ಬರಿದಾಗುತ್ತಿದೆ ಕೆ.ಆರ್‌. ಎಸ್‌, ಮತ್ತೆ ಗೋಚರಿಸುತ್ತಿದೆ ಗೋಪುರ

ಮೈಸೂರು : ರಾಜ್ಯದಲ್ಲಿ ಬಿಸಿಲು ಏರುತ್ತಿದೆ. ಮೈಸೂರಿನಲ್ಲೂ ಬಿಸಿಲ ಪ್ರಖರತೆ ಏರಿದೆ. ಸುಡು ಬಿಸಿಲಿಗೆ ಕೆರೆ, ಕಟ್ಟೆ, ಜಲಾಶಯಗಳು ಒಣಗುತ್ತಿವೆ. ಇದಕ್ಕೆ ಕೃಷ್ಣರಾಜ ಸಾಗರ ಅರ್ಥಾತ್‌ ಕೆ.ಆರ್‌.ಎಸ್‌. ಕೂಡ ಹೊರತಾಗಿಲ್ಲ. 124 ಅಡಿ ಗರಿಷ್ಠ ಮಟ್ಟದ ಜಲಾಶಯದಲ್ಲಿ ಈ ಹೊತ್ತು ಕೇವಲ 93.46 ಅಡಿ ಮಾತ್ರ ನೀರಿದೆ.

ಕಳೆದ ವರ್ಷ ಮೇ ತಿಂಗಳಿನಲ್ಲಿ ಕೃಷ್ಣ-ರಾ-ಜ ಸಾಗ-ರ-ದ ಸುತ್ತ-ಮು-ತ್ತ-ಲ ಪ್ರದೇ-ಶ-ದ-ಲ್ಲಿ ಮಳೆ ಕೈಕೊಟ್ಟಾಗ , ಕನ್ನಡ ನಾಡಿನ ಹೆಮ್ಮೆಯ ಜಲಾಶಯದ ನೀರಿನ ಮಟ್ಟ 60 ಅಡಿಗಳಿಗೆ ಕುಸಿದು 20 ವರು-ಷ-ಗ-ಳ ನಂತರ ಸುಮಾರು 500 ವರ್ಷ-ಗ-ಳ-ಷ್ಟು ಹಳೆ-ಯ-ದಾ-ದ ಹೊಯ್ಸ-ಳ-ರ ವಾಸ್ತು ಶೈಲಿ-ಯ-ನ್ನು ಹೋಲು-ವ ಪುರಾ-ತ-ನ ವೇಣು-ಗೋ-ಪಾ-ಲ ಸ್ವಾಮಿ ದೇವಾಲಯ ಸಾರ್ವಜನಿಕರಿಗೆ ದರ್ಶನ ನೀಡಿತ್ತು.

ಸಾವಿರಾರು ಜನರು ಜಲ ಸಮಾಧಿಯಾಗಿದ್ದ ದೇಗುಲವ ನೋಡಲು ಬಂದು ಹೋಗಿದ್ದರು. ಬಂದವರೆಲ್ಲಾ ಹುಯ್ಯೋ, ಹುಯ್ಯೋ ಮಳೆರಾಯ ಕನ್ನಂಬಾಡಿಗೆ ನೀರಿಲ್ಲ ಎಂದು ದೇವರಲ್ಲಿ ಪ್ರಾರ್ಥಿಸಿದ್ದರು. ಜನರ ಪ್ರಾರ್ಥನೆಗೆ ಒಲಿದ ವರುಣದೇವನ ಕೃಪೆಯಿಂದ ಕೆ.ಆರ್‌.ಎಸ್‌. ತುಂಬಿತ್ತು. ಆದರೆ, ಈಗ ಮಾರ್ಚ್‌ ತಿಂಗಳ ಅಂತ್ಯದಲ್ಲೇ ನೀರಿನಲ್ಲಿ ಮುಳುಗಿರುವ ದೇವಾಲಯದ ಗೋಪುರ ಕಾಣಿಸುತ್ತಿದೆ.

ಚೈತ್ರ ಮಾಸ ಕಾಲಿಟ್ಟರೂ ರಾಜ್ಯದ ಯಾವುದೇ ಮೂಲೆಯಲ್ಲೂ ಒಂದಿಚು ಮಳೆಯೂ ಬಾರದಿರುವುದು ಜನರಲ್ಲಿ ಆತಂಕ ಮೂಡಿಸಿದೆ. ಮತ್ತೆ ಕೆ.ಆರ್‌.ಎಸ್‌. ಬರಿದಾದರೆ, ಗತಿಯೇನು ಎಂದು ಜನ ಭೀತರಾಗಿದ್ದಾರೆ. ಕಳೆದ ವರ್ಷವಂತೂ ಕುಡಿಯುವ ನೀರಿಗಾಗಿ ಮಂಡ್ಯ ರೈತರು ಹಾಗೂ ಮೈಸೂರು ನಾಗರಿಕರ ನಡುವೆ ದೊಡ್ಡ ಸಂಘರ್ಷವೇ ನಡೆದಿತ್ತು. ಈ ಬಾರಿ ಹಾಗಾಗದಿರಲಿ, ಕಾವೇರಿಯಲ್ಲಿ ಮುಳುಗಿದ ವೇಣುಗೋಪಾಲನ ಕಾಣುವ ಯೋಗ ದೊರೆಯದಿದ್ದರೂ ಪರವಾಗಿಲ್ಲ. ಕೆ.ಆರ್‌.ಎಸ್‌. ಸದಾ ತುಂಬಿರಲಿ ಎಂದು ಜನ ಮುಗಿಲಿನತ್ತ ಮುಖಮಾಡಿ, ವರುಣನ ಕೃಪೆಗೆ ಕಾಯುತ್ತಿದ್ದಾರೆ.

(ಇನ್ಫೋ ವರದಿ)

ಮುಖಪುಟ / ಇವತ್ತು... ಈ ಹೊತ್ತು...