ಪೂರ್ಣ ಗುಣಮುಖ, ಓಡುವಾಗಲೂ ನೋವಿಲ್ಲ - ತೆಂಡೂಲ್ಕರ್‌

ಮುಂಬಯಿ : ಪಾದದ ಹೆಬ್ಬೆಟ್ಟಿನ ಗಾಯದಿಂದ ತಾವು ಸಂಪೂರ್ಣ ಗುಣಮುಖವಾಗಿರುವುದಾಗಿ ಭಾರತದ ಕ್ರಿಕೆಟ್‌ ತಾರೆ ಸಚಿನ್‌ ತೆಂಡೂಲ್ಕರ್‌ ಬುಧವಾರ ಪ್ರಕಟಿಸಿದ್ದಾರೆ. ಇದರಿಂದಾಗಿ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ತೆಂಡೂಲ್ಕರ್‌ ಭಾಗವಹಿಸುವುದು ಖಚಿತವಾಗಿದೆ.

ಕಳೆದ ವಾರ, ದಕ್ಷಿಣ ಆಫ್ರಿಕಾದಲ್ಲಿ ಡಾ.ಫರ್ಗ್ಯುಸನ್‌ ಅವರಿಂದ ಪಡೆದ ಚಿಕಿತ್ಸೆ ಫಲಕಾರಿಯಾಗಿದೆ ಎಂದು ಅವರು ಪಿಟಿಐ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ. ಡಾ.ಫರ್ಗ್ಯುಸನ್‌ ಅವರ ಸಲಹೆಯ ಮೇರೆಗೆ ಧರಿಸುತ್ತಿರುವ ವಿಶೇಷ ಬೂಟುಗಳು ತಮ್ಮ ಗಾಯಗೊಂಡ ಬೆರಳನ್ನು ರಕ್ಷಿಸುತ್ತಿದ್ದು , ಪ್ರಸ್ತುತ ನೋವಿನಿಂದ ಪೂರ್ಣ ಗುಣಮುಖವಾಗಿರುವುದಾಗಿ ಸಚಿನ್‌ ತಿಳಿಸಿದರು.

ನಾನು ಪೂರ್ತಿಯಾಗಿ ಗುಣಮುಖನಾಗಿರುವುದಾಗಿ ಭಾವಿಸಿದ್ದೇನೆ. ಓಡುವಾಗ ಕೂಡ ಯಾವುದೇ ತೊಂದರೆಯಿಲ್ಲ ಎಂದು ಸಚಿನ್‌ ಹೇಳಿದರು. ಜಿಂಬಾಬ್ವೆ ಪ್ರವಾಸದಲ್ಲಿ ನ ತ್ರಿಕೋಣ ಸರಣಿ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ ವಿರುದ್ಧದ ಪಂದ್ಯದಲ್ಲಿ ತೆಂಡೂಲ್ಕರ್‌ ಗಾಯಗೊಂಡಿದ್ದರು. ಇದರಿಂದಾಗಿ ಅವರು ಶ್ರೀಲಂಕಾ ಸರಣಿಯಲ್ಲಿ ಕೂಡ ಭಾಗವಹಿಸಿದ್ದರು.

(ಪಿಟಿಐ)