• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಬಡ ಬಿಸ್ಮಿಲ್ಲ ಖಾನ್‌ಗೆ ಹುಷಾರಿಲ್ಲ, ಚಿಕಿತ್ಸೆಗೆ ಸಾಕಷ್ಟು ಹಣವಿಲ್ಲ

By Staff
|

ಬಡ ಬಿಸ್ಮಿಲ್ಲ ಖಾನ್‌ಗೆ ಹುಷಾರಿಲ್ಲ, ಚಿಕಿತ್ಸೆಗೆ ಸಾಕಷ್ಟು ಹಣವಿಲ್ಲ
‘ಇನ್ನು ನನ್ನ ಕೈಯಲ್ಲಿ ಶಹನಾಯಿ ನುಡಿಸೋಕೆ ಆಗಲ್ಲ’

‘ಸನಾದಿ ಅಪ್ಪಣ್ಣ’ ಬಿಸ್ಮಿಲ್ಲ ಖಾನ್‌ ಅವರ ಆರೋಗ್ಯ ಹದಗೆಟ್ಟಿದೆ. ನರನಾಡಿಗಳ ನಿತ್ರಾಣ ಮಾಡಿರುವ ಬಲು ಜ್ವರಕ್ಕೆ ಚಿಕಿತ್ಸೆ ಕೊಡಿಸುವ ಆರ್ಥಿಕ ತಾಕತ್ತು ಅವರಿಗಿಲ್ಲ. ಶಹನಾಯಿ ನುಡಿಸುವ ಆಸೆಯೂ ಬತ್ತಿಹೋಗಿದೆ. ಶಹನಾಯಿಗೆ ಉಸಿರೂದಲು ಜೀವಾನಿಲದ ಚೀಲದಲ್ಲಿ ಸಾಕಷ್ಟು ಗಾಳಿಯಿಲ್ಲ !

ಬಿಸ್ಮಿಲ್ಲಾ ಖಾನ್‌ ಅವರಿಗೀಗ ತೊಂಬತ್ತು ವಯಸ್ಸು. ವಯೋ ಸಹಜ ನಿತ್ರಾಣದ ಜೊತೆಗೆ ಜ್ವರದ ಬೇಗೆ ಅವರನ್ನು ಹಾಸಿಗೆಯಿಂದ ಏಳದಂತೆ ಮಾಡಿದೆ. ಈ ವಿಷಯದಿಂದ ಕಲಾವಿದರು ಅಷ್ಟೇನೂ ಆಘಾತಗೊಳ್ಳಲಿಲ್ಲ. ಆದರೆ, ಬಿಸ್ಮಿಲ್ಲಾ ಖಾನ್‌ ಬಡವರು ಎಂಬುದು ಇಡೀ ಕಲಾರಂಗವನ್ನು ಬೆಚ್ಚಿ ಬೀಳಿಸಿದೆ. ಅಷ್ಟು ವರ್ಷಗಳ ಕಾಲ ಶಹನಾಯಿಗೆ ಜೀವ ತುಂಬಿದ, ‘ಭಾರತ ರತ್ನ’ದಂಥ ದೊಡ್ಡಾತಿ ದೊಡ್ಡ ಪ್ರಶಸ್ತಿಗಳ ಬುಟ್ಟಿಗೆ ಹಾಕಿಕೊಂಡ ಕಲಾವಿದನ ಬಳಿ ವೈದ್ಯರ ಹತ್ತಿರ ಹೋಗಲು ಹಣವಿಲ್ಲದ ಸ್ಥಿತಿ.

‘ನೀವೇನೂ ಯೋಚನೆ ಮಾಡಬೇಡಿ. ನಿಮ್ಮ ಚಿಕಿತ್ಸೆಗೆ ಬೇಕಾದ ಹಣವನ್ನು ಕೊಡಿಸುತ್ತೇನೆ ಅಂತ ಕಳೆದ ವರ್ಷ ಆಗಸ್ಟ್‌ 15ನೇ ತಾರೀಕು ಪ್ರಧಾನಿ ವಾಜಪೇಯಿ ಭರವಸೆ ಕೊಟ್ಟಿದ್ದರು. ಆದರೆ, ಈವರೆಗೂ ಅವರಿಂದ ಚಿಕ್ಕಾಸೂ ಸಿಕ್ಕಿಲ್ಲ’ ಎಂದು ಬಿಸ್ಮಿಲ್ಲ ಅಲವತ್ತುಕೊಳ್ಳುತ್ತಾರೆ.

‘ಮಂತ್ರಿ ಮಹೋದಯರಿಗೆ ಐಷಾರಾಮಿ ಸೌಕರ್ಯ ಕೊಡುವ ಸರ್ಕಾರಕ್ಕೆ ಕಲಾವಿದರೆಂದರೆ ಅಷ್ಟಕ್ಕಷ್ಟೆ. ಉಸ್ತಾದ್‌ ಬಿಸ್ಮಿಲ್ಲ ಭಾರತ ರತ್ನ. ಅಂಥವರನ್ನು ಹೀಗಾ ನಿರ್ಲಕ್ಷಿಸೋದು. ಕಲಾವಿದರನ್ನು ಹೇಗೆ ನೋಡಿಕೊಳ್ಳಬೇಕು ಅಂತ ಬೇರೆ ದೇಶಗಳನ್ನು ನೋಡಿ ನಮ್ಮ ಸರ್ಕಾರ ತಿಳಿಯಲಿ’ ಎಂದು ಸರೋದ್‌ ಮಾಂತ್ರಿಕ ಅಮ್ಜದ್‌ ಅಲಿ ಖಾನ್‌ ಕಿಡಿ ಕಾರಿದ್ದಾರೆ. ಶಾಸ್ತ್ರೀಯ ನರ್ತಕಿ ಸೋನಾಲ್‌ ಮಾನ್‌ಸಿಂಗ್‌ ಕೂಡ ಈ ವಿಷಯದಲ್ಲಿ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಅನೇಕ ಕಲಾವಿದರು ಬಿಸ್ಮಿಲ್ಲಾ ಖಾನ್‌ ಅವರ ಮನೆಗೆ ಹೋಗಿ, ಅವರ ಆರೋಗ್ಯವನ್ನು ವಿಚಾರಿಸಿಕೊಂಡು ಬರುತ್ತಿದ್ದಾರೆ. ಆದರೆ, ಅವರ ಚಿಕಿತ್ಸೆಗೆ ಬೇಕಾದ ಖರ್ಚು ಮಾತ್ರ ಗಿಟ್ಟುತ್ತಿಲ್ಲ.

(ಇನ್ಫೋ ವಾರ್ತೆ)


ಮುಖಪುಟ / ವಾರ್ತೆಗಳು

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more