ಭಾನುವಾರ ಎಫ್‌.ಎಸ್‌.ಎಂ.ನಿಂದ ನೈತಿಕ ಲೈಂಗಿಕ ಶಿಕ್ಷಣ ಶಿಬಿರ

ಬೆಂಗಳೂರು : ಫೌಂಡೇಷನ್‌ ಆಫ್‌ ಸೆಕ್ಷ್ಯುಯಲ್‌ ಮೆಡಿಸಿನ್‌ (ಎಫ್‌.ಎಸ್‌.ಎಂ) ಸಂಸ್ಥೆ ಭಾನುವಾರ ಮಧ್ಯಾಹ್ನ 2ರಿಂದ 6 ಗಂಟೆವರೆಗೆ ತಂದೆ - ತಾಯಿಯರಿಗಾಗಿ ನೈತಿಕ ಲೈಂಗಿಕ ಶಿಕ್ಷಣ ಕುರಿತು ಶಿಬಿರವನ್ನು ಏರ್ಪಡಿಸಿದೆ.

ಬದಲಾಗುತ್ತಿರುವ ಸಮಾಜದಲ್ಲಿ ಟೀವಿ, ಇಂಟರ್‌ನೆಟ್‌ ಪ್ರಭಾವದಿಂದ ಲೈಂಗಿಕತೆಯ ಬಗ್ಗೆ ಉತ್ಕಟಾಸಕ್ತಿ ತಳೆಯುತ್ತಿರುವ ಮಕ್ಕಳಿಗೆ ಪೋಷಕರು ನೈತಿಕ ಲೈಂಗಿಕ ಶಿಕ್ಷಣ ಹೇಗೆ ನೀಡಬೇಕು? ಏಕೆ ನೀಡಬೇಕು? ಎಂಬ ಬಗ್ಗೆ ಶಿಬಿರದಲ್ಲಿ ಮಾಹಿತಿ ನೀಡಲಾಗುವುದು.

ಈ ಶಿಬಿರಕ್ಕೆ ಸಂಸ್ಥೆ ಒಬ್ಬರಿಗೆ 50 ರುಪಾಯಿಗಳ ಪ್ರವೇಶ ಶುಲ್ಕ ವಿಧಿಸಿದೆ. ಆಸಕ್ತರು, ನಂ. 877, 18ನೇ ಮುಖ್ಯರಸ್ತೆ, 60ನೇ ಕ್ರಾಸ್‌, ರಾಜಾಜಿನಗರ 5ನೇ ಬ್ಲಾಕ್‌, ಬೆಂಗಳೂರು-10. ದೂರವಾಣಿ - 3101205 ಈ ವಿಳಾಸದಲ್ಲಿ ಹೆಚ್ಚಿನ ಮಾಹಿತಿಗಳನ್ನು ಪಡೆಯಬಹುದು ಎಂದು ಮಾಧ್ಯಮ ಪ್ರಕಟಣೆ ತಿಳಿಸಿದೆ.