ಮಂದಿನ ರಾಜ್ಯ ಸರಕಾರ ? ನಾಯಕರು ಏನು ಹೇಳುತ್ತಾರೆ ಗೊತ್ತಾ ?

By Staff

Published: Saturday, November 24, 2001, 5:30 [IST]

ಮಂದಿನ ರಾಜ್ಯ ಸರಕಾರ ? ನಾಯಕರು ಏನು ಹೇಳುತ್ತಾರೆ ಗೊತ್ತಾ ?
ಮುಂದಿನ ರಾಜ್ಯ ಸರಕಾರದ ಕುರಿತು ಮುಖಂಡರ ಮಾತುಗಳು

ಬೆಂಗಳೂರು : ನೂತನ ಸರ್ಕಾರದ ರಚನೆಯ ಹಿನ್ನೆಲೆಯಲ್ಲಿ ಈಗ ಎಲ್ಲರ ಕಣ್ಣು ಜೆಡಿಎಸ್‌ ಮುಖಂಡ ಮಾಜಿ ಪ್ರಧಾನಿ ದೇವೇಗೌಡರತ್ತ ಹೊರಳಿದೆ. ಮುಂದಿನ ಸರಕಾರದ ಭವಿಷ್ಯವನ್ನು ಬಹುತೇಕ ಜೆಡಿಎಸ್‌ ನಿರ್ಧರಿಸಲಿದೆ. ಆದರೆ ದೇವೇಗೌಡರು ಕೇಂದ್ರದ ಸ್ಥಿತಿಗತಿ ನೋಡಿ ರಾಜ್ಯದ ಬಗ್ಗೆ ನಿರ್ಧಾರ ಕೈಗೊಳ್ಳುವ ಸಾಧ್ಯತೆಯಿದೆ.

ಈ ನಡುವೆ ನೂತನ ಸರ್ಕಾರ ಸ್ಥಾಪನೆಯ ಬಗ್ಗೆ ವ್ಯಕ್ತವಾದ ಕೆಲವು ಅಭಿಪ್ರಾಯಗಳು ಕೆಳಗಿನಂತಿವೆ :

ರಾಜ್ಯದಲ್ಲಿ ಬಿಜೆಪಿ ಸರಕಾರ ಅಧಿಕಾರಕ್ಕೆ ಬರಲು ಕಾಂಗ್ರೆಸ್‌ ಖಂಡಿತವಾಗಿಯೂ ಅವಕಾಶ ನೀಡುವುದಿಲ್ಲ. ಜೆಡಿ(ಎಸ್‌) ಜೊತೆ ಹೊಂದಾಣಿಕೆ ಮಾಡುತ್ತೇವೆ. ಯಾರು ಸರಕಾರ ರಚಿಸಬೇಕು ಎಂಬುದನ್ನು ಮಾತುಕತೆ ಮಾಡಿ ನಿರ್ಧರಿಸುತ್ತೇವೆ.
-ಕರ್ನಾಟಕ ಪ್ರದೇಶ ಕಾಂಗ್ರೆಸ್‌ ಅಧ್ಯಕ್ಷ ಜನಾರ್ದನ ಪೂಜಾರಿ.

ಈಗಿರುವ ಅವಕಾಶದಲ್ಲಿ ಜೆಡಿಎಸ್‌ ಜೊತೆ ಮಾತುಕತೆ ನಡೆಸಲಾಗುವುದು. ಅವರ ಬೆಂಬಲದೊಂದಿಗೆ ಸರಕಾರ ರಚಿಸುವೆವು.
- ವಿಲಾಸ್‌ ರಾವ್‌ ದೇಶ್‌ಮುಖ್‌, ಕಾಂಗ್ರೆಸ್‌ ನಾಯಕ.

ಜನಾದೇಶ ಪಕ್ಷದ ವಿರುದ್ಧವಾಗಿದೆ. ಹೀಗಾಗಿ ಜನ ಹೇಳಿದಂತೆ ವಿರೋಧ ಪಕ್ಷದಲ್ಲಿ ಕುಳಿತುಕೊಳ್ಳಲು ಸಿದ್ಧ .
- ಮಲ್ಲಿಕಾರ್ಜುನ ಖರ್ಗೆ.

ಜನತೆಯ ಆಶಯಕ್ಕೆ ಸ್ಪಂದಿಸುವಂತಹ ಸರಕಾರ ನಿರ್ಮಿಸುವ ಕುರಿತು ಪಕ್ಷ ನಿರ್ಧರಿಸಲಿದೆ.
- ಜೆಡಿಎಸ್‌ ಮುಖಂಡ ಎಂಪಿ ಪ್ರಕಾಶ್‌.

ಚುನಾವಣೆಗೂ ಮುನ್ನ ಸಿದ್ಧರಾಮಯ್ಯ ಜೊತೆ ಹೊಂದಾಣಿಕೆ ಕುರಿತು ಮಾತನಾಡಿದ್ದೆ. ಈಗ ಅವರ ಪಕ್ಷದ ಉಳಿದ ಮುಖಂಡರೊಂದಿಗೆ ಮಾತುಕತೆ ನಡೆಸಿ ನಿರ್ಧರಿಸಬೇಕಾಗಿದೆ.
- ಬಿಜೆಪಿ ಮುಖಂಡ ಈಶ್ವರಪ್ಪ .

ಈ ಅತಂತ್ರ ವಿಧಾನಸಭೆಯಲ್ಲೂ ಪಕ್ಷ ಸರಕಾರ ನಡೆಸುವ ಜವಾಬ್ದಾರಿ ವಹಿಸಿದರೆ ಯಶಸ್ವಿಯಾಗಿ ಮುನ್ನಡೆಸಲು ಸಿದ್ಧ .
- ಕಾಂಗ್ರೆಸ್‌ ಹಿರಿಯ ಮುಖಂಡ ಧರ್ಮಸಿಂಗ್‌.

ಸರಕಾರ ರಚಿಸಲು ಬೇಕಾದ ಬೆಂಬಲವನ್ನು ಜೆಡಿಎಸ್‌ ಮುಖಂಡರಲ್ಲಿ ಕೇಳಲಾಗುವುದು. 1883ರಲ್ಲಿ ಜನತಾ ಪಕ್ಷಕ್ಕೆ ನಾವು ನೀಡಿದ್ದ ಬೇಷರತ್ತು ಬೆಂಬಲವನ್ನು ಅವರು ನೆನಪು ಮಾಡಿಕೊಳ್ಳಬೇಕಾಗಿದೆ.
- ಬಿಜೆಪಿ ಮುಖಂಡ ಡಿ.ಎಚ್‌. ಶಂಕರಮೂರ್ತಿ.

ರಾಜ್ಯದಲ್ಲಿ ಈಗ ಕಾಂಗ್ರೆಸ್‌ ವಿರುದ್ಧ ಜನಮತ ವ್ಯಕ್ತವಾಗಿದೆ. ಕಾಂಗ್ರೆಸೇತರ ಸರಕಾರ ರಚಿಸಲು ಪ್ರಯತ್ನ ನಡೆಸ ಬೇಕಾಗಿದೆ.
- ರಾಜ್ಯ ಬಿಜೆಪಿ ಉಸ್ತುವಾರಿ ಹೊತ್ತಿರುವ ಅರುಣ್‌ ಜೇಟ್ಲಿ .

ಮಂದಿನ ಸರಕಾರದ ಕುರಿತು ಪಕ್ಷದ ನಿರ್ಧಾರವು ಮುಕ್ತವಾಗಿದೆ. ನೂತನವಾಗಿ ಆಯ್ಕೆಯಾದ ಶಾಸಕರು ಮತ್ತು ಪಕ್ಷದ ಅಧ್ಯಕ್ಷರು, ಹಿರಿಯ ಮುಖಂಡರು ಸೇರಿ ನಿರ್ಧಾರ ಕೈಗೊಳ್ಳಲಿದ್ದಾರೆ.
- ಜೆಡಿಎಸ್‌ ಮುಖಂಡ ಪಿಜಿಆರ್‌ ಸಿಂಧ್ಯಾ.

(ಇನ್ಫೋ ವಾರ್ತೆ)

ಮುಖಪುಟ / ಕುರುಕ್ಷೇತ್ರ-2004

Published On November 24, 2001