ಕರ್ನಾಟಕ- ದಕ್ಷಿಣ ಕೊರಿಯಾ ನಡುವೆ ಮಹತ್ವದ ಉದ್ದಿಮೆ ಒಪ್ಪಂದ

ಬೆಂಗಳೂರು : ಭಾರತ ಮಾಹಿತಿ ತಂತ್ರಜ್ಞಾನದ ಸೂಪರ್‌ಪವರ್‌ ಎಂದು ನಗರಕ್ಕೆ ಬಂದಿರುವ ದಕ್ಷಿಣ ಕೊರಿಯಾದ ಉನ್ನತ ಮಟ್ಟದ ಸಮಿತಿ ಬುಧವಾರ ಹೊಗಳಿದೆ.

ಕರ್ನಾಟಕ ವಾಣಿಜ್ಯ ಮತ್ತು ಉದ್ದಿಮೆ ಒಕ್ಕೂಟ (ಎಫ್‌ಕೆಸಿಸಿಐ)ದ ಸಭೆಯಲ್ಲಿ ಭಾಗವಹಿಸಿದ್ದ ಕೊರಿಯಾ ಅಂತರರಾಷ್ಟ್ರೀಯ ಉದ್ದಿಮೆ ಒಕ್ಕೂಟ (ಕೆಐಟಿಎ) ದ ಅಧ್ಯಕ್ಷ ಜಾ ಚುಲ್‌ ಕಿಮ್‌, ಬೆಂಗಳೂರು ಭಾರತದ ಐಟಿ ಮೆಕ್ಕಾ ಎಂದು ಬಣ್ಣಿಸಿದರು. ಇದೇ ಸಂದರ್ಭದಲ್ಲಿ ಎಫ್‌ಕೆಸಿಸಿಐ ಹಾಗೂ ಕೆಐಟಿಎ ಪರಸ್ಪರ ಒಡಂಬಡಿಕೆಯಾಂದಕ್ಕೆ ಸಹಿ ಹಾಕಿದವು. ಇದರಿಂದ ಕರ್ನಾಟಕ ಹಾಗೂ ದಕ್ಷಿಣ ಕೊರಿಯಾ ನಡುವೆ ಬಂಡವಾಳ ಹರಿಯಲಿದ್ದು, ಉದ್ದಿಮೆ ಅಭಿವೃದ್ಧಿಗೆ ಸಹಾಯಕವಾಗಲಿದೆ.

ಮಾಹಿತಿ ತಂತ್ರಜ್ಞಾನ, ಇಲೆಕ್ಟ್ರಾನಿಕ್ಸ್‌, ಜೈವಿಕ ತಂತ್ರಜ್ಞಾನ, ಆರೋಗ್ಯ ಸಂರಕ್ಷಣೆ, ಎಂಜಿನಿಯರಿಂಗ್‌ ಉತ್ಪನ್ನಗಳು, ಔಷಧಿಗಳು, ಶಿಕ್ಷಣ, ಪ್ರವಾಸೋದ್ಯಮ, ಸಂಶೋಧನೆ ಮತ್ತು ಅಭಿವೃದ್ಧಿ ಹಾಗೂ ಪರಿಸರ ಕ್ಷೇತ್ರಗಳಿಗೆ ಕರ್ನಾಟಕ ಹಾಗೂ ದಕ್ಷಿಣ ಕೊರಿಯಾ ನಡುವಣ ಒಪ್ಪಂದ ಅನ್ವಯವಾಗಲಿದೆ.

ಸಭೆಗೆ ಮುನ್ನ ದಕ್ಷಿಣ ಕೊರಿಯಾದ ಪ್ರತಿನಿಧಿಗಳು ನಗರದ ಉದ್ದಿಮೆದಾರರೊಡನೆ ಮುಖಾಮುಖಿ ಭೇಟಿ ನಡೆಸಿ, ವ್ಯಾಪಾರದ ಅವಕಾಶ, ಹೂಡಿಕೆಯ ಸಾಧ್ಯತೆಗಳನ್ನು ಮನವರಿಕೆ ಮಾಡಿಕೊಂಡರು.

(ಪಿಟಿಐ)