ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ನಿಂತಲೇ ನಿಲ್ಲುವ ನೀರು ಕೊಚ್ಚೆಯಾಗುತ್ತದೆ ಅನ್ನುವುದು ನೆನಪಿನಲ್ಲಿರಲಿ. ನೀವೀಗ ಮತ್ತಷ್ಟು ಚಲನಶೀಲರಾಗಬೇಕಾದ ಅಗತ್ಯವಿದೆ. ಇದು ಭವಿಷ್ಯದ ಪ್ರಜ್ವಲತೆಗೆ ಅತ್ಯಗತ್ಯ.

ವೃಷಭ :ಕುಟುಂಬದೊಂದಿಗಿನ ಸಹಚರ್ಯ ಇಷ್ಟೊಂದು ಹಿತದಾಯಕವೇ ಅನ್ನುವಷ್ಟು ಖುಷಿಯ ಲಹರಿ ಮುಂದುವರಿಯಲಿದೆ. ಈ ಸಂಭ್ರಮಕ್ಕೆ ಅನಿರೀಕ್ಷಿತವಾಗಿ ಆಗಮಿಸುವ ಅತಿಥಿಗಳೂ ಕೂಡಿಕೊಳ್ಳುತ್ತಾರೆ.

ಮಿಥುನ : ಕ್ಷೇಮವಾ. ಮಾನಸಿಕವಾಗಿ ಕೂಡ. ಕೆಲಸದ ಒತ್ತಡ ಪ್ರಯಾಣದ ದಣಿವನ್ನು ಹೆಚ್ಚಿಸುವಾಗ ಇಂಥಾ ಪ್ರಶ್ನೆಗಳು ಸಹಜ. ಅದೇನಾದರೂ ಇರಲಿ, ಗೆಳೆಯರೊಂದಿಗೆ ಮುನಿಸು ಮಾತ್ರ ಬೇಡ.

ಕಟಕ : ಇದೇ ಸರಿ ಎಂದು ನಿರ್ಧರಿಸಲು ಸಾಧ್ಯವಾಗದಿದ್ದಲ್ಲಿ ಹಿರಿಯರ ಸಲಹೆ ಪಡೆಯವುದು ಒಳ್ಳೆಯದು. ಕಂಕಣ ಕೂಡಿ ಬಂದಿರುವುದರಿಂದ ಉದಾಸೀನ ಮಾಡುವುದು ಅಷ್ಟೇನೂ ಜಾಣತನವಲ್ಲ .

ಸಿಂಹ : ಹೊಸ ಷೇರು ಕೊಳ್ಳುವ ಯೋಚನೆಯಿದ್ದರೆ ತಡ ಮಾಡುವುದು ಬೇಡ. ನೀವು ಮುಟ್ಟಿದ್ದೆಲ್ಲಾ ಚಿನ್ನ ಅನ್ನುವಂಥ ಕಾಲವಿದು. ಎಷ್ಟೇ ಆಗಲಿ ಲಕ್ಷ್ಮಿ ಯ ವರಪುತ್ರರು ನೀವು.

ಕನ್ಯಾ : ಎಲ್ಲಾ ನಿಮ್ಮ ಮೂಗಿನ ನೇರಕ್ಕೇ ನಡೆಯುತ್ತಿದೆ. ಮನೆಯಲ್ಲಿನ ತುಸು ಕಿರಿಕಿರಿಯನ್ನು ಹೊರತು ಪಡಿಸಿದರೆ, ಈ ಹೊತ್ತು ನಿಮ್ಮ ನೆಮ್ಮದಿಗೆ ಭಂಗ ತರುವಂಥದ್ದೇನೂ ಇಲ್ಲ .

ತುಲಾ : ಸೃಜನಶೀಲ ಕೆಲಸಗಳಲ್ಲಿ ನೀವು ಅಂದುಕೊಂಡದ್ದನ್ನು ಸಾಧಿಸಲಾಗುತ್ತಿಲ್ಲ . ನೀವು ಮನಸ್ಸಿನ ಏಕಾಗ್ರತೆಯ ಕಡೆಗೆ ಗಮನ ಕೊಡಬೇಕು. ಕ್ಷುಲ್ಲಕ ಯೋಚನೆಗಳನ್ನು ದೂರವಿಡಿ.

ವೃಶ್ಚಿಕ : ಬಂಧು ಮಿತ್ರರ ಆಗಮನದಿಂದ ಖುಷಿಯಾಗುತ್ತೀರಿ. ಈ ಖುಷಿಯಲ್ಲಿ ಕೆಲಸದ ಒತ್ತಡವೂ ಕಡಿಮೆ ಅನ್ನಿಸಿ, ಆಯಾಸ ಮಾಯವಾದರೆ ಆಶ್ಚರ್ಯವಿಲ್ಲ . ಖುಷಿಯ ದಿನ.

ಧನಸ್ಸು :ಸಂಜೆ ಸಂಗಾತಿಯಾಂದಿಗಿನ ಸುತ್ತಾಟ ಖುಷಿ ಕೊಡುತ್ತದೆ. ಸಟ್ಟಾ ವ್ಯವಹಾರಗಳಲ್ಲಿ ಲಾಭದ ದಿನವಿದು. ಹೊಸ ಹೂಡಿಕೆಗಳಲ್ಲಿ ತೊಡಗುವುದರಿಂದಲೂ ಲಾಭವಿದೆ.

ಮಕರ : ಉನ್ನತ ವ್ಯಾಸಂಗದತ್ತ ಹೆಚ್ಚಿನ ಗಮನ ಕೊಡುವುದಗತ್ಯ. ಅಂದಹಾಗೆ, ಎಸ್ಟೇಟ್‌ ಕೊಳ್ಳುವ ದಿನ ಸದ್ಯಕ್ಕಿಲ್ಲ . ಅಲ್ಲೊಂದು ಮೂಲೆಗೆ ಗೆಳೆಯರು ಕಾಯುತ್ತಿದ್ದಾರೆ.

ಕುಂಭ : ಗೆಳೆಯರೊಂದಿಗೆ ಹೆಚ್ಚು ಸಮಯ ಕಳೆಯುತ್ತೀರಿ. ನಿಮ್ಮ ಗುರಿ ಮುಟ್ಟುವಲ್ಲಿ ಮತ್ತೊಂದು ಹೆಜ್ಜೆ ನಡೆಯುತ್ತೀರಿ. ಈ ನಿಟ್ಟಿನಲ್ಲಿ ದೈವಾನುಗ್ರಹ ಅತ್ಯಗತ್ಯ. ಇಷ್ಟದೇವರನ್ನು ಪ್ರಾರ್ಥಿಸಿ.

ಮೀನ : ಸುಳ್ಳೋ ಸರಿಯೋ ಸದ್ಯಕ್ಕಂತೂ ನೀವು ನಂಬಿ ಇಡುತ್ತಿರುವ ಹೆಜ್ಜೆ ಸರಿಯಾಗಿಯೇ ಇದೆ. ನಿಮ್ಮ ನಡವಳಿಕೆ ಗೆಳೆಯರನ್ನು ಹತ್ತಿರ ತರಲಿದೆ. ಕಚೇರಿಯಲ್ಲೂ ಖುಷಿಯ ಕಲರವದ ದಿನ.