ಬಿತ್ತನೆ

• ವ.ರಮೇಶ ಕಾರಂತ., ಉಳವಿ.
  [email protected]

ಹೊನ್ನ ಬಣ್ನ ಪಡೆದ ಮಣ್ಣು

ಸುಗಂಧವಾಚಿತಿದೆ

ಬಿತ್ತ ಬೀಜ ಮೊಳಕೆಯೊಡೆಯೆ

ಹದನುಗೊಂಡಿದೆ.

ಸಂಜೆ ಸರಿಯೆ ಗೂಗೆ ಕರೆಯೆ
ಮೊದಲತಾರೆ ಮಿನುಗಲು
ಇಳೆಯ ಗಂಧ ಹವಿಯ ತಂಪ
ಸೇರಿ ಸುತ್ತ ಹರಡಿದೆ.

ಹೊಲದ ಕೆಲಸವೆಲ್ಲ ಮುಗಿದು
ಕಾಲ ಕುಂಟು ನಡೆಯಲಿ
ಸುರಿಯುತಿರಲು ಬಿತ್ತಬೀಜ
ಮೊದಲ ಮೊಳಕೆಯಾಡೆದಿದೆ.

ಮಿಂಚು ಗುಡುಗು ಹುಚ್ಹುಮಳೆಯು
ನೆಲವನ್ನೆಲ್ಲ ಹೊದ್ದಿದೆ
ಹರ್ಷದಶ್ರು ಸಿಹಿಯಮುತ್ತು
ನೀಡಿ, ಹಗಲು ವಿದಾಯ ಹೇಳಿದೆ.

ಮುಖಪುಟ / ಸಾಹಿತ್ಯ-ಸಂಸ್ಕೃತಿ