ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಕನ್ನಡ ತಂತ್ರಾಂಶ : ಈಗ ಆಗಬೇಕಾಗಿರುವ ಕಾರ್ಯ
- ಸರಕಾರ ಸೂಚಿಸಿರುವ ಏಕರೂಪ ಸಂಕೇತ ವ್ಯವಸ್ಥೆ ಮತ್ತು ಕೀಲಿಮಣೆ ವಿನ್ಯಾಸ ನೀಡದಿರುವ ತಂತ್ರಾಂಶಗಳನ್ನು ಯಾರೂ ಬಳಸಬಾರದು. ಈ ನಿಯಮಗಳಿಗೆ ಬದ್ಧವಾದ ತಂತ್ರಾಂಶಗಳನ್ನೇ ನೀಡುವಂತೆ ತಂತ್ರಾಂಶ ತಯಾರಕರನ್ನು ಒತ್ತಾಯಿಸಬೇಕು.
- ಸರಕಾರದ ಆಡಳಿತ ವ್ಯವಹಾರಗಳು ಗಣಕೀಕರಣವಾದಾಗಲೂ ಕನ್ನಡದಲ್ಲೇ ಆಗಬೇಕೆಂಬ ಹಕ್ಕೊತ್ತಾಯವನ್ನು ಮಂಡಿಸಬೇಕು.
- ಬಹುಮುಖ್ಯವಾಗಿ, ಸರಕಾರದ ಮತ್ತು ಸರಕಾರಿ ಸಂಸ್ಥೆಗಳ-
- ಯಾವುದೇ ಪೂರ್ವ ಮುದ್ರಿತ ಅರ್ಜಿ ನಮೂನೆಗಳು ಕನ್ನಡದಲ್ಲೇ ಇದ್ದರೂ ಅದರಲ್ಲಿನ ಕಾಲಂಗಳನ್ನು ಇಂಗ್ಲಿಷ್ನಲ್ಲಿ ಭರ್ತಿ ಮಾಡಬೇಕು ಎಂಬ ಸೂಚನೆಯನ್ನು ಕೈ ಬಿಟ್ಟು ಕನ್ನಡದಲ್ಲಿಯೇ ಅರ್ಜಿ ಭರ್ತಿ ಮಾಡಬೇಕು.
- ಈ ಮಾಹಿತಿಗಳನ್ನು ಗಣಕದೊಳಗೆ ಕನ್ನಡದಲ್ಲೇ ಅಳವಡಿಸುವಂತೆ ಒತ್ತಾಯಿಸಬೇಕು.
- ಯಾವುದೇ ಪೂರ್ವ ಮುದ್ರಿತ ರಸೀತಿ, ಉತ್ತರದ ನಮೂನೆಗಳು ಕನ್ನಡದಲ್ಲೇ ಇದ್ದರೂ ಅವುಗಳಲ್ಲಿ ಗಣಕಗಳಿಂದ ಮುದ್ರಿತವಾಗಿ ಬರುವ ಮಾಹಿತಿಗಳೆಲ್ಲವೂ ಕನ್ನಡದಲ್ಲೇ ಇರಬೇಕೆಂಬ ಒತ್ತಾಯ ಮಂಡಿಸಬೇಕು.
- ವಿದ್ಯಾ ಇಲಾಖೆಯ ಗಣಕೀಕರಣ
- 7ನೇ ತರಗತಿಯ ಪರೀಕ್ಷೆಯ ಹಾಗೂ ಸಂಗೀತ,ನೃತ್ಯ ವಿವಿಧ ಕಲೆಗಳ ಪರೀಕ್ಷೆಗಾಗಿ ಸಲ್ಲಿಸುವ ಆವೇದನಾ ಪತ್ರಗಳನ್ನು ಇಂಗ್ಲಿ ಷ್ನಲ್ಲಿಯೇ ಭರ್ತಿ ಮಾಡಬೇಕು. ಕನ್ನಡದಲ್ಲೇನಾದರೂ ಭರ್ತಿ ಮಾಡಿದಲ್ಲಿ ಅದನ್ನು ಇಂಗ್ಲಿಷ್ಗೆ ಪರಿವರ್ತಿಸಲಾಗುತ್ತದೆ.
- ಕರ್ನಾಟಕದಲ್ಲಿರುವ ಶಾಲೆಗಳ ಮಾಹಿತಿಗಳನ್ನು ಇಂಗ್ಲಿಷ್ನಲ್ಲಿಯೇ ಗಣಕೀಕರಿಸಲಾಗುತ್ತಿದೆ.
- ಎಲ್ಲ ಶಾಲೆಗಳ ಮುಖ್ಯೋಪಾಧ್ಯಾಯರಿಗೆ ಮತ್ತು ಎಲ್ಲ ಅಧ್ಯಾಪಕರಿಗೆ ಸಂಬಂಧಪಟ್ಟ ಮಾಹಿತಿಗಳು ಇಂಗ್ಲಿಷ್ನಲ್ಲಿಯೇ ಗಣಕೀಕರಣವಾಗುತ್ತಿವೆ.
- ವಿದ್ಯಾ ಇಲಾಖೆಯ ಅಂತರ್ಜಾಲದಲ್ಲಿ ಪ್ರಕಟವಾಗುವ ಫಲಿತಾಂಶಗಳೆಲ್ಲವೂ ಇಂಗ್ಲಿಷ್ನಲ್ಲಿರುತ್ತವೆ.
- ಸಾರಿಗೆ ಇಲಾಖೆಯ ಗಣಕೀಕರಣದಲ್ಲಿ ಕೂಡ ಇಂಗ್ಲಿಷ್ನ್ನೇ ಬಳಸಲಾಗುತ್ತಿದೆ.
- ಮುಂಗಡ ಟಿಕೆಟ್ನಲ್ಲಿ ಗಣಕದಿಂದ ಮುದ್ರಿತವಾಗಿ ಬರುವ ಮಾಹಿತಿಗಳು
3. ಲಗೇಜು ನಿರ್ವಹಣೆಯ ಗಣಕೀಕೃತ ವ್ಯವಹಾರಗಳು
4. ಆರ್ಟಿಒ ಕಚೇರಿಗಳ ಗಣಕೀಕರಣ
- ವಿದ್ಯುಚ್ಛಕ್ತಿ ಇಲಾಖೆಯ ಗಣಕೀಕರಣದಲ್ಲಿ ಕೂಡ ಇಂಗ್ಲಿಷ್ ಬಳಕೆಯಾಗುತ್ತಿದೆ
2. ಗ್ರಾಹಕರಿಂದ ಹಣ ಸಂದ ರಸೀತಿಯಲ್ಲಿನ ಮಾಹಿತಿಗಳು
3. ಇಲಾಖೆಯ ಇತರ ಗಣಕೀಕೃತ ಮಾಹಿತಿಗಳು
- ಕರ್ನಾಟಕ ಸರಕಾರದ ಅನೇಕ ಇಲಾಖೆಗಳ ಅಂತರ್ಜಾಲ ತಾಣಗಳು (ಒಂದೆರಡನ್ನುಳಿದು) ಇಂಗ್ಲಿಷ್ನಲ್ಲಿಯೇ ಇವೆ.
- ಕನ್ನಡವನ್ನು ದೂರೀಕರಿಸುವ ಇಂತಹ ಲೆಕ್ಕವಿಲ್ಲದಷ್ಟು ಉದಾಹರಣೆಗಳಿವೆ.
- ಒಮ್ಮೆ ಎಲ್ಲ ಮಾಹಿತಿಗಳೂ ಗಣಕಗಳಲ್ಲಿ ಇಂಗ್ಲಿಷ್ನಲ್ಲಿಯೇ ದಾಖಲಾದರೆ ಅನಂತರ ಅವನ್ನು ಕನ್ನಡದಲ್ಲಿ ದಾಖಲಿಸಲು ಕಷ್ಟವಾಗುತ್ತದೆ. ಆಗ ಕನ್ನಡವು ಖಂಡಿತವಾಗಿ ನಾಶವಾಗುತ್ತದೆ.
- ಕನ್ನಡ ವಿರೋಧಿಯಾದ ಇಂತಹ ಸ್ಫೋಟಕ ಪರಿಸ್ಥಿತಿ ಈಗಾಗಲೇ ನಿರ್ಮಾಣವಾಗಿದೆ.
- ಇವುಗಳನ್ನು ಗುರುತಿಸಿ ಗಣಕೀಕೃತ ಕ್ರಿಯೆಗಳು ಕನ್ನಡದಲ್ಲಿ ಆಗಬೇಕೆಂದು ಒತ್ತಾಯಿಸುವುದು ನಮ್ಮೆಲ್ಲರ ಕರ್ತವ್ಯವಾಗಿದೆ.
- ಜನದ ಒತ್ತಾಯವಿದ್ದರೆ ಸರಕಾರವು ಸ್ಪಂದಿಸುತ್ತದೆ.
Comments
Story first published: Friday, February 9, 2001, 5:30 [IST]