ಆರು ತಿಂಗಳ ಸೆರೆವಾಸದ ನಂತರ ಹೊರಬಂದರು ಪಿ. ನೆಡುಮಾರನ್‌

ಆರು ತಿಂಗಳ ಸೆರೆವಾಸದ ನಂತರ ಹೊರಬಂದರು ಪಿ. ನೆಡುಮಾರನ್‌
ಮದ್ರಾಸ್‌ ಹೈಕೋರ್ಟ್‌ನಿಂದ ನೆಡುಮಾರನ್‌ರಿಗೆ ಜಾಮೀನು

ಪೋಟಾ ಕಾಯ್ದೆಯಡಿ ಬಂಧನಕ್ಕೊಳಗಾಗಿದ್ದ ತಮಿಳು ರಾಷ್ಟ್ರೀಯವಾದಿ ನಾಯಕ ಪಿ.ನೆಡುಮಾರನ್‌ ಜ.8ರ ಗುರುವಾರ ಬೆಳಗ್ಗೆ ಇಲ್ಲಿನ ಕೇಂದ್ರ ಕಾರಾಗೃಹದಿಂದ ಬಿಡುಗಡೆಯಾದರು.

1993 ರಲ್ಲಿ ಎಲ್‌ಟಿಟಿಇ ಸಂಘಟನೆಯನ್ನು ಬೆಂಬಲಿಸುವಂಥ ಪುಸ್ತಕದ ಪ್ರಕಟಣೆಯ ಆರೋಪದ ಮೇಲೆ ನೆಡುಮಾರನ್‌ ಅವರನ್ನು ಬಂಧಿಸಲಾಗಿತ್ತು . ದಂತಚೋರ ವೀರಪ್ಪನ್‌ ಅಪಹರಣಕ್ಕೊಳಗಾಗಿದ್ದ ವರನಟ ರಾಜ್‌ಕುಮಾರ್‌ ಅವರ ಬಿಡುಗಡೆಯಲ್ಲಿ ನೆಡುಮಾರನ್‌ ಪ್ರಮುಖ ಪಾತ್ರ ವಹಿಸಿದ್ದರು.

ವೀರಪ್ಪನ್‌ನೊಂದಿಗೆ ಸಂಪರ್ಕ ಹೊಂದಿರುವ ಕುರಿತೂ ತಮಿಳುನಾಡು ಪೊಲೀಸರು ನೆಡುಮಾರನ್‌ ಮೇಲೆ ಕಣ್ಣಿಟ್ಟಿದ್ದಾರೆ. ಜಯಲಲಿತಾ ಅಧಿಕಾರಕ್ಕೆ ಬಂದ ಮೇಲೆ ನೆಡುಮಾರನ್‌ ಚಟುವಟಿಕೆಗಳ ಮೇಲಿನ ನಿಗಾ ತೀವ್ರಗೊಂಡಿದ್ದು , 2002 ರ ಆಗಸ್ಟ್‌ 1ರಂದು ಪೋಟ ಅನ್ವಯ ನೆಡುಮಾರನ್‌ರನ್ನು ಬಂಧಿಸಲಾಗಿತ್ತು .

ಚೆಂಗಲ್‌ಪಟ್ಟು ಸೆಷನ್ಸ್‌ ನ್ಯಾಯಾಲಯ ನೆಡುಮಾರನ್‌ ಅವರಿಗೆ ಜಾಮೀನು ನಿರಾಕರಿಸಿತ್ತು . ಆದರೆ, ಜನವರಿ 6ರಂದು ಮದ್ರಾಸ್‌ ಹೈಕೋರ್ಟ್‌ ನೆಡುಮಾರನ್‌ ಅವರಿಗೆ ಜಾಮೀನು ನೀಡಿದೆ.

(ಪಿಟಿಐ)

ಮುಖಪುಟ / ವಾರ್ತೆಗಳು