ಸಂಕ್ರಾಂತಿ ಹಬ್ಬದ ಕುರಿತ ಬಿಡಿ ಪ್ರಾಸಗಳು...

• ರೇವಣಸಿದ್ಧಪ್ಪ ದೊರೆಗಳ್‌ ಸರೂರು
  [email protected]

ಎಳ್ಳುಬೆಲ್ಲ ಮೆಲ್ಲುತ ಒಳ್ಳೆಯವರಾಗೋಣ

ಕಹಿಯನ್ನು ಮರೆತು ಸೌಹಾರ್ದ ಸಾರೋಣ

ವಿಶ್ವಗಾನಕೆ ಮಧುರ ಧ್ವನಿಗೂಡಿಸೋಣ

ಜೀವನ ಪ್ರೀತಿಗೆ ನವಭಾಷ್ಯ ಬರೆಯೋಣ

*

ಸಂಭ್ರಮವ ತರಲಿ ಸಂಕ್ರಾಂತಿ
ತೊಡೆದು ಸರ್ವರ ವಿಭ್ರಾಂತಿ
ಚಿಮ್ಮಿಸಲಿ ಮೊಗದಲ್ಲಿ ಹೊಸತೊಂದು ಕಾಂತಿ
ಉಕ್ಕಿಸುತ ಬದುಕಲ್ಲಿ ನಿತ್ಯಸುಖ ಶಾಂತಿ

*

ಸಂಕ್ರಾಂತಿ ಕರೆಯುತಿದೆ ಸಾಗಿಬಾ ಎಂದು
ನೋವುಗಳ ಕಂತೆಯನು ನೀಗಿಬಾ ಎಂದು
ಎಲ್ಲರಲಿ ಬೆರೆತು ನಲಿನಲಿದಾಡು ಎಂದು
ತೊರೆದುಬಿಡು ಹಮ್ಮನು ಈಗಲೇ ಎಂದು

ಮುಖಪುಟ / ಸಾಹಿತ್ಯ-ಸಂಸ್ಕೃತಿ