300 ವಿಕೆಟ್‌ ಗುರಿ ಹೊತ್ತು ಕುಂಬ್ಳೆ ಬಂದೇ ಬರ್ತಾರೆ

ನವದೆಹಲಿ : ಅನನುಭವಿ ಆಟಗಾರರನ್ನು ನೆಚ್ಚಿಕೊಳ್ಳಲಾರದೆ, ಸಚಿನ್‌ ಅನುಪಸ್ಥಿತಿಯಲ್ಲಿ ನಲುಗುತ್ತಿರುವ ಭಾರತ ಕ್ರಿಕೆಟ್‌ ತಂಡಕ್ಕೊಂದು ಸಿಹಿ ಸುದ್ದಿ- ದಕ್ಷಿಣ ಆಫ್ರಿಕ ಪ್ರವಾಸದಲ್ಲಿ ಕರ್ನಾಟಕದ ಅನಿಲ್‌ ಕುಂಬ್ಳೆ ಆಡುವುದು ಬಹುತೇಕ ಖಚಿತ. ಶನಿವಾರದಿಂದ ಪ್ರಾರಂಭವಾಗಲಿರುವ ರಾಜ್ಯ ಮಟ್ಟದ ಪ್ರಮುಖ ಟೂರ್ನಿಯಾಂದರಲ್ಲಿ ಕುಂಬ್ಳೆ ಆಡಲಿದ್ದು, ಅವರಲ್ಲಿ ಭರವಸೆ ತುಂಬಿಕೊಳ್ಳುತ್ತಿದೆ.

ರಾಯ್ಟರ್ಸ್‌ ಫೋನಾಯಿಸಿದಾಗ, ಬೆಂಗಳೂರಿನ ತಮ್ಮ ಮನೆಯಿಂದ ಕುಂಬ್ಳೆ ಹೇಳಿದ್ದು ಹೀಗೆ..... ಈ ತಿಂಗಳ ಆರಂಭದಲ್ಲಿ ಸ್ಥಳೀಯ ಕ್ರಿಕೆಟ್‌ ಪಂದ್ಯವೊಂದರಲ್ಲಿ ಬೌಲ್‌ ಮಾಡಿದ್ದೇನೆ. ನನ್ನ ಭುಜ ಸಾಕಷ್ಟು ಯಥಾಸ್ಥಿತಿಗೆ ಬಂದಿದೆ. ದಕ್ಷಿಣ ಆಫ್ರಿಕ ಪ್ರವಾಸಕ್ಕೆ ತೆರಳಲು ಉತ್ಸುಕನಾಗಿದ್ದೇನೆ. ಆದರೆ ಖಂಡಿತವಾಗಿಯೂ ಆಯ್ಕೆಯಾಗುವೆ ಎಂದು ಈ ಕ್ಷಣವೇ ಹೇಳಲಾಗದು. ಟೆಸ್ಟ್‌ ಕ್ರಿಕೆಟ್‌ನಲ್ಲಿ 300 ವಿಕೆಟ್‌ ಪಡೆಯುವುದು ನನ್ನ ಮುಂದಿನ ಗುರಿ.

ಈವರೆಗೆ 61 ಟೆಸ್ಟ್‌ಗಳಲ್ಲಿ 276 ವಿಕೆಟ್‌ ಪಡೆದಿರುವ ಕುಂಬ್ಳೆ ಕಳೆದ ವರ್ಷದ ಅಕ್ಟೋಬರ್‌ ನಂತರ ಅಂತರರಾಷ್ಟ್ರೀಯ ಕ್ರಿಕೆಟ್‌ ಆಡಿಲ್ಲ. ಕಳೆದ ಮೇ ತಿಂಗಳಿಂದ ನೆಟ್‌ ಅಭ್ಯಾಸ ನಡೆಸಿದ್ದಾರೆ. ಜುಲೈ ತಿಂಗಳ ಆರಂಭದಲ್ಲಿ ನಡೆದ ಪ್ರಥಮ ದರ್ಜೆ ಕ್ರಿಕೆಟ್‌ ಪಂದ್ಯವೊದರಲ್ಲಿ 3 ವಿಕೆಟ್‌ ಗಳಿಸಿದ್ದು, ಮಾನಸಿಕವಾಗಿ ಕ್ರಿಕೆಟ್‌ ಮರುಪ್ರವೇಶಕ್ಕೆ ಸಿದ್ಧರಾಗಿದ್ದಾರೆ.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...