ಹಾಕಿ: ಭಾರತಕ್ಕೆ ಸೋಲು, ಚಾಂಪಿಯನ್ಸ್‌ ಟ್ರೋಫಿಯಿಂದಲೂ ಹೊರಕ್ಕೆ

ಸಿಡ್ನಿ : ಒಲಿಂಪಿಕ್ಸ್‌ನಲ್ಲಿ ಪದಕದ ಆಸೆ ನುಚ್ಚು ನೂರಾದ ಮೇಲೆ ಚಾಂಪಿಯನ್ಸ್‌ ಟ್ರೋಫಿಗಾದರೂ ಅರ್ಹತೆ ಗಳಿಸಲು ಮೊದಲ ಆರು ಸ್ಥಾನಗಳಲ್ಲಿ ಒಂದು ಸ್ಥಾನ ಪಡೆಯಬೇಕಾಗಿದ್ದ ಭಾರತ ಹಾಕಿ ತಂಡ ಬ್ರಿಟನ್‌ ವಿರುದ್ಧ 2-1 ಗೋಲುಗಳಿಂದ ಸೋಲನುಭವಿಸುವ ಮೂಲಕ ಚಾಂಪಿಯನ್‌ ಟ್ರೋಫಿಯಿಂದಲೂ ಹೊರ ಹಾಕಲ್ಪಟ್ಟಿದೆ.

ತನ್ನ ಎರಡನೇ ಪಂದ್ಯದಲ್ಲಿ ಪಾಕಿಸ್ತಾನದ ವಿರುದ್ಧ 8-1 ಗೋಲುಗಳಿಂದ ಸೋತಿದ್ದ ಬ್ರಿಟನ್‌, ಮಲೇಶಿಯಾ ಜತೆ ಡ್ರಾ ಮಾಡಿಕೊಂಡು, ಜರ್ಮನಿ ಹಾಗೂ ಭಾರತವನ್ನು ಪರಾಭವಗೊಳಿಸಿ, ಐದನೇ ಸ್ಥಾನ ಗಳಿಸಲು ತನ್ನ ಅಸ್ತಿತ್ವವನ್ನು ಉಳಿಸಿಕೊಂಡಿದೆ.