ಬಳ್ಳಾರಿಯ ಕೆಲವು ಬಾಲಕಿಯರಶಾಲೆಗಳಲ್ಲಿ ಬುರ್ಖಾ ಕಡ್ಡಾಯ !

ಬಳ್ಳಾರಿ : ನಗರದ ಕೆಲವು ಹೆಣ್ಣು ಮಕ್ಕಳ ಶಾಲೆಗಳಲ್ಲಿ ಬುರ್ಖಾ ಧಾರಣೆ ಕಡ್ಡಾಯಗೊಳಿಸುತ್ತಿರುವುದನ್ನು ಅಖಿಲ ಭಾರತ ಜನವಾಡಿ ಮಹಿಳಾ ಸಂಘದ ಕರ್ನಾಟಕ ಘಟಕದ ಅಧ್ಯಕ್ಷೆ ಕೆ.ನೀಲಾ ಖಂಡಿಸಿದ್ದಾರೆ.

ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತಾಡುತ್ತಿದ್ದ ನೀಲಾ, ಕಾಶ್ಮೀರದಲ್ಲಿ ಮೂಲಭೂತವಾದಿಗಳು ರಾಜಕೀಯ ಮತ್ತು ಧರ್ಮವನ್ನು ಬೆರೆಸಿ, ಉಡುಗೆಗೂ ನಿಯಮ ವಿಧಿಸುತ್ತಿರುವುದು ತರವಲ್ಲ. ಈಗ ಅಂತಹದ್ದೇ ನಡೆ ಬಳ್ಳಾರಿಯ ಶಾಲೆಗಳಲ್ಲೂ ನಡೆದರೆ, ಅದನ್ನು ಜನ ತೆಪ್ಪಗೆ ಸ್ವೀಕರಿಸದೆ, ಸೊಲ್ಲೆತ್ತಬೇಕು. ಮಹಿಳಾ ಸ್ವಾತಂತ್ರ್ಯಕ್ಕೆ ಧಕ್ಕೆ ತರುವ ಇಂಥಾ ನಡೆಗಳನ್ನು ಜನ ಧಿಕ್ಕರಿಸಬೇಕು ಎಂದು ಕರೆಕೊಟ್ಟರು.

(ಇನ್ಫೋ ವಾರ್ತೆ)