ನೂರು ಕೋಟಿ ರು. ಲಾಭದಕನಸಲ್ಲಿರುವ ಯುನೈಟೆಡ್‌ ಇನ್ಷೂರೆನ್ಸ್‌

ಬೆಂಗಳೂರು : ಗ್ರಾಮೀಣ ಪ್ರದೇಶಗಳಲ್ಲಿ ಕೃಷಿ ಯಂತ್ರೋಪಕರಣ, ಹಸು, ಎತ್ತಿನಗಾಡಿಗಳ ಮೇಲೆ ವಿಮಾ ಪಾಲಿಸಿ ಮಾಡಿಸುವಲ್ಲಿ ಹೆಚ್ಚಿನ ಸಾಧನೆ ಮಾಡಿರುವ ಯುನೈಟೆಡ್‌ ಇಂಡಿಯಾ ಇನ್ಷೂರೆನ್ಸ್‌ ಕಂಪನಿ ಈ ವರ್ಷ ತನ್ನ ಗಮನವನ್ನು ವೈಯಕ್ತಿಕ ವಿಮಾ ಪಾಲಿಸಿ, ವ್ಯಾಪಾರ ಹಾಗೂ ಕೃಷಿ ಪಾಲಿಸಿಗಳತ್ತ ಹರಿಸಿ- ಶೇ. 15 ರಷ್ಟು ಲಾಭ ಗಳಿಸುವ ಉದ್ದೇಶ ಹೊಂದಿದೆ.

ಪ್ರಸಕ್ತ ಸಾಲಿನಲ್ಲಿ 2710 ಕೋಟಿ ರುಪಾಯಿಗಳ ವಿಮೆ ಮಾಡಿಸುವ ಗುರಿ ಹೊಂದಿರುವ ಕಂಪನಿ, 100 ಕೋಟಿ ರುಪಾಯಿ ಲಾಭ ಗಳಿಸುವ ಗುರಿ ಹೊಂದಿದೆ. ಕಳೆದ ವರ್ಷ ಕಂಪನಿ ಶೇ.4 ರ ಲಾಭ ಗಳಿಸಿತ್ತು . ರೈತರು ಹಾಗೂ ಸಾಮಾನ್ಯ ವರ್ಗದವರು ವಿಮಾ ಪಾಲಿಸಿ ಮಾಡಿಸುವಂತೆ ಮಾಹಿತಿ ನೀಡಲು ಕೂಡ ಕಂಪನಿ ಉದ್ದೇಶಿಸಿದೆ.

ಈ ವಿಷಯವನ್ನು ಕಂಪನಿಯ ಅಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ವಿ. ಜಗನ್ನಾಥನ್‌ ಇತ್ತೀಚೆಗೆ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

(ಇನ್ಫೋ ವಾರ್ತೆ)