಲಾಗುವ ಈ ಕಾರ್ಯಕ್ರಮಕ್ಕೆ, ಸಂಘಟಕರು ಸರ್ವರಿಗೂ ಆದರದ ಆಮಂತ್ರಣ ನೀಡುತಿದ್ದಾರೆ.

ನಡೆಯಲಿರುವ ಪ್ರಸಂಗಗಳು:

ಕಾರ್ತವೀರ್ಯಾರ್ಜುನ
ಭಕ್ತ ಸುಧನ್ವ
ದಕ್ಷ ಯಜ್ಞ
ಕೀಚಕ ವಧೆ
ಶಾಕುಂತಲೆ

ಕಲಾವಿದರು:

ಹಿಮ್ಮೇಳದಲ್ಲಿ: ವಿದ್ವಾನ್‌ ಗಣಪತಿ ಭಟ್ಟ, ಪ್ರಸನ್ನ ಭಟ್ಟ ಬಾಳ್ಕಲ್‌, ವಿ.ಪಿ.ಪಾಠಕ್‌, ವೇದವ್ಯಾಸ ಶೆಣೈ, ಲಕ್ಷ್ಮೀನಾರಾಯಣ ಸಂಪ

ಮುಮ್ಮೇಳದಲ್ಲಿ: ರಾಮಚಂದ್ರ ಹೆಗಡೆ ಕೊಂಡದಕುಳಿ, ಗಣಪತಿ ಹೆಗಡೆ ತೋಏಮನೆ, ಸಂಜಯ ಬೆಳೆಯೂರು, ನಾಗೇಂದ್ರ ಮೂರೂರು, ಪರಮೇಶ್ವರ್‌ ಭಟ್ಟ ಹೇರೂರು.

ಸ್ತ್ರೀ ವೇಶ: ವಿಷ್ಣು ಭಟ್ಟ ಮೂರೂರು, ಶಂಕರ ಹೆಗಡೆ ನೀಲ್ಕೋಡು, ಮಂಟಪ ಪ್ರಬಾಕರ ಉಪಾಧ್ಯ(ವಿಶೇಷ ಆಮಂತ್ರಿತರು)

ಹಾಸ್ಯ: ಶ್ರೀಧರ ಹೆಗಡೆ ಚಪ್ಪರಮನೆ.

ಐದು ದಿನಗಳ ಈ ಕಾರ್ಯಕ್ರಮದಲ್ಲಿ ಆಸಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಕಾರ್ಯಕ್ರಮದ ಯಶಸ್ವಿಗೆ ಪ್ರತ್ಯಕ್ಷ ಮತ್ತು ಪರೋಕ್ಷವಾಗಿ ಕಾರಣರಾಗಬೇಕೆಂದು ಅಭಿಯಾನವು ವಿನಂತಿಸುತ್ತದೆ. ಉಚಿತ ಪ್ರವೇಶವಾಗಿದ್ದು, ದಾನಿಗಳು, ಆಸಕ್ತರು ತನು, ಮನ, ಧನದಿಂದ ನೀಡುವ ಸಹಕಾರಗಳಿಗೆ ಸ್ವಾಗತವಿದೆ.

ಹೆಚ್ಚಿನ ವಿವರಗಳಿಗಾಗಿ:

ಅಖಿಲ ಹವ್ಯಕ ಮಹಾ ಸಭಾ
101, 8ನೇ ಅಡ್ಡರಸ್ತೆ, 11ನೇ ಮುಖ್ಯರಸ್ತೆ
ಮಲ್ಲೇಶ್ವರಂ, ಬೆಂಗಳೂರು-03

ದೂರವಾಣಿ: 080-23348193, 51128498, 26721510/94480-61678

ಮುಖಪುಟ / ವಾರ್ತೆಗಳು