ಕ್ಯಾಲಿಫೋರ್ನಿಯಾ- ಸಿಲಿಕಾನ್‌ ಕಣಿವೆಯ ವೇಗದ ಬದುಕಿನ ನಡುವೆಯೂ ಮೊದಲ ಪ್ರೇಮದ ನೆನಪುಗಳನ್ನು ಉಳಿಸಿಕೊಂಡಿರುವುದು ಲಕ್ಷ್ಮೀಕಾಂತ್‌ರ ಕಾವ್ಯದ ವಿಶೇಷ. ಉತ್ಸಾಹಿ ಕವಿಯ ಕಾವ್ಯದ ಮೂರು ಸೆಳಕುಗಳು ನಿಮ್ಮ ಓದಿಗೆ.

ಮಗ ಅಮೇರಿಕಾದಲ್ಲಿದ್ದಾನೆ

• ವಿ. ಲಕ್ಷ್ಮೀಕಾಂತ್‌

ಮೊನ್ನೆ ಮೊನ್ನೆ ತನಕ

ಕೆಲಸವಿಲ್ಲದೆ ಅಲೆಯುತ್ತಿದ್ದ

ಇದ್ದಕ್ಕಿದ್ದಂತೆ ಅದೇನೋ ಜಾವ ಕಲಿತ

ಈಗ ಮಗ ಅಮೇರಿಕಾದಲ್ಲಿದ್ದಾನೆ.

ಆಗೊಮ್ಮೆ, ಈಗೊಮ್ಮೆ ಪತ್ರ ಬರೆಯುತ್ತಾನೆ.
ವಾರಕ್ಕೊಮ್ಮೆ ಫೋನ್‌ ಮಾಡುತ್ತಾನೆ.
ಅದೇನೋ ಕ್ಲೈಂಟ್‌ ಅಂತೆ, ಪ್ರಾಜೆಕ್ಟ್‌ ಅಂತೆ
ಅರ್ಥವಾಗದು ನಮಗೊಂದು ಅವನ ಭಾಷೆ.

ಆ ದೇಶದ ಹಸಿರು ಚೀಟಿ ಸಿಕ್ಕರೆ
ಅಲ್ಲೇ ಇರುತ್ತಾನಂತೆ. ಹುಡುಗಿ ನೋಡಲು
ಎರಡು ವಾರದ ಮಟ್ಟಿಗೆ ಬರುತ್ತಾನಂತೆ.
ಹುಡುಗಿ ಸಹ ಇಂಜೀನಿಯರೇ ಆಗಿರಬೇಕಂತೆ .

ಕಣ್ಣೆದುರಿಗಿದ್ದ ಮಗ ಈಗ
ಕಾಣೆಯಾಗಿದ್ದಾನೆ. ದೂರದ
ದೇಶದಲ್ಲಿ ನೆಲೆ ಹುಡುಕುತ್ತಿದ್ದಾನೆ.
ಹೇಳಿಕೊಳ್ಳಲು ಮಾತ್ರ- ‘ ಮಗ ಅಮೇರಿಕಾದಲ್ಲಿದ್ದಾನೆ’ಮುಖಪುಟ / ಸಾಹಿತ್ಯ ಸೊಗಡು