ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಸಣ್ಣ ಪುಟ್ಟ ಸಂಗತಿಗಳೇ ಬದುಕಿಗೆ ಹೊಸ ದಾರಿ ತೋರುವ ದೀವಿಗೆಗಳು ಎಂಬುದನ್ನು ಮರೆಯಬೇಡಿ. ಹುಲ್ಲು ಕಡ್ಡಿಯೂ ಸಮಯದಲ್ಲಿ ನೆರವಿಗೆ ಬರುತ್ತದೆ.

ವೃಷಭ : ದುಡ್ಡಿದ್ರೇ ದೊಡ್ಡಪ್ಪ, ಚಿಕ್ಕಪ್ಪ ಎಲ್ಲ ಅನ್ನೋ ಸಮಾಜದಲ್ಲೂ, ಮಾನವೀಯತೆಗೂ ಕೊಂಚ ಬೆಲೆ ಇದೆಯಲ್ಲ. ದುಡ್ಡೇ ಸರ್ವಸ್ವ ಅಲ್ಲ. ಮನೆಯವರೊಂದಿಗೂ ಕೊಂಚ ಸಮಯ ಕಳೆಯುವುದು ಉತ್ತಮ.

ಮಿಥುನ : ಮಕ್ಕಳೊಂದಿಗೆ ಕಲೆತು, ಕಾಲ ಕಳೆಯಲು ಇಂದು ನಿಮಗೆ ಶುಭದಿನ. ಎಲ್ಲ ಕೆಲಸವನ್ನೂ ಬದಿಗೊತ್ತಿ ಆನಂದವನ್ನು ಅಪ್ಪಿಕೊಳ್ಳಿ.

ಕಟಕ : ನಿಮ್ಮ ದುಃಖವನ್ನು ಇತರರೊಂದಿಗೆ ಹಂಚಿಕೊಳ್ಳಿ. ಮನಸ್ಸು ಹಗುರವಾಗುತ್ತದೆ. ದುಃಖ ಸದಾ ಇರುವುದಿಲ್ಲ. ನಾಳೆ ಒಳ್ಳೆಕಾಲ ಬಂದೇ ಬರುತ್ತದೆ. ಮನಸ್ಸು ಗಟ್ಟಿ ಮಾಡಿಕೊಳ್ಳಿ.

ಸಿಂಹ : ನಿಮ್ಮ ಗ್ರಹಗತಿಗಳ ದೆಸೆಯಿಂದ ಕೆಲಸದ ಒತ್ತಡ ಕಾಡುತ್ತಿದೆ. ನಿಮ್ಮ ಶ್ರದ್ಧೆಗೆ ಬೆಲೆ ಬಂದೇ ಬರುತ್ತದೆ. ಚಿಂತಿಸದೆ, ಕಾರ್ಯಪ್ರವೃತ್ತರಾಗಿ.

ಕನ್ಯಾ : ನೀವು ಆಗಬೇಕು ಎಂದುಕೊಂಡಿದ್ದನ್ನು ಸಾಧಿಸುವ ಕಾಲ ಇದು. ಎಲ್ಲ ನಿಮ್ಮ ಇಚ್ಛೆಯಂತೆಯೇ ನಡೆಯಲಿದೆ. ಸಂಕೋಚಪಡದೆ, ಹಿಂದೆ ಮುಂದೆ ನೋಡದೆ ದಿಟ್ಟ ಹೆಜ್ಜೆ ಇಡಿ.

ತುಲಾ : ನೀವೇನೂ ಅಸಹಾಯಕರಲ್ಲ. ಆದರೆ, ನಿಮ್ಮ ನಿಜವಾದ ಶಕ್ತಿಯ ಅರಿವು ನಿಮಗಿಲ್ಲ. ಮನಸ್ಸಿದ್ದರೆ ಮಾರ್ಗ ಎಂಬುದನ್ನು ಮರೆಯದಿರಿ. ಜಯ ಇರುವತನಕ ಭಯಬೇಡ.

ವೃಶ್ಚಿಕ : ಇಲ್ಲ ಸಲ್ಲದ ಕುಹಕಗಳಿಂದ ಗೆಳೆಯರು ನಿಮ್ಮ ಮನಸ್ಸನ್ನು ತುಂಬಾ ನೋಯಿಸಿದ್ದಾರೆ. ಎಲ್ಲರನ್ನೂ ಕ್ಷಮಿಸಿ ನೀವು ದೊಡ್ಡವರಾಗಿದ್ದೀರಿ. ನಾಯಿ ಬೊಗಳಿದರೆ ದೇವಲೋಕ ಹಾಳಲ್ಲ ಬಿಡಿ.

ಧನಸ್ಸು : ಎಡವಿದ ಕಾಲೇ ಎಡವೋದು, ಕಷ್ಟ ಬಂದ ಮನುಷ್ಯನಿಗೇ ಕಷ್ಟ ಬರೋದು. ನಿಮ್ಮ ಪಾಡೂ ಇಂದು ಹಾಗೇ ಆಗಿದೆ. ಕುಲದೇವರ ಪೂಜೆಯಿಂದ ಸಂಕಷ್ಟ ಪರಿಹಾರ.

ಮಕರ : ಕವಲು ದಾರಿಯ ಪ್ರಯಾಣ ಎಂದೂ ಹಿತವಲ್ಲ. ರಾಜಮಾರ್ಗದಲ್ಲಿ ಸಾಗುವ ಕಲೆ ಕರಗತ ಮಾಡಿಕೊಳ್ಳಿ. ನಿಮ್ಮ ನೇರನುಡಿ, ಬುದ್ಧಿಚಾತುರ್ಯಕ್ಕೆ ಸರಿಸಾಟಿಯಿಲ್ಲ. ಅದರ ಸಂಪೂರ್ಣ ಬಳಕೆಗೆ ಶ್ರಮ ಅಗತ್ಯ.

ಕುಂಭ : ನೀವು ಎಲ್ಲರಂತಲ್ಲ. ನಿಮ್ಮ ಜಾತಕವೇ ಹಾಗೆ. ಇದ್ದದ್ದು ಇದ್ದಂತೆ ಹೇಳಿ ಕೆಟ್ಟವರಾಗುತ್ತೀರಿ. ತಾಳಿದವನು ಬಾಳಯಾನು. ಶಕ್ತಿಯಿಂದ ಆಗದ ಕೆಲಸ ಯುಕ್ತಿಯಿಂದ ಸಾಧಿಸಿ.

ಮೀನ : ಕೋಪ, ಸಿಟ್ಟು, ಸೆಡವು ಬೇಡ. ಇಂದಾದರೂ ಕೊಂಚ ಶಾಂತಚಿತ್ತರಾಗಿ, ಎಲ್ಲರ ಮನಗೆಲ್ಲಿರಿ. ನಿಮಗಾಗಿ ಸುಂದರವಾದ ಸಂಜೆಯಾಂದು ಕಾದಿದೆ.