ಬಡತನಕ್ಕೆ ಕಂಗೆಟ್ಟು ಮಕ್ಕಳ ಕತ್ತುಮುರಿದು ಬೆಟ್ಟದಿಂದ ಹಾರಿದ ತಾಯಿ

ಬಡತನಕ್ಕೆ ಕಂಗೆಟ್ಟು ಮಕ್ಕಳ ಕತ್ತುಮುರಿದು ಬೆಟ್ಟದಿಂದ ಹಾರಿದ ತಾಯಿ
ನೆತ್ತರ ಕಣಿವೆಯಲ್ಲೊಂದು ದಾರುಣ ಪ್ರಸಂಗ

‘ಭಾರತ ಪ್ರಕಾಶಿಸುತ್ತಿದೆ’, ‘ಹಿತಾನುಭವ’ ಎಂದು ಕೇಂದ್ರ ಸರ್ಕಾರ ಒಂದೆಡೆ ಬೊಬ್ಬೆಯಾಡೆಯುತ್ತಿದ್ದರೆ, ಇನ್ನೊಂದೆಡೆ ಕರಾಳ ಭಾರತದ ದುರ್ಘಟನೆಯಾಂದು ನೆತ್ತರ ಕಣಿವೆಯಿಂದ ವರದಿಯಾಗಿದೆ.

ಜಮ್ಮು ಮತ್ತು ಕಾಶ್ಮೀರದ ಪೂಂಚ್‌ ಜಿಲ್ಲೆ ಯ ತಾರಾ ಗ್ರಾಮದ ಹೆಂಗಸೊಬ್ಬಳು ಮಾರ್ಚ್‌ 31 ರ ರಾತ್ರಿ ತನ್ನ ಮೂರು ಮಕ್ಕಳನ್ನೂ ಕೊಂದು ತಾನು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಈಕೆಯ ಸಾವಿಗೆ ಕಾರಣ ಬಡತನ !

35 ವರ್ಷ ವಯಸ್ಸಿನ ಶರೀಫಾ ಬೇಗಂ ಕಡು ಬಡತನದಿಂದ ಕಂಗೆಟ್ಟು ಈ ಕೃತ್ಯವೆಸಗಿದ್ದಾಳೆ. ಮೊದಲು ತನ್ನ ಒಂಭತ್ತು ವರ್ಷದ ಮಗು ಖಾಲಿಲ್‌ ಅಹಮದ್‌ನ ಕತ್ತು ಮುರಿದಿದ್ದು , ಅದೇ ತೆರನಾಗಿ ಉಳಿದ ಇಬ್ಬರು ಹೆಣ್ಣು ಮಕ್ಕಳಾದ 5 ವರ್ಷದ ತಸ್ಲಿಮಾ ಮತ್ತು 2 ವರ್ಷದ ಮುನ್ನಿಯನ್ನು ದಾರುಣವಾಗಿ ಕೊಂದಿದ್ದಾಳೆ.

ಮೂವರು ಮಕ್ಕಳನ್ನು ಕೊಂದ ನಂತರ ಶರೀಫಾ ಬೆಟ್ಟದ ಮೇಲಿನಿಂದ ಹಾರಿ ಸತ್ತಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈಗ ಹೇಳಿ, ಭಾರತ ಪ್ರಕಾಶಿಸುತ್ತಿದೆಯಾ ?

(ಪಿಟಿಐ)

ಮುಖಪುಟ / ವಾರ್ತೆಗಳು