ಅಪಘಾತದಲ್ಲಿ ಇಬ್ಬರು ಸಾವು, ಮಾಜಿ ಸಚಿವ ಸರ್‌ನಾಯಕ್‌ ಪಾರು

ಅಪಘಾತದಲ್ಲಿ ಇಬ್ಬರು ಸಾವು, ಮಾಜಿ ಸಚಿವ ಸರ್‌ನಾಯಕ್‌ ಪಾರು
ಕಾರಿನ ಚಕ್ರ ಸ್ಫೋಟಿಸಿ ಸಂಭವಿಸಿದ ದುರಂತ

ಸಿಂಧಗಿ ಬಳಿ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಬಾಗಲಕೋಟೆ ವಿಧಾನಸಭಾ ಕಾಂಗ್ರೆಸ್‌ ಆಭ್ಯರ್ಥಿ, ಮಾಜಿ ಸಚಿವ ಅಜಯಕುಮಾರ್‌ ಸರ್‌ನಾಯಕ್‌ ಅವರೊಂದಿಗೆ ಪ್ರಯಾಣಿಸುತ್ತಿದ್ದ ಇಬ್ಬರು ನಿಧನರಾಗಿದ್ದಾರೆ.

ಸಿಂಧಗಿ ಕ್ರಾಸ್‌ ಸಮೀಪ ಈ ಘೋರ ಅಪಘಾತ ಸಂಭವಿಸಿದೆ (ಏ.22ರಂದು). ಸಚಿವರು ಸಂಚರಿಸುತ್ತಿದ್ದ ಕಾರಿನ ಚಕ್ರ ಸ್ಫೋಟಿಸಿದ ಪರಿಣಾಮವಾಗಿ ಎದುರು ಬರುತ್ತಿದ್ದ ಟಿಪ್ಪರಿಗೆ ಕಾರು ಢಿಕ್ಕಿ ಹೊಡೆದು ಈ ಅವಘಡ ಸಂಭವಿಸಿದೆ.

ಚುನಾವಣೆಯ ನಿಮಿತ್ತ ಸಚಿವರೊಂದಿಗೆ ಕಾರಿನಲ್ಲಿ ಸಂಚರಿಸುತ್ತಿದ್ದ ಇಬ್ಬರು ಕಾಂಗ್ರೆಸ್‌ ಕಾರ್ಯಕರ್ತರು ಸ್ಥಳದಲ್ಲೇ ಅಸುನೀಗಿದ್ದಾರೆ. ತಲೆಗೆ ಗಾಯಗೊಂಡಿರುವ ಅಜಯ್‌ಕುಮಾರ್‌ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.

(ಪಿಟಿಐ)

ಮುಖಪುಟ / ವಾರ್ತೆಗಳು