ವಿಧಾನಸಭಾ ಅಧ್ಯಕ್ಷ : ಜೆಡಿಎಸ್‌ನ ಕೆ.ಆರ್‌.ಪೇಟೆ ಕೃಷ್ಣ ಆಯ್ಕೆ ಖಚಿತ

ವಿಧಾನಸಭಾ ಅಧ್ಯಕ್ಷ : ಜೆಡಿಎಸ್‌ನ ಕೆ.ಆರ್‌.ಪೇಟೆ ಕೃಷ್ಣ ಆಯ್ಕೆ ಖಚಿತ
ಕಾಂಗ್ರೆಸ್‌-ಜೆಡಿಎಸ್‌ ಜಂಟಿ ಅಭ್ಯರ್ಥಿಯಾಗಿ ಕೃಷ್ಣ

ಬೆಂಗಳೂರು : ರಾಜ್ಯ ವಿಧಾನಸಭೆ ಅಧ್ಯಕ್ಷರಾಗಿ ಜೆಡಿಎಸ್‌ ಪಕ್ಷದ ಕೃಷ್ಣ ಆಯ್ಕೆಯಾಗುವುದು ಖಚಿತವಾಗಿದೆ. ಅವರು ಜೂನ್‌10ರ ಗುರುವಾರದಂದು ಚುನಾವಣೆ ನಡೆಯಲಿದೆ. ಅವರು ಕಾಂಗ್ರೆಸ್‌ ಮತ್ತು ಜೆಡಿಎಸ್‌ ಪಕ್ಷದ ಜಂಟಿ ಆಭ್ಯರ್ಥಿಯಾಗಿದ್ದಾರೆ. ಆಡಳಿತ ಪಕ್ಷದ ಆಭ್ಯರ್ಥಿಯಾದ ಕಾರಣ ಅವರ ಆಯ್ಕೆ ಸಾಧ್ಯತೆ ಸ್ಪಷ್ಟವಾಗಿದೆ.

ಕಾಂಗ್ರೆಸ್‌ನಿಂದ ಮುಖ್ಯಮಂತ್ರಿ ಧರ್ಮಸಿಂಗ್‌ ಅವರ ಹೆಸರು ಸೂಚಿಸಿದರೆ, ಸಾರಿಗೆ ಸಚಿವ ಖರ್ಗೆ ನಮೂದಿಸಿದರು. ಜಾತ್ಯತೀತ ಜನತಾದಳದಿಂದ ಉಪಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಹೆಸರು ಸೂಚಿಸಿದರು. ಕಂದಾಯ ಸಚಿವ ಎಂ.ಪಿ.ಪ್ರಕಾಶ್‌ ನಮೂದಿಸಿದರು.

ಕೃಷ್ಣ ಅವರು ಕೃಷ್ಣರಾಜಪೇಟೆಯಿಂದ ಕಾಂಗ್ರೆಸ್‌ ಅಭ್ಯರ್ಥಿಯನ್ನು ಸೋಲಿಸಿವಿಧಾನಸಭೆ ಪ್ರವೇಶಿಸಿದ್ದರು. ರಾಜಕೀಯ ವಲಯದಲ್ಲಿ ಕೆ.ಆರ್‌.ಪೇಟೆಕೃಷ್ಣ ಎಂದೇ ಚಿರಪರಿಚಿತರು.

(ಪಿಟಿಐ)

ಮುಖಪುಟ / ಧರ್ಮ-ಕಾರಣ