For Daily Alerts
ಇನ್ಫೋಸಿಸ್, ಸತ್ಯಂ, ಐಸಿಐಸಿಐಗೆ ಷೇರು ಮಾರುಕಟ್ಟೆಯಲ್ಲಿ ಹಿನ್ನಡೆ
ಷೇರು ಮಾರುಕಟ್ಟೆಯಲ್ಲಿ ದಿಗ್ಗಜಾತಿ ದಿಗ್ಗಜ ಭಾರತೀಯ ಕಂಪನಿಗಳು ಸಾಕಷ್ಟು ಕುಸಿತ ಕಂಡಿವೆ. ದಿನದಂತ್ಯದಲ್ಲಿ 49.33 ಡಾಲರ್ಗಳಿಗೆ ಅಂಗಡಿ ಮುಚ್ಚಿದ ಇನ್ಫೋಸಿಸ್ 6 ಪ್ರತಿಶತ ಹಿನ್ನಡೆ ಅನುಭವಿಸಿತು. ಸತ್ಯಂ 1 ಸೆಂಟ್ ನಷ್ಟ ಅನುಭವಿಸಿದರೆ, ರೀಡಿಫ್ 8 ಸೆಂಟ್ಗಳಷ್ಟು ಹಿಂದಕ್ಕೆ ಸರಿಯಿತು.
ಐಸಿಐಸಿಐ ಹಾಗೂ ಐಸಿಐಸಿಐ ಬ್ಯಾಂಕ್ ಎರಡೂ ಷೇರು ಮಾರುಕಟ್ಟೆಯಲ್ಲಿ ಸೊರಗಿದವು. 7.03 ಡಾಲರ್ಗಳಿಗೆ ದಿನ ಪೂರೈಸಿದ ಐಸಿಐಸಿಐ 27 ಸೆಂಟ್ ಹಿನ್ನಡೆ ಅನುಭವಿಸಿದರೆ, ಐಸಿಐಸಿಐ ಬ್ಯಾಂಕ್ 5 ಡಾಲರ್ಗಳಿದ್ದಾಗ ಅಂಗಡಿ ಮುಚ್ಚಿತು. ಹಿನ್ನಡೆಗಳ ಭರಾಟೆಯಲ್ಲಿ ಮಿಂಚಿದ್ದು ವಿಎಸ್ಎನ್ಎಲ್ ಮಾತ್ರ. 24 ಸೆಂಟ್ಗಳಷ್ಟು ಏರಿಕೆ ಕಂಡ ವಿಎಸ್ಎನ್ಎಲ್ 10 ಡಾಲರ್ಗಳಿಗೆ ದಿನ ಪೂರೈಸಿತು. ವಿಪ್ರೋ 22.81 ಡಾಲರ್ಗಳಿಗೇ ತೃಪ್ತಿ ಪಟ್ಟುಕೊಳ್ಳಬೇಕಾಯಿತು.
(ಇನ್ಫೋ ವಾರ್ತೆ)
Story first published: Tuesday, October 30, 2001, 5:30 [IST]