• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ರಾಜ್ಯದಲ್ಲಿ ನಕಲಿ ಸಾಫ್ಟ್‌ವೇರ್‌ ನಿರ್ಮೂಲನಾ ಯೋಜನೆ ಜಾರಿ

By Staff
|

ಬೆಂಗಳೂರು : ನಕಲಿ ಸಾಫ್ಟ್‌ವೇರ್‌ ಜಾಲಗಳನ್ನು ಬಯಲಿಗೆಳೆಯುವ ಹಾಗೂ ಅದರ ಬಗೆಗೆ ಜನ ಜಾಗೃತಿ ಮೂಡಿಸುವ ಸಲುವಾಗಿ ಕರ್ನಾಟಕ ದೇಶದಲ್ಲೇ ಮೊದಲ ಬಾರಿಗೆ ಯೋಜಿತ ಕಾರ್ಯಾಚರಣೆ ಜಾರಿಗೆ ತಂದಿದೆ.

ಶನಿವಾರ ಗೃಹ ಸಚಿವ ಮಲ್ಲಿಕಾರ್ಜುನ ಖರ್ಗೆ ನೇತೃತ್ವದಲ್ಲಿ ನಡೆದ ಉನ್ನತ ಮಟ್ಟದ ಸಮಿತಿಯ ಮೊದಲ ಸಭೆ ಮುಂದಿನ ವರ್ಷ ಜನವರಿ ಹೊತ್ತಿಗೆ ಸರ್ಕಾರವನ್ನು ‘ನಕಲಿ ರಹಿತ ಸಂಸ್ಥೆ’ ಹಾಗೂ ಕರ್ನಾಟಕವನ್ನು ‘ನಕಲಿ ಜಾಲ ರಹಿತ ರಾಜ್ಯ’ವನ್ನಾಗಿಸುವ ಸಂಕಲ್ಪ ತೊಟ್ಟಿತು. ಸಭೆಯ ನಂತರ ಮಲ್ಲಿಕಾರ್ಜುನ ಖರ್ಗೆ ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದರು.

ಕಳೆದ ವರ್ಷ ಸೆಪ್ಟೆಂಬರ್‌ 11ರಂದು ಮುಖ್ಯಮಂತ್ರಿ ಎಸ್‌.ಎಂ.ಕೃಷ್ಣ ಈ ಸಮಿತಿಯನ್ನು ರಚಿಸಿದ್ದರು. ಸರ್ಕಾರಿ ಪ್ರಾಸಿಕ್ಯೂಟರ್‌ಗಳು ಹಾಗೂ ಜಿಲ್ಲಾ ಮುಖ್ಯ ನ್ಯಾಯಾಧೀಶರಲ್ಲಿ ನಕಲಿ ಸಾಫ್ಟ್‌ವೇರ್‌ ಬಗೆಗೆ ತಿಳಿವಳಿಕೆ ಮೂಡಿಸುವುದು ಸಮಿತಿಯ ಕಾರ್ಯಕ್ರಮಗಳಲ್ಲಿ ಸೇರಿದೆ. ನಕಲಿ ಸಾಫ್ಟವೇರ್‌ ಹಾವಳಿ ಹತ್ತಿಕ್ಕಲು ಅಪರಾಧಿ ಪ್ರಕ್ರಿಯಾ ಸಂಹಿತೆಗೆ ತಿದ್ದುಪಡಿ ತರುವ ಅಥವಾ ಹೊಸ ಮಸೂದೆ ಜಾರಿಗೆ ತರುವ ಸಲಹೆಗಳನ್ನೂ ಸರ್ಕಾರ ಪರಿಶೀಲಿಸುತ್ತಿದೆ ಎಂದು ಖರ್ಗೆ ಹೇಳಿದರು.

10 ರಲ್ಲಿ 7 ನಕಲಿ , ಪ್ರಕರಣ ಇತ್ಯರ್ಥಕ್ಕೆ ವಿಶೇಷ ಕೋರ್ಟು: ಪ್ರಶ್ನೆಗಳಿಗೆ ಉತ್ತರಿಸುತ್ತಾ, ನಕಲಿ ಸಾಫ್ಟ್‌ವೇರ್‌ ಪ್ರಕರಣಗಳ ಇತ್ಯರ್ಥಕ್ಕೆ ವಿಶೇಷ ಕೋರ್ಟ್‌ಗಳನ್ನು ಸ್ಥಾಪಿಸುವ ಬಗೆಗೂ ಯೋಚಿಸಲಾಗುತ್ತಿದೆ ಎಂದರು. ಗೋಷ್ಠಿಯಲ್ಲಿ ಹಾಜರಿದ್ದ ಮಾಹಿತಿ ತಂತ್ರಜ್ಞಾನ ಕಾಯದರ್ಶಿ ವಿವೇಕ್‌ ಕುಲಕರ್ಣಿ, 10 ಕಂಪ್ಯೂಟರ್‌ಗಳ ಪೈಕಿ 7ರಲ್ಲಿ ನಕಲಿ ಸಾಫ್ಟ್‌ವೇರ್‌ ಬಳಸಲಾಗುತ್ತಿದೆ. ಪ್ರತಿಶತ 70ರಷ್ಟು ನಕಲಿ ಸಾಫ್ಟ್‌ವೇರ್‌ ಬಳಸಲಾಗುತ್ತಿದೆ. ಇಂಥ ಪ್ರಕರಣಗಳನ್ನು ಹತ್ತಿಕ್ಕಲು ದೇಶದಲ್ಲೇ ಮೊದಲ ಬಾರಿಗೆ ಯೋಜಿತ ಕಾರ್ಯಕ್ರಮ ಹಮ್ಮಿಕೊಂಡಿರುವ ಮೊದಲ ನಗರ ಬೆಂಗಳೂರು ಎಂದರು.

ಮೈಕ್ರೋಸಾಫ್ಟ್‌ ಕಾರ್ಪೊರೇಷನ್ನಿನ ಭಾರತದ ಶಾಖೆಯ ಮುಖ್ಯಸ್ಥ ರಾಜೀವ್‌ ನಾಯರ್‌ ಕೂಡ ಸಮಿತಿ ಸದಸ್ಯರಲ್ಲೊಬ್ಬರು. ನಮ್ಮ ದೇಶದ ಸಾಫ್ಟ್‌ವೇರ್‌ ಕಂಪನಿಗಳು ಹೊರನಾಡಿನಲ್ಲಿ ಹೆಸರು ಮಾಡುತ್ತಿದ್ದರೂ ನಮ್ಮಲ್ಲಿ ಬಳಸಲಾಗುತ್ತಿರುವ, ಅದರಲ್ಲೂ ವಿಶೇಷವಾಗಿ ಆಟಗಳ ಸಾಫ್ಟ್‌ವೇರ್‌ಗಳು ಬಹುತೇಕ ನಕಲಿ. ಮುಂದಿನ ವರ್ಷ ಜನವರಿ ಹೊತ್ತಿಗೆ ಸರ್ಕಾರದಲ್ಲಿ ಬಳಸಲಾಗುವ ಎಲ್ಲಾ ಸಾಫ್ಟ್‌ವೇರ್‌ಗಳು ಅಸಲಿ ಎಂಬುದನ್ನು ಖಾತ್ರಿ ಮಾಡಲು ಸಮಿತಿ ಪಣ ತೊಟ್ಟಿದೆ ಎಂದೂ ಅವರು ಹೇಳಿದರು.

(ಯುಎನ್‌ಐ)

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more