ಅತಿ ವೇಗದ ‘ಸ್ಟೂಡೆಂಟ್‌ ಇಂಟರ್‌ನೆಟ್‌ ವರ್ಲ್ಡ್‌’ಗೆ ಸುಸ್ವಾಗತ

ಬೆಂಗಳೂರು : ನಿಮ್ಮ ಶಾಲೆಯ ಮಕ್ಕಳಿಗೆ ಇಂಟರ್‌ನೆಟ್‌ ಎಂದರೇನು ಎಂದು ತಿಳಿಸ ಬಯಸುತ್ತೀರಾ? ನಿಮ್ಮ ಶಾಲೆಯ ಮಕ್ಕಳು ಇಂಟರ್‌ನೆಟ್‌ ಜಗತ್ತಿನ ಬಗ್ಗೆ ಅನ್ವೇಷಿಸಿ, ಕಲಿತು, ಆಟವಾಡಿ ಅತ್ಯದ್ಭುತ ಅನುಭವ ಗಳಿಸಬೇಕೆಂದು ಆಶಿಸುತ್ತೀರಾ? ಹಾಗಾದರೆ ತಡವೇಕೆ ಕೂಡಲೇ ಸಾರ್ವಜನಿಕ ಶಿಕ್ಷಣ ಇಲಾಖೆಯನ್ನು ಸಂಪರ್ಕಿಸಿ.

ಬೆಂಗಳೂರು ಐ.ಟಿ. ಡಾಟ್‌ ಕಾಮ್‌ 2001 ಅಂಗವಾಗಿ ಕಳೆದ ವರ್ಷದಂತೆಯೇ ಈ ವರ್ಷ ಕೂಡ ಮಾಹಿತಿ ತಂತ್ರಜ್ಞಾನ ಇಲಾಖೆ ಹಾಗೂ ಕರ್ನಾಟಕ ಸಾರ್ವಜನಿಕ ಶಿಕ್ಷಣ ಇಲಾಖೆ ಸಂಯುಕ್ತಾಶ್ರಯದಲ್ಲಿ ನವೆಂಬರ್‌ 1ರಿಂದ 5ನೇ ತಾರೀಖಿನವರೆಗೆ ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ 300 ಕಂಪ್ಯೂಟರ್‌ಗಳನ್ನೊಳಗೊಂಡ ಅತಿ ದೊಡ್ಡ ಹಾಗೂ ಅತಿ ವೇಗದ ಸೈಬರ್‌ ಕೇಂದ್ರ ಸ್ಥಾಪಿಸಲಾಗುವುದು.

ಈ ಅದ್ವಿತೀಯ ಸ್ಟೂಡೆಂಟ್‌ ಇಂಟರ್‌ನೆಟ್‌ ವರ್ಲ್ಡ್‌ ಈ ಐದೂ ದಿನಗಳಂದು ಬೆಳಗ್ಗೆ 9ರಿಂದ 5ಗಂಟೆ ವರೆಗೆ ತೆರೆದಿರುತ್ತದೆ. ಶಾಲಾ ಮಕ್ಕಳಿಗೆ, ಅವರ ಸಹಪಾಠಿಗಳಿಗೆ ಇಲ್ಲಿ ಒಂದು ಗಂಟೆಗಳ ಕಾಲ ಇಂಟರ್‌ನೆಟ್‌ ಬಳಸಲು ಅವಕಾಶ ನೀಡಲಾಗುತ್ತದೆ. ಮೊದಲು ಬಂದವರಿಗೆ ಮೊದಲ ಆದ್ಯತೆ.

ಶಾಲೆಯ ವತಿಯಿಂದಲೇ ಮಕ್ಕಳನ್ನು ಈ ಕೇಂದ್ರಕ್ಕೆ ಕರೆತರಲು ಬಯಸುವ ಸಂಸ್ಥೆಗಳ ಮುಖ್ಯೋಪಾಧ್ಯಾಯರು ಟಿ.ಎಂ. ವಿಜಯಭಾಸ್ಕರ್‌, ಆಯುಕ್ತರು, ಸಾರ್ವಜನಿಕ ಶಿಕ್ಷಣ ಇಲಾಖೆ, ಬೆಂಗಳೂರು ಅಥವಾ ಜಿತೇಂದ್ರಸಿಂಗ್‌, ಓಎಸ್‌ಡಿ, ಐ.ಟಿ. ಇಲಾಖೆ, ಕರ್ನಾಟಕ ಸರಕಾರ ಇವರನ್ನು ಭೇಟಿ ಮಾಡಿ ಇಂಟರ್‌ನೆಟ್‌ ಕೇಂದ್ರದ ಪ್ರವೇಶಕ್ಕೆ ಸಮಯ ನಿಗದಿ ಪಡಿಸಿಕೊಳ್ಳಬಹುದು.

ತಡವೇಕೆ ಸಾರ್ವಜನಿಕ ಶಿಕ್ಷಣ ಇಲಾಖೆಗೆ ಫೋನ್‌ ಮಾಡಿ - ದೂರವಾಣಿ ಸಂಖ್ಯೆ : 2214352, 2215624. ಫ್ಯಾಕ್ಸ್‌ 2211086. ಐ.ಟಿ. ಇಲಾಖೆ ಓಎಸ್‌ಡಿ ಅವರ ಇ-ಮೇಲ್‌ : [email protected].

ಈ ವಿಶಿಷ್ಟ ಇಂಟರ್‌ನೆಟ್‌ ಕೇಂದ್ರವು ನ.1ರಿಂದ 5ರವರೆಗೆ ಎಲ್ಲ 5 ದಿನಗಳಲ್ಲೂ ಸಾರ್ವಜನಿಕರಿಗಾಗಿ ಸಂಜೆ 5ರಿಂದ7ರವರೆಗೆ ತೆರೆದಿರುತ್ತದೆ.

(ಇನ್‌ಫೋ ವಾರ್ತೆ)