ಹಾಗೆ ಮಾಡೋದ್ರಿಂದ ಸೀರಿಯಲ್ ನೋಡಕ್ಕೆ ಆಗತ್ತಾ?

ಇಪ್ಪತ್ತೈದರ ಆಸುಪಾಸಿನ ಯೌವನ ಇನ್ನೂ ಮಾಸಿಲ್ಲದ ಸುಂದರ ಮಹಿಳೆಯೊಬ್ಬಳು ಮಂಡಿನೋವಿನ ಚಿಕಿತ್ಸೆಗಾಗಿ ಮೂಳೆ ವೈದ್ಯರ ಬಳಿ ಬಂದಳು. ಆಕೆಗೆ ಸರಿಯಾಗಿ ನಡೆಯಲು ಆಗುತ್ತಿರಲಿಲ್ಲ. ಸುಮಾರು ಹೊತ್ತು ಪರೀಕ್ಷಿಸಿದ ನಂತರ ಮೂಳೆ ಸವಿತ ಆಗಿರುವುದು ವೈದ್ಯನಿಗೆ ಕಂಡುಬರಲಿಲ್ಲ, ಆಕೆಗಿನ್ನೂ ಸಣ್ಣ ವಯಸ್ಸು.

ಮಂಡಿನೋವಿಗೆ ನಿಖರವಾದ ಕಾರಣ ವೈದ್ಯನಿಗೆ ಕೂಡಲೆ ಕಂಡುಹಿಡಿಯಲಾಗಲಿಲ್ಲ. ಕೆಲ ಸಮಯ ವಿಚಾರ ಮಾಡಿದ ನಂತರ ವೈದ್ಯನಿಗೆ ಏನೋ ಹೊಳೆದಂತಾಗಿ, "ಮಂಡಿಯ ಮೇಲೆ ಜಾಸ್ತಿ ಭಾರ ಬಹಳಹೊತ್ತು ಹೇರಿದ್ದರಿಂದ ಈ ರೀತಿ ಸಂಭವಿಸಿದೆ ಅನ್ನುವುದು ನಿಖರ. ಅಂಥದೇನಾದರೂ ಆಕ್ಟಿವಿಟೀಸ್ ನೀವು ಮತ್ತು ನಿಮ್ಮ ಯಜಮಾನರು ಮಾಡಿದ್ದಿರಾ?" ಎಂದು ವೈದ್ಯ ಕೇಳಿದ.

ವೈದ್ಯ ಏನು ಕೇಳುತ್ತಿದ್ದಾನೆ ಎಂದು ಫಟ್ಟನೆ ಮಹಿಳೆಗೆ ಅರಿವಾಯಿತು. "ಹೌದು ವೈದ್ಯರೆ, ಪ್ರತಿದಿನ ರಾತ್ರಿ ನಾನು ಮತ್ತು ನನ್ನ ಗಂಡ ಶುನಕ ಭಂಗಿಯಲ್ಲಿ ಕಾಮಕೇಳಿಯನ್ನು ಮಾಡುತ್ತೇವೆ. ಆ ಚಟುವಟಿಕೆಯಲ್ಲಿ ಅಗಾಧವಾದ ಆನಂದ ಇರುತ್ತದೆ, ಆದರೆ ಇತ್ತೀಚೆಗೆ ಮಂಡಿ ನೋಯಲು ಆರಂಭವಾಗಿದೆ" ಎಂದು ಮಹಿಳೆ ಉತ್ತರಿಸಿದಳು.

"ನಾನು ಮೂಳೆತಜ್ಞ ನಿಜ. ಆದರೆ, ಮಂಡಿ ನೋಯದಂತೆ ಅನೇಕ ಭಂಗಿಗಳಲ್ಲಿ ನೀವು ಪ್ರೇಮ ಸಲ್ಲಾಪವನ್ನು ಮುಂದುವರಿಸಬಹುದು. ಅಲ್ಲ, ದಯವಿಟ್ಟು ಹೀಗೆ ಹೇಳುತ್ತಿದ್ದೇನೆಂದು ತಪ್ಪು ತಿಳಿಯಬೇಡಿ" ಎಂದು ವೈದ್ಯ ಸಂಕೋಚದಿಂದಲೇ ಮಹಿಳೆಗೆ ಹೇಳಿದ.

"ರೀ ವೈದ್ಯರೆ, ಅದು ನನಗೂ ಗೊತ್ತಿದೇರಿ, ನೀವೇನು ಹೇಳೋದು. ಆದರೆ, ಹಾಗೆ ಮಾಡೋದ್ರಿಂದ ಟಿವಿ ಸೀರಿಯಲ್ ನೋಡಲು ಆಗುತ್ತದಾ?" ಎಂದು ಮೂಗಿನ ಮೇಲೆ ಕನ್ನಡಕ ಇಳಿಸಿಕೊಂಡಿದ್ದ ವೈದ್ಯನಿಗೆ ಸುಂದರಿ ಫಟಾರನೆ ಉತ್ತರಿಸಿ, ಸೀರೆ ಸೆರಗು ಸರಿ ಮಾಡಿಕೊಂಡು ಹೊರಟೇಬಿಟ್ಟಳು.

English summary

Adult Kannada jokes. Married woman goes to doctor for treatment to her ailing knees.