ಅಂ.ರಾ. ಮಾನವ ಹಕ್ಕು ಸಮಿತಿಅಧ್ಯಕ್ಷರಾಗಿ ನ್ಯಾಯಮೂರ್ತಿ ಭಗವತಿ

ವಾಷಿಂಗ್ಟನ್‌ : ಭಾರತದ ಸುಪ್ರಿಂಕೋರ್ಟ್‌ನ ನಿವೃತ್ತ ಮುಖ್ಯ ನ್ಯಾಯಮೂರ್ತಿ ಪಿ.ಎನ್‌. ಭಗವತಿ ಅವರು ನ್ಯೂಯಾರ್ಕಿನಲ್ಲಿರುವ ಅಂತರರಾಷ್ಟ್ರೀಯ ಮಾನವ ಹಕ್ಕುಗಳ ಸಮಿತಿಯ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.

ವರ್ಷದಲ್ಲಿ ಮೂರು ಸಲ ಸಭೆ ಸೇರುವ ಅಂತರರಾಷ್ಟ್ರೀಯ ಮಾನವ ಹಕ್ಕುಗಳ ಸಮಿತಿಗೆ ಭಗವತಿ ಅವರ ಆಯ್ಕೆ ಸರ್ವಾನುಮತದ್ದಾಗಿದೆ. ಅವರ ಅಧಿಕಾರಾವಧಿ 4 ವರ್ಷಗಳು.

ವಿಶ್ವಾದ್ಯಂತ ಮಾನವ ಹಕ್ಕುಗಳ ಪಾಲನೆಯ ಮೇಲೆ ನಿಗಾ ವಹಿಸುವ ಈ ಸಮಿತಿಯು 1973 ರ ಮಾರ್ಚ್‌ 23 ರಂದು ಅಸ್ತಿತ್ವಕ್ಕೆ ಬಂದಿತ್ತು . ಪ್ರಸ್ತುತ ಸಮಿತಿಯಲ್ಲಿ 18 ಮಂದಿ ಸದಸ್ಯರು ಕಾರ್ಯ ನಿರ್ವಹಿಸುತ್ತಿದ್ದು , ಇವರು ವಿಶ್ವಾದ್ಯಂತ ಮಾನವ ಹಕ್ಕುಗಳ ಪಾಲನೆಯ ಮೇಲೆ ನಿಗಾ ವಹಿಸುವರು.