ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಅಂಥಿಂಥ ಹೆಣ್ಣು ನೀನಲ್ಲ!! ಹೌದೌದು!

By Staff
|
Google Oneindia Kannada News


ಇತ್ತೀಚಿನ ಚಲನಚಿತ್ರಗಳಲ್ಲಿ ಹಾಡಿಗಿಂತಲೂ ವಾದ್ಯಗಳದ್ದೇ ದೊಡ್ಡ ಸದ್ದು! ಕೇಳುವುದಕ್ಕೆ ಕರ್ಣ ಕಠೋರ! ಸಾಹಿತ್ಯ ಮತ್ತು ಸಂಗೀತ ಎರಡೂ ಕೆಟ್ಟಿವೆ ಎಂದು ಮನೆಯಲ್ಲಿನ ಹಿರಿ ತಲೆಗಳು ಆಗಾಗ ಹೇಳುತ್ತಿರುತ್ತವೆ. ಆ ಮಾತು ಒಂದರ್ಥದಲ್ಲಿ ನಿಜವೂ ಹೌದು. ಬೇಕಿದ್ದರೇ, 1964ರಲ್ಲಿ ತೆರೆಕಂಡ ತುಂಬಿದ ಕೊಡ ಚಿತ್ರದ ಅಂಥಿಂಥ ಹೆಣ್ಣು ನೀನಲ್ಲ ಹಾಡನ್ನು ನೆನಪಿಸಿಕೊಳ್ಳಿ....

Anthintha Hennu Nanalla... a poem popularised by singer P Kalingaraoಅಂದ ಹಾಗೇ ಈ ಚಿತ್ರಕ್ಕೆ ಸಂಗೀತ ನೀಡಿದ್ದು; ಜಿ. ಕೆ. ವೆಂಕಟೇಶ್. ಕೆ.ಎಸ್.ನರಸಿಂಹಸ್ವಾಮಿ ಅವರ ದೀಪದ ಮಲ್ಲಿ ಸಂಕಲನದಲ್ಲಿರುವ ಈ ಪದ್ಯಕ್ಕೆ, ತಮ್ಮ ಶ್ರೀಮಂತ ಕಂಠದಿಂದ ಜೀವ ತುಂಬಿದ್ದು; ಕಾಳಿಂಗ ರಾವ್.



Anthintha Hennu Nanalla..., a poem of K S Narasimhaswamy ಅಂಥಿಂಥ ಹೆಣ್ಣು ನೀನಲ್ಲ;
ನಿನ್ನಂಥ ಹೆಣ್ಣು ಇನ್ನಿಲ್ಲ.

ಹೆಡೆಹೆಡೆಯ ಸಾಲು ತುರುಬೆಲ್ಲ,
ಗುಡಿನಿಂದ ಹೂವು ಮೇಲೆಲ್ಲ,
ತೆರೆತೆರೆಯ ಹೊರಳು ಕುರುಳೆಲ್ಲ,
ಸುಳಿಮಿಂಚು ಕಣ್ಣ ಹೊರಳೆಲ್ಲ!

ಮಣಿಮಾಲೆ ಕೊರಳ ದನಿಯೆಲ್ಲ,
ಹೊಂಬಾಳೆ ಆಸೆ ಒಳಗೆಲ್ಲ.
ಒತ್ತಾಯವಿಲ್ಲ: ಒಲವೆಲ್ಲ!
ನಿನ್ನಂಥ ಹೆಣ್ಣು ಹಲವಿಲ್ಲ.

ಎದೆಮಟ್ಟ ನಿಂತ ಹೂ ಬಳ್ಳಿ;
ಎಷ್ಟೊಂದು ಹೂವು ಅದರಲ್ಲಿ!
ಉಸಿರುಸಿರು ಮೊಗ್ಗು ಹೂವೆಲ್ಲ;
ನೀ ಬಳ್ಳಿ ಬೆಳಕು ಬದುಕೆಲ್ಲ!

ನಡುಬೆಟ್ಟದಲ್ಲಿ ನಿನ್ನೂರು;
ಅಲ್ಲಿಹವು ನವಿಲು ಮುನ್ನೂರು.
ಮುನ್ನೂರು ನವಿಲು ಬಂದಂತೆ
ನೀ ಬಂದರೆನಗೆ; ಸಿರಿವಂತೆ.

ನಡುದಾರಿಯಲ್ಲಿ ನನ್ನೂರು;
ಕುಡಿಮಿಂಚಿನೂರು ಹೊನ್ನೂರು
ಮುನ್ನೂರು ಮಿಂಚು ಹೊಳೆದಂತೆ
ನೀ ಬಂದರೆನಗೆ, ಸಿರಿವಂತೆ.

ಬಲುದೂರ ದೂರ ನೀನಾಗಿ,
ಹೊಂಗನಸು ನಡುವೆ ದನಿತೂಗಿ,
ಕಾದಿರಲು ನಾನು ನಿನಗಾಗಿ
ನೀ ಬರುವೆ ಚೆಲುವೆ ಹೊಳೆಯಾಗಿ.

ಏನಂಥ ಚೆಲುವೆ ನೀನಲ್ಲ.
ನೀನಲ್ಲ? ಚೆಲುವೆ ಇನ್ನಿಲ್ಲ!
ಹಾಡಲ್ಲ, ನೀನು ಕನಸಲ್ಲ;
ನಿನ್ನಿಂದ ಹಾಡು ಕನಸೆಲ್ಲ.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X