ಬೆಂಗಳೂರು ಮೆಟ್ರೋನಲ್ಲಿ ತಹಸೀಲ್ದಾರ್ ಹುದ್ದೆಗಳಿಗೆ ವಾಕ್ ಇನ್ ಸಂದರ್ಶನ
ಬೆಂಗಳೂರು, ನವೆಂಬರ್. 01 : ಬೆಂಗಳೂರು ನಮ್ಮ ಮೆಟ್ರೋನಲ್ಲಿ ಖಾಲಿ ಇರುವ ತಹಸೀಲ್ದಾರ್ ಹಾಗೂ ಡೆಪ್ಯೂಟಿ ತಹಸೀಲ್ದಾರ್ ಹುದ್ದೆಗಳಿಗೆ ಗುತ್ತಿಗೆಗೆ ಆಧಾರದ ಮೇಲೆ ಬೆಂಗಳೂರು ಮೆಟ್ರೋ ರೈಲ್ವೆ ಕಾರ್ಪೊರೇಷನ್ ಲಿಮಿಟೆಡ್ (BMRCL) ವಾಕ್ ಇನ್ ಸಂದರ್ಶನ ಏರ್ಪಡಿಸಿದೆ. ನವೆಂಬರ್ 12-2016 ರಂದು ಹುದ್ದೆಗಳಿಗೆ ಸಂದರ್ಶನ ನಡೆಯಲಿದೆ.
ತಹಸೀಲ್ದಾರ್ 03, ಉಪ ತಹಸೀಲ್ದಾರ್ 02, ಒಟ್ಟು 05 ಹುದ್ದೆಗಳಿಗೆ ಗುತ್ತಿಗೆ ಆಧಾರದ ಮೇಲೆ ಅಭ್ಯರ್ಥಿಗಳನ್ನು ಆಯ್ಕೆ ಮಾಡಿಕೊಳ್ಳಲಾಗುತ್ತದೆ. ಈ ಹುದ್ದೆಗಳಿಗೆ ಅಭ್ಯರ್ಥಿಗಳನ್ನು ಒಂದು ವರ್ಷದ ಮಟ್ಟಿಗೆ ಮಾತ್ರ ತೆಗೆದುಕೊಳ್ಳಲಾಗುವುದು.
ಅಭ್ಯರ್ಥಿಗಳು ಅರ್ಜಿಯನ್ನು ಡೌನ್ ಲೋಡ್ ಮಾಡಿಕೊಂಡು ನೀಡಿರುವ ದಾಖಲೆಗಳೊಂದಿಗೆ ಸಂದರ್ಶನಕ್ಕೆ ಆಗಮಿಸಬೇಕೆಂದು ಬೆಂಗಳೂರು ಮೆಟ್ರೋ ರೈಲ್ವೆ ಕಾರ್ಪೊರೇಷನ್ ಲಿಮಿಟೆಡ್ (BMRCL ಪ್ರಕಟಣೆಯಲ್ಲಿ ತಿಳಿಸಿದೆ.[ಇಂಗ್ಲಿಷ್ನಲ್ಲಿ ಓದಲು ಇಲ್ಲಿ ಕ್ಲಿಕ್ಕಿಸಿ]
ವಿದ್ಯಾರ್ಹತೆ: ಬ್ಯಾಚೂಲರ್ ಆಫ್ ಡಿಗ್ರಿ
ವೇತನ: ತಹಸೀಲ್ದಾರ್ ಹುದ್ದೆಗೆ ತಿಂಗಳಿಗೆ- 30,000, ಉಪತಹಸೀಲ್ದಾರ್ ಗೆ 23,000.
ಅನುಭವ: ತಹಸೀಲ್ದಾರ್ ಹುದ್ದೆಗೆ- ರಾಜ್ಯ ಸರ್ಕಾರದಲ್ಲಿ ಗ್ರೇಡ್-1 ತಹಸೀಲ್ದಾರ್ ಆಗಿ ಕನಿಷ್ಠ 2 ವರ್ಷಗಳು ಅನುಭವ ಹೊಂದಿರಬೇಕು.
ಉಪತಹಸೀಲ್ದಾರ್ ಹುದ್ದೆಗೆ: ಕನಿಷ್ಠ 3 ವರ್ಷಗಳು ಕಂದಾಯ ಇಲಾಖೆಯಲ್ಲಿ ಉಪತಹಸೀಲ್ದಾರ್ ಆಗಿ ಅನುಭವ ಹೊಂದಿರಬೇಕು.
ಸಂದರ್ಶನದ ವಿಳಾಸ: ಬಿಎಮ್ ಆರ್ ಸಿಎಲ್ ಮುಖ್ಯ ಕಚೇರಿ 3ನೇ ಮಹಡಿ, ಬಿಎಂಟಿಸಿ ಕಾಂಪ್ಲೆಕ್ಸ್, ಹೆಚ್.ಕೆ ರೋಡ್ ಶಾಂತಿನಗರ ಬೆಂಗಳೂರು- 560027.
ಹೆಚ್ಚಿನ ಮಾಹಿತಿಗಾಗಿ: http://www.bmrc.co.in/careers.htm ವೆಬ್ ಸೈಟ್ ಸಂಪರ್ಕಿಸಿ.
Click it and Unblock the Notifications
Sign in with Google