ಬೆಂಗಳೂರಲ್ಲಿ ಸಾಫ್ಟ್‌ವೇರ್‌ ದಿಗ್ಗಜ ವಿಂಡ್‌ ರಿವರ್‌ ಶಾಖಾ ಕಚೇರಿ

ಬೆಂಗಳೂರು : ಸಾಫ್ಟ್‌ವೇರ್‌ ಉತ್ಪನ್ನ ಮತ್ತು ಸೇವೆಯಲ್ಲಿ ಹೆಸರು ಮಾಡಿರುವ ಅಮೆರಿಕ ಮೂಲದ ವಿಂಡ್‌ ರಿವರ್‌ ಸಿಸ್ಟಂಸ್‌ ಐಎನ್‌ಸಿ. ಭಾರತದ ತನ್ನ ಶಾಖೆಯನ್ನು ಬೆಂಗಳೂರಿನಲ್ಲಿ ತೆರೆದಿದೆ.

ಭಾರತ ಶಾಖೆಯ ಮ್ಯಾನೇಜರ್‌ ಅಜಿತ್‌ ಎಡ್ಲಾಬಾದ್ಕರ್‌ ಸುದ್ದಿಗಾರರಿಗೆ ಈ ವಿಷಯ ತಿಳಿಸಿದ್ದಾರೆ. ಲ್ಯೂಸೆಂಟ್‌, ವಿಪ್ರೋ, ಮೋಟಾರೋಲಾ, ಫಿಲಿಪ್ಸ್‌, ಹ್ಯೂಜ್ಸ್‌ ಮೊದಲಾದ ಕಂಪನಿಗಳಿಗೆ ವಿಂಡ್‌ ರಿವರ್‌ನ ಭಾರತದ ಶಾಖೆ ಸಾಫ್ಟ್‌ವೇರ್‌ ಸೇವೆ ಒದಗಿಸಲಿದೆ.

ಇಲ್ಲಿನ ಶಾಖೆ ಗ್ರಾಹಕರಿಗೆ ಉತ್ತಮ ಸೇವೆ ಒದಗಿಸಬಲ್ಲ ಪರಿಣತರ ತಂಡದಿಂದ ಕೂಡಿರುತ್ತದೆ. 1983ರಲ್ಲಿ 16 ದೇಶಗಳಿಗೆ ಸಾಫ್ಟ್‌ವೇರ್‌ ಸೇವೆ ಪೂರೈಸುವುದರೊಂದಿಗೆ ಕ್ಯಾಲಿಫೋರ್ನಿಯಾದಲ್ಲಿ ಸ್ಥಾಪಿತವಾದ ಕಂಪನಿಯ ಸಾಫ್ಟ್‌ವೇರನ್ನು ಇವತ್ತು ಮಾರಾಟವಾಗುವ ಪ್ರತಿಶತ 90 ಕಂಪ್ಯೂಟರ್‌ ಚಿಪ್‌ಗಳಲ್ಲಿ ಬಳಸಲಾಗುತ್ತದೆ ಎಂದು ಎಡ್ಲಾಬಾದ್ಕರ್‌ ವಿವರಿಸಿದರು.

(ಇನ್ಫೋ ವಾರ್ತೆ)