ಅಮೆರಿಕಾ ಪ್ರವೇಶ ಇನ್ನು ಸುಲಭವಲ್ಲ !ಬಿಗಿ ವೀಸಾನೀತಿ ಜಾರಿ

ವಾಷಿಂಗ್ಟನ್‌: ವಿದೇಶಿಯರಿಂದ ಅಮೆರಿಕ ಹಾಗೂ ಅಮೆರಿಕನ್ನರ ಹಿತಾಸಕ್ತಿಗೆ ಬೆದರಿಕೆ ಉಂಟಾಗಿರುವ ಹಿನ್ನೆಲೆಯಲ್ಲಿ ತನ್ನ ವೀಸಾ ನೀತಿಯನ್ನು ಬಿಗಿಗೊಳಿಸಲು ಅಮೆರಿಕಾ ನಿರ್ಧರಿಸಿದೆ.

ವೈಟ್‌ಹೌಸ್‌ನಲ್ಲಿ ಜರುಗಿದ ಹೋಲ್ಯಾಂಡ್‌ ಸೆಕ್ರಟರಿ ಕೌನ್ಸಿಲ್‌ ಸಭೆಯ ನಂತರ ಸುದ್ದಿಗಾರರನ್ನು ಉದ್ದೇಶಿಸಿ ಮಾತನಾಡಿದ ಅಮೆರಿಕ ಅಧ್ಯಕ್ಷ ಬುಷ್‌ ಅವರು, ವೀಸಾ ನೀತಿಯನ್ನು ಬಿಗಿಗೊಳಿಸುವುದೆಂದರೆ ವಿದೇಶಿಯರಿಗೆ ಅಮೆರಿಕಾ ಪ್ರವೇಶವನ್ನು ನಿರ್ಬಂಧಿಸುವುದು ಎಂದರ್ಥವಲ್ಲ . ಬದಲಿಗೆ ಅವರು ಯಾವ ಉದ್ದೇಶಕ್ಕಾಗಿ ಅಮೆರಿಕಾಗೆ ಬರುತ್ತಿದ್ದಾರೆ ಎನ್ನುವುದನ್ನು ಸ್ಪಷ್ಟಪಡಿಸಿಕೊಳ್ಳುವುದು ಎಂದರು.

ಕಾನೂನುಬದ್ಧ ವಲಸಿಗರನ್ನು ನಾವು ಸ್ವಾಗತಿಸುತ್ತೇವೆ. ಅಧ್ಯಯನಕ್ಕಾಗಿ ಹಾಗೂ ಕೆಲಸ ಮಾಡಲು ಅಮೆರಿಕಾಗೆ ಬರುವವರಿಗೂ ಸ್ವಾಗತವಿದೆ. ಆದರೆ, ಅಮೆರಿಕನ್ನರನ್ನು ಗಾಯಗೊಳಿಸಲು ಬರುವ ಮಂದಿಗೆ ವಿರೋಧವಿದೆ ಎಂದು ಬುಷ್‌ ಹೇಳಿದರು. ವಿದೇಶಿ ಭಯೋತ್ಪಾದಕರ ಜಾಡನ್ನು ಪತ್ತೆಹಚ್ಚುವ ವಿಶೇಷ ಕಾರ್ಯಪಡೆಯಾಂದನ್ನು ರಚಿಸುವುದಾಗಿ ಅವರು ತಿಳಿಸಿದರು.

(ಏಜೆನ್ಸೀಸ್‌)