• search

ಕೊಡಲಿ ಆತಂಕದಿ ಚಿತ್ರದುರ್ಗದ 197 ಹುಣಸೆ,ಅಂಜೂರ,ಬೇವು

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಚಿತ್ರದುರ್ಗ: ಇಲ್ಲಿನ ಹೊಳಲ್ಕೆರೆಯ ಹಾದಿಪಕ್ಕದಲ್ಲಿನ ಸುಮಾರು 197 ಮರಗಳನ್ನು ರಾಷ್ಟ್ರೀಯ ಹೆದ್ದಾರಿ 13ರ ಅಗಲೀಕರಣ ಕಾರ್ಯಕ್ಕಾಗಿ ಕಡಿಯಲು ನಿರ್ಧರಿಸಲಾಗಿದೆ.

    ರಾಷ್ಟ್ರೀಯ ಹೆದ್ದಾರಿ ವಿಭಾಗ ಈ ರಸ್ತೆ ಅಗಲೀಕರಣ ಕಾರ್ಯವನ್ನು ಕೈಗೆತ್ತಿಕೊಂಡಿದ್ದು, ಸುಮಾರು 422 ಕಿಮೀ ದೂರದವರೆಗಿನ ರಸ್ತೆಯನ್ನು ಅಗಲಗೊಳಿಸಲಾಗುವುದು. ಈ ಪ್ರದೇಶದಲ್ಲಿ 197 ಬೃಹತ್‌ ಗಾತ್ರದ ಮರಗಳು ಕಾಲುದಾರಿಗೆ ನೆರಳು ನೀಡುತ್ತಿವೆ. ಆದರೆ ಅರಣ್ಯ ಇಲಾಖೆಗೆ ರಾಷ್ಟ್ರೀಯ ಹೆದ್ದಾರಿ ವಿಭಾಗ ಬರೆದ ಪತ್ರದಲ್ಲಿ ಈ ಮರಗಳನ್ನು ಕಡಿಯಲು ಅನುಮತಿ ಕೇಳಲಾಗಿದೆ.

    ಅರಣ್ಯ ಇಲಾಖೆಯ ಅಧಿಕಾರಿಗಳು ಸ್ಥಳ ಪರೀಕ್ಷೆ ನಡೆಸಿದಾಗ ಈ ಪ್ರದೇಶದಲ್ಲಿ 167 ಹುಣಸೇ ಮರಗಳು, ಮತ್ತು ಹಿಪ್ಪೆ, ಬೇವು ಅಂಜೂರದ ಮರಗಳಿವೆ.

    ಮರಗಳನ್ನು ಕತ್ತರಿಸದೇ ವಿಧಿಯಿಲ್ಲ ಎಂದು ರಾಷ್ಟ್ರೀಯ ಹೆದ್ದಾರಿ ವಿಭಾಗ ಹೇಳುತ್ತಿದ್ದರೆ, ಈ ಉತ್ತಮ ಜಾತಿಯ ಮರಗಳ ಟೊಂಗೆಗಳನ್ನು ಕತ್ತರಿಸುವುದರಿಂದ ಅಭಿವೃದ್ಧಿ ಕಾಮಗಾರಿಯನ್ನು ಮುಗಿಸಬಹುದು ಎಂದು ಅರಣ್ಯ ಇಲಾಖೆ ಹೇಳುತ್ತಿದೆ. ಅಲ್ಲದೆ ರಸ್ತೆಯ ಎರಡೂ ಬದಿಯ ಮರಗಳನ್ನು ಕಡಿಯುವ ಬದಲು ಒಂದೇ ಕಡೆಯ ಮರಗಳನ್ನು ಕತ್ತರಿಸುವ ಮೂಲಕವೂ ಕಾಮಗಾರಿ ಮುಂದುವರೆಸಬಹುದು.

    ಆದರೆ ರಾಷ್ಟ್ರೀಯ ಹೆದ್ದಾರಿ ವಿಭಾಗಕ್ಕೆ ಈ ಸಲಹೆಗಳನ್ನೆಲ್ಲ ಕಿವಿಗೆ ಹಾಕಿಕೊಳ್ಳುವ ವ್ಯವಧಾನ ಇಲ್ಲ. ಮರಕಡಿಯುವ ಬಗ್ಗೆ ಅಕ್ಟೋಬರ್‌ 11ರೊಳಗೇ ಏನೇ ತಕರಾರು ಇದ್ದರೂ ಅರ್ಜಿ ಮುಖೇನ ಹೇಳುವಂತೆ ಸಾರ್ವಜನಿಕರಿಗೆ ಮತ್ತು ಪರಿಸರವಾದಿಗಳಿಗೆ ಸೂಚಿಸಲಾಗಿತ್ತು. ಈಗ ತಡವಾಗಿ ತಗಾದೆ ತೆಗೆಯುತ್ತಿರುವ ಅರಣ್ಯ ಇಲಾಖೆಯ ವಾದ ಸರಿಯಲ್ಲ ಎಂಬುದು ರಾಷ್ಟ್ರೀಯ ಹೆದ್ದಾರಿ ವಿಭಾಗದ ಅಧಿಕಾರಿಗಳ ವಾದ.

    ಜಿಲ್ಲೆಯಲ್ಲಿ ರಸ್ತೆ ಬದಿಯ ಮರಗಳು ಎರಡು ವರ್ಷಗಳಿಂದ ಸುಮಾರು 25 ಲಕ್ಷ ಆದಾಯ ತರುತ್ತಿವೆ. 80 ವರ್ಷಕ್ಕೂ ಹಿಂದಿನ ಹುಣಸೇ ಮರಗಳು ಇಲ್ಲಿವೆ. ಇವೆಲ್ಲವನ್ನೂ ಪರಿಗಣಿಸದೇ ರಾಷ್ಟ್ರೀಯ ಹೆದ್ದಾರಿ ವಿಭಾಗ ಮರ ಕಡಿಯುವುದಾದರೆ ಕಿಲೋಮೀಟರ್‌ಗೆ 54,200 ರೂಪಾಯಿಗಳನ್ನು ಅರಣ್ಯ ಇಲಾಖೆಗೆ ಅರಣ್ಯ ಅಭಿವೃದ್ಧಿಗಾಗಿ ನೀಡಬೇಕು. ಈ ಕಿರಿಕಿರಿಗಳನ್ನು ನಿವಾರಿಸಲು ಅರಣ್ಯ ವಿಭಾಗ ಮತ್ತು ರಾಷ್ಟ್ರೀಯ ಹೆದ್ದಾರಿ ವಿಭಾಗಗಳು ಜಂಟಿಯಾಗಿ ವೀಕ್ಷಣೆ ನಡೆಸಲಿವೆ.

    (ಇನ್ಫೋ ವಾರ್ತೆ)

    ಮುಖಪುಟ / ಇವತ್ತು... ಈ ಹೊತ್ತು...

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more