ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ನಿಮ್ಮೆದೆಯಾಳಗಿರುವ ನಿರಾಸೆಯ ಸಣ್ಣ ಎಳೆ, ಬೇಜಾರುಗಳನ್ನು ಎಷ್ಟು ಮುಚ್ಚಿಟ್ಟುಕೊಂಡರೂ ನಿಮ್ಮವರು ಅದನ್ನು ಓದಿಕೊಂಡು ಬಿಡುತ್ತಾರೆ. ಕೊನೇ ಪಕ್ಷ ಆ ವಿಷಯದಲ್ಲಿ ನೀವು ದುರಾದೃಷ್ಟವಂತರು!

ವೃಷಭ : ನಿಮ್ಮ ಮನೆಯವರಿಗೆ ಏನೆಲ್ಲಾ ವಿವರಿಸಿ ಹೇಳಬೇಕು, ಅವರನ್ನು ಕೂರಿಸಿ, ಅಕ್ಷರಕ್ಷರವನ್ನು ಬಿಡಿಸಿ ಬುದ್ಧಿ ಹೇಳಬೇಕು ಎಂಬ ನಿಮ್ಮ ಆಸೆ ಗಂಟಲಿಗಿಂತ ಆಚೆ ಬರುವುದಿಲ್ಲ. ಅದಕ್ಕೆಂದು ಮೂಡ್‌ ಕೆಡಿಸಿಕೊಳ್ಳಬೇಡಿ.

ಮಿಥುನ : ವ್ಯಾಪಾರದತ್ತ ಹೆಚ್ಚಿನ ಗಮನ ಕೊಡಬೇಡಿ. ಬಾಕಿ ಇಟ್ಟುಕೊಂಡಿರುವ ಕೆಲಸಗಳನ್ನು ಆದಷ್ಟು ಬೇಗನೇ ಪೂರೈಸುವುದು ಒಳ್ಳೆಯದು. ತಡವಾದಷ್ಟು ನಷ್ಟ ಹೆಚ್ಚು.

ಕಟಕ : ಹೇಳುವವರು ಹೇಳಲಿ ಬಿಡು ನಮಗೇನು ಎಂಬ ಧೋರಣೆ ಎಲ್ಲಾ ಸಂದರ್ಭದಲ್ಲಿಯೂ ನಿಮಗೆ ಅನ್ವಯವಾಗುವುದಿಲ್ಲ. ವಾಸ್ತವ ಹಾಗಿಲ್ಲವಲ್ಲ !

ಸಿಂಹ : ನಿಮ್ಮ ಲೆಕ್ಕಾಚಾರದ ಮೇಲೆಯೇ ನಿಮ್ಮ ಸಹೋದ್ಯೋಗಿಗಳು ಬದುಕುವುದಿಲ್ಲವಾದ್ದರಿಂದ ಕೆಲಸದ ವಿಷಯದಲ್ಲಿ ತುಂಬಾ ತಪ್ಪು ತಿಳಿದುಕೊಳ್ಳುತ್ತೀರಿ. ಕುಂಟುತ್ತಿರುವ ಯೋಜನೆಯ ಬಗ್ಗೆ ಗಮನವಿರಲಿ.

ಕನ್ಯಾ : ಇವತ್ತು ಶುಭ ದಿನ. ಮನೆಯಲ್ಲಿ ದೇವತಾ ಕಾರ್ಯಗಳತ್ತ ಹೆಚ್ಚಿನ ಗಮನ ಕೊಡುತ್ತೀರಿ. ಮನೆಯವರು ನಿಮ್ಮ ಬದಲಾದ ವರ್ತನೆಯನ್ನು ಕಂಡು ಖುಷಿಯಾಗುತ್ತಾರೆ.

ತುಲಾ : ಆಫೀಸಿನಲ್ಲಿರುವ ರಾಶಿ ಕೆಲಸಗಳ ತಲೆ ಬುಡ ಅರ್ಥವಾಗದೇ ತೊಳಲಾಡುತ್ತೀರಿ. ಇನ್ನೊಬ್ಬರನ್ನು ನೆಚ್ಚಿಕೊಳ್ಳದೇ ಬೇರೆ ವಿಧಿಯಿಲ್ಲ. ಸಂಜೆ ಹೊತ್ತಿಗೆ ಎಲ್ಲವೂ ಆರಾಮವಾಗಿರುವುದು.

ವೃಶ್ಚಿಕ : ಧನ ಲಾಭ ಇದೆ ಎಂದು ಹೆಚ್ಚು ಹಣ ಖರ್ಚು ಮಾಡಲು ಹೋದರೆ ಗೆಲವು ನಿಮ್ಮ ಹಾದಿಯಿಂದ ಪಕ್ಕಕ್ಕೆ ಸರಿಯುತ್ತದೆ. ಷೇರು ವ್ಯವಹಾರಗಳತ್ತ ಸದ್ಯಕ್ಕೆ ಗಮನ ಬೇಡ.

ಧನಸ್ಸು : ನೀವು ಹಾಕುವ ಬಂಡವಾಳ ಸದ್ಯಕ್ಕೆ ಯಾವುದೇ ಲಾಭ ತರುವುದಿಲ್ಲ. ಆದರೆ ಈ ಬಾತುಕೋಳಿಯನ್ನು ಚೆನ್ನಾಗಿ ಬೆಳೆಸಿದರೆ ಚಿನ್ನದ ಮೊಟ್ಟೆ ಕೊಡಬಲ್ಲುದು.

ಮಕರ : ನಿಮ್ಮ ಬಳಿ ಸದ್ಯಕ್ಕೆ ಯಾವುದೇ ಪ್ಲಾನ್‌ಗಳು ಇಲ್ಲದೇ ಇರುವುದು ಎಲ್ಲದಕ್ಕೂ ಒಳ್ಳೆಯದು. ಮತ್ತೆ ಯಾವುದೇ ಭೂಮಿ ವ್ಯವಹಾರಗಳ ಕುರಿತೂ ಹೆಚ್ಚು ಚಿಂತೆ ಬೇಡ.

ಕುಂಭ : ಇವತ್ತು ಆಫೀಸಿನಲ್ಲಿ ಸ್ವಲ್ಪ ಆರಾಮ ಎನಿಸುತ್ತದೆ. ಅದು ಮೇಲಧಿಕಾರಿಗಳ ಹಸನ್ಮುಖತೆಯಿಂದಲೂ ಇರಬಹುದು ಬಿಡಿ. ಅವಕಾಶವನ್ನು ಸದುಪಯೋಗ ಪಡಿಸಿಕೊಳ್ಳುವುದು ನಿಮಗೆ ಬಿಟ್ಟದ್ದು.

ಮೀನ : ತತ್ವಗಳು ಎಲ್ಲೇ ಹೋದರೂ ಬದಲಾಗದು ಅಲ್ವೇ ? ಪ್ರಯಾಣ ಯೋಗವಿದೆ. ಆದರೆ ನಿಮ್ಮ ಮನಸ್ಸು ಅದಕ್ಕೆ ತಯಾರಾಗಿರುವ ಹಾಗೆ ಕಾಣುವುದಿಲ್ಲ. ಕೊನೆಗೆ ಆಯ್ಕೆ ನಿಮ್ಮದೇ ತಾನೇ ?