ಬೆಂಗ-ಳೂ-ರಿ-ನ-ಲ್ಲಿ ಮೀಡಿ-ಯಾ ಲ್ಯಾಬ್‌, ಡಾಟ್‌ನೆಟ್‌ ಪ್ರಯೋ-ಗಾ-ಲ-ಯ

ನವದೆಹಲಿ : ಬೆಂಗಳೂರಿನಲ್ಲಿ ಮೀಡಿಯಾ ಲ್ಯಾಬ್‌ ಮತ್ತು ಡಾಟ್‌ ನೆಟ್‌ ಪ್ರಯೋಗಾಲಯವನ್ನು ಸ್ಥಾಪಿಸಲು ಬಂಡ-ವಾ-ಳ ಹೂಡು-ವು-ದಾ-ಗಿ ಮೈಕ್ರೋಸಾಫ್ಟ್‌ ಕೆಂಪೆನಿ ಅಧ್ಯಕ್ಷ ಬಿಲ್‌ಗೇಟ್ಸ್‌ ಗುರುವಾರ ಹೇಳಿದ್ದಾರೆ.

ಸ್ಥಳೀಯ ಭಾಷೆಗಳಲ್ಲಿ ಸಾಫ್ಟ್‌ವೇರ್‌ ಬಿಡುಗಡೆ ಗೊಳಿಸಲು ಬೆಂಗಳೂರಿನಲ್ಲಿ ಮೀಡಿಯಾ ಲ್ಯಾಬ್‌ ಸ್ಥಾಪನೆ, ಏಕರೂಪದ ಕನ್ನಡ ಸಾಫ್ಟ್‌ವೇರ್‌ ರಚನೆ, ಸರಕಾರಿ ಶಾಲೆಗಳಲ್ಲಿ ಕಂಪ್ಯೂಟರ್‌ ಶಿಕ್ಷಣ, ಕೃಷಿ ಮತ್ತು ಆರೋಗ್ಯ ಕ್ಷೇತ್ರದಲ್ಲಿ ಜೈವಿಕ ತಂತ್ರಜ್ಞಾನದ ಬಳ-ಕೆಗೆ ಸಂಬಂಧಿಸಿದ ವಲಯಗಳಲ್ಲಿ ಬಂಡವಾಳ ಹೂಡುವ ಆಸಕ್ತಿ ವ್ಯಕ್ತಪಡಿಸಿದ್ದಾರೆ.

ರಾಜ್ಯದ ಮನವಿಗಳು : ಮುಖ್ಯ ಮಂತ್ರಿ ಎಸ್‌.ಎಂ. ಕೃಷ್ಣ ಅವರು ಬಿಲ್‌ ಗೇಟ್ಸ್‌ ಅವರನ್ನು ಭೇಟಿಯಾಗಿ ಎರಡು ಮನವಿಗಳನ್ನು ಸಲ್ಲಿಸಿದ್ದಾರೆ. ರಾಜ್ಯದ ಸರಕಾರಿ ಶಾಲೆಗಳಲ್ಲಿ ಕಂಪ್ಯೂಟರ್‌ ಶಿಕ್ಷಣ ಒದಗಿಸುವಲ್ಲಿ ಸರಕಾರದೊಂದಿಗೆ ಸಮಾನ ಪಾಲುದಾರಾಗುವಂತೆ ಗೇಟ್ಸ್‌ ಫೌಂಡೇಷನ್‌ನ ಅಧ್ಯಕ್ಷೆ ಶ್ರೀಮತಿ ಬಿಲ್‌ಗೇಟ್ಸ್‌ ಅವರನ್ನು ಕೋರಲಾಗಿದೆ. ಇ-ದ-ರ ಪ್ರಕಾರ ರಾಜ್ಯದ ಒಂದು ಸಾವಿರ ಸರಕಾರಿ ಮಾಧ್ಯಮಿಕ ಶಾಲೆಗಳಲ್ಲಿ ಓದುವ ಮಕ್ಕಳಿಗೆ ಕಂಪ್ಯೂಟರ್‌ ಶಿಕ್ಷಣ ಒದಗಿಸಲು ವರ್ಷಕ್ಕೆ ಸುಮಾರು 50 ದಶ ಲಕ್ಷ ಡಾಲರ್‌ಗಳ ಅಗತ್ಯವಿದೆ.

ಸರಕಾರ, ಬೆಂಗಳೂರಿನಲ್ಲಿ ನಿರ್ಮಿಸಲು ಉದ್ದೇಶಿ-ಸಿರುವ ಬಯೋ ಟೆಕ್‌ ಕಾರಿಡಾರ್‌ ಯೋಜನೆ, ಆರೋಗ್ಯ ಮತ್ತು ಕೃಷಿ ಕ್ಷೇತ್ರದಲ್ಲಿ ಜೈವಿಕ ತಂತ್ರಜ್ಞಾನದ ಅಳವಡಿಕೆ ಕುರಿತು ಗೇಟ್ಸ್‌ ಅವರಿಗೆ ಕೃಷ್ಣ ವಿವರಿಸಿದರು. ಮಾನವ ತಳಿ ಅಭಿವೃದ್ಧಿ ಮತ್ತು ಮಾಹಿತಿ ತಂತ್ರಜ್ಞಾನ ಕ್ಷೇತ್ರಕ್ಕೆ ಸಂಬಂಧಿಸಿ, ಜೈವಿಕ ತಂತ್ರಜ್ಞಾನ ಸಂಸ್ಥೆ ಸ್ಥಾಪನೆಯ ತಮ್ಮ ಯೋಜನೆಗೆ ನೆರವು ನೀಡುವಂತೆ ಅವರನ್ನು ಕೋರಿದರು. ಮುಖ್ಯಮಂತ್ರಿ ಕೃಷ್ಣರ ಜೊತೆ ಇನ್ಫೋಸಿಸ್‌ನ ನಾರಾಯಣ ಮೂರ್ತಿ ಅವರೂ ಬಿಲ್‌ಗೇಟ್ಸ್‌ ಅವರೊಡನೆ ವಿವಿಧ ಯೋಜನೆಗಳ ಕುರಿತು ಚರ್ಚಿಸಿದರು.