ಬ್ಯೂಗಲ್‌ ರಾಕ್‌ಗೆ ಮರು ನಾಮಕರಣ,‘ಕಹಳೆ ಬಂಡೆ’ ತೊಡಕಿಲ್ಲ ತಾನೆ?

ಬೆಂಗಳೂರು : ಮರು ನಾಮಕರಣದ ಬಿಸಿ ಬಸವನಗುಡಿ ವಿಧಾನಕ್ಷೇತ್ರದಲ್ಲಿರುವ ಬ್ಯೂಗಲ್‌ ರಾಕ್‌ಗೂ ತಟ್ಟಿದೆ. ಇನ್ನು ಮುಂದೆ ಬ್ಯೂಗಲ್‌ರಾಕ್‌ ಎಂದು ನೀವು ಕರೆಯುವಂತಿಲ್ಲ . ಆ ಬಂಡೆ ಸಮುಚ್ಛಯಕ್ಕೀಗ ಹೊಸ ಹೆಸರು- ‘ಕಹಳೆ ಬಂಡೆ’. ಚೆನ್ನಾಗಿದೆಯಾ ?

ಬ್ಯೂಗಲ್‌ ರಾಕ್‌ಗೆ ‘ಕಹಳೆ ಬಂಡೆ’ ಎನ್ನುವ ಹೊಸ ಹೆಸರನ್ನು ಪ್ರಕಟಿಸಿದ್ದು ಕೇಂದ್ರ ಸಂಸ್ಕೃತಿ ಖಾತೆ ಸಚಿವ ಅನಂತಕುಮಾರ್‌. ಇತ್ತೀಚೆಗೆ ಬ್ಯೂಗಲ್‌ ರಾಕ್‌ನ ಎರಡನೇ ಹಂತದ ಅಭಿವೃದ್ಧಿ ಕಾರ್ಯದ ಶಿಲಾನ್ಯಾಸ ಕಾರ್ಯಕ್ರಮ ನೆರವೇರಿಸಿ ಮಾತನಾಡುತ್ತಿದ್ದ ಅವರು, ಸುತ್ತಲೂ ಮನೆಗಳಿಂದ ಕೂಡಿರುವ ಹಾಗೂ ಅನೇಕ ಸಿನಿಮಾಗಳ ಚಿತ್ರೀಕರಣ ನಡೆದಿರುವ ಕಹಳೆ ಬಂಡೆ ಒಂದು ಉತ್ತಮ ವಿಶ್ರಾಂತಿಧಾಮ ಎಂದು ಬಣ್ಣಿಸಿದರು.

ಕಲ್ಲುಬಂಡೆಗಳೇ ಅಧಿಕವಾಗಿರುವ ಕಹಳೆ ಬಂಡೆ ಅನೇಕ ವರ್ಷಗಳ ಹಿಂದೆ ನದಿಯಾಂದರ ಉಗಮ ಸ್ಥಾನವಾಗಿತ್ತು ಅನ್ನುವ ವಿಷಯವನ್ನು ಹೊರಗೆಡವಿದ ಅನಂತಕುಮಾರ್‌, ಬ್ಯೂಗಲ್‌ ರಾಕ್‌ಗೆ ಕಹಳೆ ಬಂಡೆ ಎನ್ನುವ ಸುಂದರ ಪದವನ್ನು ಹುಡುಕಿಕೊಟ್ಟ ಮಹಾನಗರ ಪಾಲಿಕೆಯ ತೋಟಗಾರಿಕಾ ವಿಭಾಗದ ನಿರ್ದೇಶಕ ವೈ.ಕೆ. ಮುದ್ದುಕೃಷ್ಣ ಅವರನ್ನು ಅಭಿನಂದಿಸಿದರು.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...