ಸೋನಿಯಾರನ್ನು ನಂಬುವುದು ಹೇಗೆ ? ‘ಐಐಎಸ್‌ಸಿ’ ವಿಜ್ಞಾನಿ ಆತಂಕ

ಸೋನಿಯಾರನ್ನು ನಂಬುವುದು ಹೇಗೆ ? ‘ಐಐಎಸ್‌ಸಿ’ ವಿಜ್ಞಾನಿ ಆತಂಕ
ರಾಷ್ಟ್ರಪತಿ ಕಲಾಂಗೆ ಉಡುಪಿ ಶ್ರೀಗಳೊಂದಿಗೆ ಜಂಟಿ ಪತ್ರ

ವಿದೇಶಿ ಮೂಲದ ಸೋನಿಯಾಗಾಂಧಿ ಪ್ರಧಾನಿಯಾಗುವ ಕುರಿತು ಪ್ರತಿಷ್ಠಿತ ಭಾರತೀಯ ವಿಜ್ಞಾನ ಕೇಂದ್ರ (Indian Institute of Science)ದ ವಿಜ್ಞಾನಿಯಾಬ್ಬರು ಧ್ವನಿ ಎತ್ತಿದ್ದಾರೆ.

ದೇಶದ ರಕ್ಷಣೆ ಹಾಗೂ ಅಣ್ವಸ್ತ್ರಗಳಿಗೆ ಸಂಬಂಧಿಸಿದ ರಹಸ್ಯಗಳನ್ನು ಇಟಲಿ ಮೂಲದ ಮಹಿಳೆ ಸೋನಿಯಾಗಾಂಧಿಅವರ ಕೈಗೊಪ್ಪಿಸುವುದು ಹೇಗೆ ? ಅವರನ್ನು ನಂಬುವುದು ಹೇಗೆ ? ಎಂದು ರಾಷ್ಟ್ರಪತಿ ಅಬ್ದುಲ್‌ ಕಲಾಂ ಅವರಿಗೆ ಬರೆದಿರುವ ಪತ್ರದಲ್ಲಿ ಐಐಎಸ್‌ಸಿಯ ವಿಜ್ಞಾನಿ ಎಸ್‌.ಎಂ.ದೇಶಪಾಂಡೆ ತಕರಾರು ಎತ್ತಿದ್ದಾರೆ.

ರಾಷ್ಟ್ರಪತಿ ಕಲಾಂ ಅವರಿಗೆ ಬರೆದಿರುವ ಪತ್ರವನ್ನು ದೇಶಪಾಂಡೆ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಬಿಡುಗಡೆ ಮಾಡಿದರು. ಈ ಪತ್ರಕ್ಕೆ ದೇಶಪಾಂಡೆ ಅವರೊಂದಿಗೆ ಉಡುಪಿಯ ಅದಮಾರು ಮಠಾಧೀಶ ಶ್ರೀ ವಿಬುಧೇಶ ತೀರ್ಥ ಸ್ವಾಮೀಜಿ ಸಹಿ ಹಾಕಿದ್ದಾರೆ.

ಪ್ರತಿಯಾಬ್ಬರೂ ತಾಯಿಯ ನಂತರ ತಾಯಿನಾಡನ್ನು ಅಧಿಕವಾಗಿ ಪ್ರೀತಿಸುತ್ತಾರೆ. ಆ ಕಾರಣದಿಂದ ದೇಶದ ಹಿತಾಸಕ್ತಿಯ ಹಿನ್ನೆಲೆಯಲ್ಲಿ ವಿದೇಶಿ ಮೂಲದ ವ್ಯಕ್ತಿಯನ್ನು ಪ್ರಧಾನಿಯಾಗಿ ಮಾಡಲು ಸಾಧ್ಯವಿಲ್ಲ ಎಂದು ದೇಶಪಾಂಡೆ ತಮ್ಮ ಪತ್ರದಲ್ಲಿ ವಾದಿಸಿದ್ದಾರೆ. ಅಧ್ಯಕ್ಷ ಚುನಾವಣೆಗೆ ವಿದೇಶಿ ಮೂಲದ ವ್ಯಕ್ತಿಗಳ ಸ್ಪರ್ಧೆಯನ್ನು ಅಮೆರಿಕಾ ನಿಷೇಧಿಸಿರುವ ವಿಷಯವನ್ನು ದೇಶಪಾಂಡೆ ಪತ್ರದಲ್ಲಿ ನೆನಪಿಸಿಕೊಂಡಿದ್ದಾರೆ.

(ಪಿಟಿಐ)

ಮುಖಪುಟ / ಕುರುಕ್ಷೇತ್ರ-2004