ಆಗ್ರಾ ಶೃಂಗಸಭೆಯ ಫಲಶ್ರುತಿ ಬಗೆಗೆ ಎಸ್‌.ಎಂ. ಕೃಷ್ಣ ಆಶಾವಾದ

ಬೆಂಗಳೂರು : ಕಾಶ್ಮೀರ ಸಮಸ್ಯೆ ಸೇರಿದಂತೆ ಭಾರತ ಹಾಗೂ ಪಾಕಿಸ್ತಾನ ನಡುವಣ ಎಲ್ಲ ಸಮಸ್ಯೆಗಳೂ ಆಗ್ರಾ ಶೃಂಗಸಭೆಯಲ್ಲಿ ಸೌಹಾರ್ದಯುತವಾಗಿ ಇತ್ಯರ್ಥವಾಗುವ ಆಶಾಭಾವನೆಯನ್ನು ಮುಖ್ಯಮಂತ್ರಿ ಎಸ್‌.ಎಂ.ಕೃಷ್ಣ ವ್ಯಕ್ತಪಡಿಸಿದ್ದಾರೆ.

ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡುತ್ತಿದ್ದ ಅವರು, ಮುಷರ್ರಫ್‌ ಹಾಗೂ ವಾಜಪೇಯಿ ನಡುವಣ ‘ಶೃಂಗಸಭೆ’ ಉಭಯ ದೇಶಗಳ ನಡುವಣ ಸಮಸ್ಯೆ- ವೈಮನಸ್ಯಗಳನ್ನು ಕೊನೆಗಾಣಿಸುವ ವಿಶ್ವಾಸವನ್ನು ತಾವು ಹೊಂದಿರುವುದಾಗಿ ಹೇಳಿದರು. ಆಗ್ರಾ ಶೃಂಗಸಭೆಯಲ್ಲಿ ಉಭಯ ರಾಷ್ಟ್ರಗಳ ನಡುವಣ ಸಮಸ್ಯೆಗಳು ಪರಿಹಾರವಾಗದಿದ್ದಲ್ಲಿ , ಇತರ ಯಾವುದೇ ವೇದಿಕೆಯಲ್ಲಿ ಅವುಗಳು ಇತ್ಯರ್ಥವಾಗಲು ಸಾಧ್ಯವಿಲ್ಲ ಎಂದು ಕೃಷ್ಣ ಅಭಿಪ್ರಾಯಪಟ್ಟರು.

ಗ್ರಾಮೀಣರಿಗೆ ವೈದ್ಯಕೀಯ ಸೌಲಭ್ಯ ಒದಗಿಸಲು ಕರೆ
ಲಕ್ಷಾಂತರ ಮಂದಿ ಗ್ರಾಮೀಣರು ಸೂಕ್ತ ವೈದ್ಯಕೀಯ ಸೌಲಭ್ಯಗಳಲ್ಲಿದೆ ಸಂಕಷ್ಟದಲ್ಲಿದ್ದು ಅವರ ಸಹಾಯಕ್ಕೆ ಧಾವಿಸುವಂತೆ ಮುಖ್ಯಮಂತ್ರಿ ಕೃಷ್ಣ ವೈದ್ಯವೃಂದಕ್ಕೆ ಕರೆ ನೀಡಿದ್ದಾರೆ.

ಸೋಮವಾರ ಬೆಂಗಳೂರಿನಲ್ಲಿ ಜರುಗಿದ ರಾಜ್ಯ ಮಟ್ಟದ ಮೂತ್ರಕೋಶ ತಜ್ಞರ ಸಮ್ಮೇಳನದಲ್ಲಿ ಮಾತನಾಡುತ್ತಿದ್ದ ಮುಖ್ಯಮಂತ್ರಿಗಳು- ಗ್ರಾಮೀಣರಿಗೆ ವೈದ್ಯರ ಬೆಂಬಲ, ರಕ್ಷಣೆ, ಸೇವೆ, ಸಹಾಯದ ಅಗತ್ಯವಿದೆ. ಅವರ ಸೇವೆಗೆ ವೈದ್ಯರು ಧಾವಿಸಬೇಕು ಎಂದು ಹೇಳಿದರು.

(ಇನ್ಫೋ ವಾರ್ತೆ)