ರಂಗಶಂಕರದಲ್ಲಿ ಮಾವಿನ ಹಣ್ಣೇ ಟೀ- ಊಟ !

ರಂಗಶಂಕರದಲ್ಲಿ ಮಾವಿನ ಹಣ್ಣೇ ಟೀ- ಊಟ !
ಮೇ 16, ಭಾನುವಾರದ ಈ ಮಾವು ಆಸ್ವಾದಿಸುವ ಕೂಟಕ್ಕೆ ರಂಗಕರ್ಮಿಗಳಿಗೂ, ರಂಗಾಸಕ್ತರಿಗೂ ಮುಕ್ತ ಆಹ್ವಾನ.

ಬೇಸಗೆಯ ಬೇಗೆಯಲ್ಲಿಯೂ ಮಳೆರಾಯನ ಆಗಮನವಾಗಿ ತಂಗಾಳಿಯಾಂದು ಬಂದು ಸೋಕಿ ಮರೆಯಾದಂತಾಗಿದೆ. ಕೆಲ ದಿನಗಳಿಂದ ಎಲ್ಲಿ ನೋಡಿದರೂ ಮಾವಿನ ಹಣ್ಣಿನ ರಾಶಿಗಳೆ. ದರವೂ ಜಬರದಸ್ತಾಗಿಯೇ ಇದೆ. ಇಂತಹ ಸಮಯದಲ್ಲಿಯೇ ನಗರದಲ್ಲೊಂದು ವೈವಿಧ್ಯಮಯ ಕಾರ್ಯಕ್ರಮ ನಡೆಯುತ್ತಿದೆ. ಆಸಕ್ತರಿಗೆಲ್ಲ ಬಹಿರಂಗ ಕರೆಯೋಲೆ. ಸರ್ವರಿಗೂ ಆದರದ ಸುಸ್ವಾಗತ.

ಊಟಕ್ಕೂ ಮಾವು, ಚಹಾದ ಜೊತೆಗೂ ಮಾವು. ಈ ವೈವಿಧ್ಯಮಯ ಮಾವಿನಹಣ್ಣಿನ ಕೂಟಕ್ಕೆ ಯಾವುದೇ ಪ್ರವೇಶ ಶುಲ್ಕವಿಲ್ಲ. ಆದರೆ ಕಾರ್ಯಕ್ರಮದಲ್ಲಿ ಭಾಗವಹಿಸುವವರು ಯಾವುದಾದರೊಂದು ಜಾತಿಯ ಒಂದು ಕಿಲೋ ಮಾವಿನ ಹಣ್ಣನ್ನು ತರತಕ್ಕದ್ದು. ಭಾಗವಹಿಸಿದವರು ಎಷ್ಟು ಬೇಕಾದರೂ ಮಾವಿನಹಣ್ಣು ತಿನ್ನಬಹುದು. ನಿಮ್ಮದೇ ಕೈ; ನಿಮ್ಮದೇ ಬಾಯಿ. ಯಾವುದೇ ತರಹದ ಇತಿಮಿತಿಗಳಿಲ್ಲ. ಮಾವಿನ ಹಣ್ಣನ್ನು ಸವಿಯುತ್ತ ನಿಮಗನಿಸಿದ ವಿಚಾರದ ಚರ್ಚೆ, ಹರಟೆಗಳಿಗೆ ಸಂಪೂರ್ಣ ಅವಕಾಶವಿದೆ.

ವಿವರಗಳನ್ನು ನೆನಪಿಡಿ :
ಸ್ಥಳ: ರಂಗ ಶಂಕರ, ನಂ. 36/2,
8 ನೇ ಅಡ್ಡರಸ್ತೆ,
ಜೆ.ಪಿ. ನಗರ,
ಬೆಂಗಳೂರು-78

ದಿನಾಂಕ: 16 ಮೇ ಭಾನುವಾರ 2004

ಸಮಯ: ಬೆಳಿಗ್ಗೆ 11.00 ರಿಂದ ಸಂಜೆ 5.00 ರವರೆಗೆ

(ಇನ್ಫೋ ವಾರ್ತೆ)

ಮುಖಪುಟ / ಬೆಂಗಳೂರು ಡೈರಿ