ಕಾವೇರಿ ಸಂತ್ರಸ್ತರಿಗೆ 6 ತಿಂಗಳಲ್ಲಿ ಪರಿಹಾರಕ್ಕೆ ಕೋರ್ಟ್‌ ಆದೇಶ

ಕಾವೇರಿ ಸಂತ್ರಸ್ತರಿಗೆ 6 ತಿಂಗಳಲ್ಲಿ ಪರಿಹಾರಕ್ಕೆ ಕೋರ್ಟ್‌ ಆದೇಶ
ಪ್ರಾಧಿಕಾರದ ತೀರ್ಪಿನಲ್ಲಿ ಮಧ್ಯಪ್ರವೇಶಿಸಲು ನಿರಾಕರಣೆ

ಆರು ತಿಂಗಳೊಳಗೆ ಕಾವೇರಿ ಗಲಭೆಯ ಸಂತ್ರಸ್ತರಿಗೆ ಪರಿಹಾರ ನೀಡುವಂತೆ ಕರ್ನಾಟಕ ಮತ್ತು ತಮಿಳುನಾಡು ಸರ್ಕಾರಗಳಿಗೆ ಸುಪ್ರಿಂಕೋರ್ಟ್‌ ಆದೇಶಿಸಿದೆ.

ತಮಿಳುನಾಡಿನೊಂದಿಗೆ ನೀರು ಹಂಚಿಕೊಳ್ಳುವ ಸಂಬಂಧ 1991ರಲ್ಲಿ ನಡೆದ ಗಲಭೆಗಳಲ್ಲಿ ನೊಂದವರಿಗೆ ಪರಿಹಾರ ನೀಡುವಂತೆ ಕಾವೇರಿ ಪರಿಹಾರ ಪ್ರಾಧಿಕಾರ ತಿಳಿಸಿತ್ತು . ಈ ಕುರಿತು ಪ್ರಾಧಿಕಾರದ ತೀರ್ಪಿನಲ್ಲಿ ಮಧ್ಯಪ್ರವೇಶಿಸಲು ನಿರಾಕರಿಸಿರುವ ಸುಪ್ರಿಂಕೋರ್ಟ್‌, 6 ತಿಂಗಳಲ್ಲಿ ಸಂತ್ರಸ್ತರಿಗೆ ಪರಿಹಾರ ನೀಡಬೇಕೆಂದು ಮಂಗಳವಾರ ಆದೇಶಿಸಿತು.

ನ್ಯಾಯಮೂರ್ತಿ ಎಸ್‌.ರಾಜೇಂದ್ರಬಾಬು, ನ್ಯಾಯಮೂರ್ತಿ ಎ.ಆರ್‌.ಲಕ್ಷ್ಮಣನ್‌ ಹಾಗೂ ನ್ಯಾಯಮೂರ್ತಿ ಜಿ.ಪಿ.ಮಾಥುರ್‌ ಅವರನ್ನೊಳಗೊಂಡ ನ್ಯಾಯಪೀಠ ಈ ತೀರ್ಪು ನೀಡಿದೆ. ಸುಮಾರು 10 ಸಾವಿರ ಸಂತ್ರಸ್ತರಿಗೆ ಪರಿಹಾರ ಬರಬೇಕಾಗಿದೆ.

ಕರ್ನಾಟಕ ಹಾಗೂ ತಮಿಳುನಾಡುಗಳಲ್ಲಿ ಚುನಾವಣೆ ಜ್ವರ ಏರುಮುಖವಾಗಿರುವುದರಿಂದ ಸದ್ಯಕ್ಕೆ ಕಾವೇರಿ ನೀರು ಹಂಚಿಕೆ ವಿವಾದ ತಣ್ಣಗಿದೆ.

(ಪಿಟಿಐ)

ಮುಖಪುಟ / ಕಾವೇರಿ