ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ನೀವೀಗ ಹತ್ತಾರು ಸವಾಲುಗಳನ್ನು ಒಮ್ಮೆಗೇ ಎದುರಿಸುತ್ತಿದ್ದೀರಿ. ಈ ಒತ್ತಡಗಳ ಜೊತೆಗೆ ಅನಾರೋಗ್ಯವೂ ಜೊತೆಯಾಗಿದೆ. ಇಂಥಾ ಹೊತ್ತಿನಲ್ಲಿ ಪ್ರತಿ ಹೆಜ್ಜೆಯನ್ನೂ ಯೋಚಿಸಿ ಇಡಿ.

ವೃಷಭ :ಇಂದು ಆಫೀಸಿನಲ್ಲಿ ಬಹಳಷ್ಟು ಕೆಲಸದ ಒತ್ತಡ . ತಲೆ ಚಿಟ್ಟು ಹಿಡಿಸುವ ಕಂಪ್ಯೂಟರ್‌ ಮುಂದೆಯಾದರೂ ಆದೀತು, ಹನುಮಾನ್‌ ಚಾಲೀಸ ಹೇಳಿಕೊಳ್ಳಿ. ನೆಮ್ಮದಿ ನಿಮ್ಮದಾಗುವುದು.

ಮಿಥುನ : ನಿಮಗೆ ತೀರಾ ಹತ್ತಿರಾದವರನ್ನು ಇವತ್ತಿನ ಮಟ್ಟಿಗಾದರೂ ದೂರದಿರಿ. ಅವರಿಂದಲೇ ನಿಮಗಿಂದು ಅದೃಷ್ಟ ಖುಲಾಯಿಸಲಿದೆ. ಹಾಗಂತ ಅವರನ್ನು ತೀರಾ ತಲೆ ಮೇಲೆ ಕೂರಿಸಿಕೊಳ್ಳುವುದೂ ಒಳ್ಳೆಯದಲ್ಲ.

ಕಟಕ : ಕಚೇರಿ ಜಂಜಡ ಮರೆತು ಬಿಡಿ. ಸಂಗೀತ- ಕಲಾರಾಧಕರೋ, ಅನುಭಾವಿಗಳೋ ನೀವಾಗಿದ್ದರೆ ಅದರತ್ತ ಇವತ್ತು ಮನ ಹರಿಯಬಿಡಿ. ಬ್ರಹ್ಮಾನಂದ ನಿಮ್ಮದಾಗುತ್ತದೆ.

ಸಿಂಹ : ಒಡವೆಯ ಗೊಡವೆ ನಮಗೇಕೆ ಅನ್ನುವ ಪರಿಸ್ಥಿತಿಯಲ್ಲಿರುವವರ ಮನಸ್ಸಿನ ಯಾವುದೋ ಮೂಲೆಯಲ್ಲಿರುವ ಚಿನ್ನದ ಮೇಲಿನ ಕಾಂಕ್ಷೆ ಇವತ್ತು ತೀರೀತು. ಅತಿ ಆಸೆ ಗತಿ ಕೇಡು ಅನ್ನುವುದನ್ನು ಚಿತ್ತದಲ್ಲಿಟ್ಟುಕೊಂಡೇ ಅದನ್ನು ಪರಾಂಬರಿಸಬೇಕು.

ಕನ್ಯಾ : ನಿಮ್ಮ ಹೊಸ ಫ್ಯಾಕ್ಟರಿಗಿಂದು ಅನಿರೀಕ್ಷಿತ ಬ್ರೇಕು. ಪ್ರತಿಸ್ಪರ್ಧಿಯನ್ನು ನೆಲಕಚ್ಚಿಸುವ ಅವಕಾಶ ನಿಮ್ಮದಾಗಲಿದೆ. ಅದನ್ನು ಹಿಂದೂಮುಂದೂ ನೋಡದೆ ಸೂಕ್ತ ರೀತಿಯಲ್ಲಿ ಬಳಸಿಕೊಳ್ಳಬೇಕಷ್ಟೆ.

ತುಲಾ : ನೀವು ಪೂರ್ಣ ಆನಂದ ತುಂದಿಲರಾಗಿರುವ ದಿನವಿದು. ಕಸಿವಿಸಿ, ತಲೆಶೂಲೆ ಎಲ್ಲದರಿಂದಲೂ ಇವತ್ತು ವಿನಾಯಿತಿ. ಕಷ್ಟ ಬಂದರೂ ಅದನ್ನು ಎದುರಿಸುವ ನಿಮಗೇ ಗೊತ್ತಿಲ್ಲದಂಥ ಚೈತನ್ಯ ಇವತ್ತು ನಿಮ್ಮದಾಗಲಿದೆ.

ವೃಶ್ಚಿಕ : ನಿಮ್ಮ ನಲ್ಲೆಯಾಡುವ ಮಾತುಗಳು ಈ ಕಿವಿಯಲ್ಲಿ ಕೇಳಿ ಆ ಕಿವಿಯಲ್ಲಿ ಬಿಡುವಂಥದ್ದಲ ್ಲ. ಬಿಟ್ಟರೋ ಕೆಟ್ಟಿರಿ. ಏನೋ ಅಳಕು ನಿಮ್ಮ ಮನದ ತುಂಬಾ ಕತ್ತಲೆ ಕವಿದಿದೆ. ಅಲ್ಲಿ ದೀಪ ಹಚ್ಚೋ ಕೆಲಸ ನಿಮ್ಮ ಮನದನ್ನೆ ಮಾಡುತ್ತಾಳೆ. ಮನದ ಕಣ್ಣು ತೆರೆದು ಅದ ನೋಡಿ.

ಧನಸ್ಸು :ಬಹು ದಿನಗಳಿಂದ ನೀವು ಹಪಹಪಿಸುತ್ತಿರುವ ಲಲಿತ ಕಲೆ ನಿಮಗೆ ಕರಗತವಾಗುವ ದಿನವಿದು. ಅಂತರೀಕ್ಷಣೆಯಿಂದ ಆತ್ಮಸಾಕ್ಷಾತ್ಕಾರ ಅನ್ನೋದನ್ನ ನೆಪ್ಪಿಡಿ. ನಿಮ್ಮ ಸಾಧನೆಯನ್ನು ಮನಸೋ ಇಚ್ಛೆ ಆಚರಿಸಿಬಿಡಿ. ನಾಳೆ ಹೀಗೆ ಅಂತ ಹೇಳೋಕಾಗಲ್ಲ.

ಮಕರ : ಯಾಕಪ್ಪ ಇಷ್ಟೊಂದು ಮನಿ ಮೈಂಡೆಡ್‌ ಆಗಿದ್ದೀರಿ. ನಾವೇನು ಎಲ್ಲಾ ಹೊತ್ಕೊಂಡ ಹೋಗ್ತೀವಿ. ನೆಮ್ಮದಿ ಮುಖ್ಯ. ನಿಮಗೆ ಅದೇ ಇಲ್ವೆ. ಇಫ್‌ ವೆಲ್ತ್‌ ಈಸ್‌ ಲಾಸ್ಟ್‌ ನಥಿಂಗ್‌ ಈಸ್‌ ಲಾಸ್ಟ್‌ . ಚೀರ್‌ ಅಪ್‌, ದೇವ್ರು ದಿಂಡ್ರು ಅಂತ ಯೋಚಿಸಿ. ನೆಮ್ಮದಿ ತಾನೇ ತಾನಾಗಿ ನಿಮ್ಮದಾಗುತ್ತೆ.

ಕುಂಭ : ನಿಮ್ಮ ಮಾರ್ಕ್ಸ್‌ಕಾರ್ಡಿನ ಮೇಲೆ ‘ಗುಡ್‌’, ಬಾಸ್‌ರಿಂದ ‘ಕೀಪ್‌ ಇಟ್‌ ಅಪ್‌’, ಗುರುಗಳಿಂದ ‘ಅದ್ಭುತ’ ಅನ್ನುವಂಥ ಶಹಬಾಸ್‌ಗಿರಿಗಳು. ಹಿರಿಹಿರಿ ಹಿಗ್ಗಿ. ಆದರೆ ಅಲ್ಲಿಗೇ ನಿಲ್ಲಬೇಡಿ. ಇದಿನ್ನೂ ಆರಂಭ.

ಮೀನ : ಬಹುದಿನಗಳ ಸಂಶೋಧನೆ ಇಂದು ಫಲಿಸೀತು. ನಿಮ್ಮ ಸೃಜನಶೀಲತೆಗೆ ಕಂಡಾಪಟ್ಟೆ ಬಹುಮಾನ ಸಿಗುವ ದಿನವಿದು. ಮರೆವು. ಕುದಿ ಮೌನ. ಮನಸ್ಸಿಲ್ಲಿ ಏನನ್ನೋ ಇಟ್ಟುಕೊಂಡು ಕೊರಗುತ್ತಿದ್ದೀರಿ. ಯಾರಾದರೂ ಆಪ್ತರಲ್ಲಿ ಎಲ್ಲವನ್ನೂ ಹೇಳಿಬಿಡಿ. ನಿರ್ಲಿಪ್ತತೆ ನಿಮ್ಮದಾಗಲಿದೆ.