ರಾಜ್ಯವು ಶೀಘ್ರವೇ ಸಾಮಾನ್ಯ ಕನಿಷ್ಠ ಕಾರ್ಯಕ್ರಮ ರೂಪಿಸಲಿ : ಗೌಡ

ರಾಜ್ಯವು ಶೀಘ್ರವೇ ಸಾಮಾನ್ಯ ಕನಿಷ್ಠ ಕಾರ್ಯಕ್ರಮ ರೂಪಿಸಲಿ : ಗೌಡ
ಪಕ್ಷ ಸಂಘಟನೆ ಬಲಪಡಿಸಲು ದೇವೇಗೌಡ ರಾಜ್ಯಾದ್ಯಂತ ಪ್ರವಾಸ

ರಾಜ್ಯದಲ್ಲಿ ಸಮ್ಮಿಶ್ರ ಸರಕಾರ ರಚನೆಯಾದ ಬಳಿಕ ಮೊತ್ತ ಮೊದಲಬಾರಿಗೆ ಮಾಜಿ ಪ್ರಧಾನಿ, ಜಾತ್ಯಾತೀತ ಜನತಾದಳ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ದೇವೇಗೌಡ ಜೂನ್‌19ರ ಶನಿವಾರ ಪತ್ರಿಕಾ ಸಂದರ್ಶನ ನೀಡಿದರು.

ಪತ್ರಿಕಾ ಸಂದರ್ಶನದಲ್ಲಿ ದೇವೇಗೌಡ ಹೇಳಿದ್ದು

ಅಕ್ಕಿ ಹಗರಣ

• ಅಕ್ಕಿ ಹಗರಣ ತನಿಖೆಗೆ ಜಂಟಿ ಸದನ ಸಮಿತಿ ರಚಿಸಲು ಸರಕಾರ ನಿರಾಕರಿಸಿರುವುದರಲ್ಲಿ ತಪ್ಪೇನಿಲ್ಲ.
• ಇದರಲ್ಲಿ ಜೆಡಿಎಸ್‌ ಪಾತ್ರ ಏನೇನೂ ಇಲ್ಲ. ಹಗರಣ ನಡೆದಾಗ ಜೆಡಿಎಸ್‌ ಆಡಳಿತ ಪಕ್ಷವಾಗಿರಲಿಲ್ಲ.
• ಬಿಜೆಪಿ ಪ್ರಮುಖ ವಿರೋಧಿ ಪಕ್ಷವಾಗಿತ್ತು. ವಿರೋಧಿ ಪಕ್ಷದ ಕಾರ್ಯವೂ ಮುಖ್ಯವಾಗುತ್ತದೆ. ಅವರಿಗೆ ಹಗರಣದ ತನಿಖೆ ನಡೆಸಲೇ ಬೇಕೆಂದಿದ್ದರೆ ಸಿಬಿಐಗೆ ನೀಡಲು ಪಟ್ಟು ಹಿಡಿಯಲಿ.

• ಗುಜರಾತ್‌ ಕುರಿತು ವಾಜಪೇಯಿಯೇ ಹೇಳಿಕೆ ನೀಡಿದ್ದಾರೆ. ಅಂದ ಮೇಲೆ ಕೋಮುವಾದಿಗಳ ಜೊತೆ ಹೊಂದಾಣಿಕೆ ಮಾಡಿಕೊಳ್ಳುವುದು ಹೇಗೆ?
• ರಾಜ್ಯದಲ್ಲಿ ನಿರ್ಮಾಣವಾದ ಅನಿವಾರ್ಯ ಪರಿಸ್ಥಿತಿಯಲ್ಲಿ ಕೋಮುವಾದಿಗಳನ್ನು ಅಧಿಕಾರದಿಂದ ಹೊರಗಿಡಲು ಈ ಸಮ್ಮಿಶ್ರ ಸರಕಾರ ರಚನೆ
• ಎರಡೂ ಪಕ್ಷಗಳು ಕುಳಿತು ಶೀಘ್ರವೇ ಸಾಮಾನ್ಯ ಕನಿಷ್ಠ ಕಾರ್ಯಕ್ರಮ ರೂಪಿಸ ಬೇಕು.
• ಸಂಪುಟ ವಿಸ್ತರಣೆ ಮಾಡುವುದು ಮುಖ್ಯಮಂತ್ರಿ ವಿವೇಚನೆಗೆ ಬಿಟ್ಟ ವಿಚಾರ.
• ಪಕ್ಷ ಸಂಘಟನೆ ಬಲಪಡಿಸಲು ರಾಜ್ಯಾದ್ಯಂತ ಪ್ರವಾಸ. ಇದರಿಂದ ಸಮ್ಮಿಶ್ರದ ಸರಕಾರದ ಮೇಲೆ ಯಾವುದೇ ಪರಿಣಾಮವಿಲ್ಲ

• ಕಾವೇರಿ ನೀರು ಬಿಟ್ಟಿರುವುದು ಬಾಂಧವ್ಯದ ಪ್ರತೀಕ.
• ಕೇಂದ್ರಕ್ಕೆ ನೀಡಿದ ತನ್ನ ಬೆಂಬಲವನ್ನು ಬಳಸಿಕೊಂಡು ಡಿಎಮ್‌ಕೆ ಸರಕಾರದ ಮೇಲೆ ಒತ್ತಡ ತರಬಾರದು
• ಪಕ್ಷವು ಕೇಂದ್ರದಲ್ಲಿ ರಾಜ್ಯದ ಹಿತಕಾಯಲು ಬದ್ಧ . ಸಂಸತ್ತಿನಲ್ಲಿ ಜೆಡಿಎಸ್‌ ಸಂಸದರ ಸಂಖ್ಯೆ ನಗಣ್ಯವಾದರೂ ರಾಜಕೀಯ ಪ್ರಭಾವ ಪ್ರಬಲವಾಗಿದೆ.

• ಎಮ್‌ಎಎಮ್‌ ರಾಮಸ್ವಾಮಿಯವರಿಗೆ 1996ರಲ್ಲಿ ನೀಡಿದ ವಚನದನ್ವಯ ಅವರಿಗೆ ರಾಜ್ಯಸಭೆಗೆ ಟಿಕೆಟ್‌ ನೀಡಲಾಗಿದೆ.
• ಜೆಡಿಎಸ್‌ನ ಹೆಚ್ಚುವರಿ ಮತಗಳು ಕಾಂಗ್ರೆಸ್‌ನ ಎರಡನೇ ಅಭ್ಯರ್ಥಿಗೆ

(ಪಿಟಿಐ)

ಮುಖಪುಟ / ವಾರ್ತೆಗಳು