297 ಸಿಬ್ಬಂದಿಯನ್ನು ಕೆಲಸದಿಂದ ತೆಗೆದ ಪಿಟಿಐ, ಅ. 1ಕ್ಕೆ ಪ್ರತಿಭಟನೆ
ನವದೆಹಲಿ, ಸೆಪ್ಟೆಂಬರ್ 30: ಸುದ್ದಿಮನೆಯವರೇ ಸುದ್ದಿ ಆಗಿರುವ ವರದಿ ಇದು. ವಿವಿಧ ಕಂಪನಿಗಳ ಪಿಂಕ್ ಸ್ಲಿಪ್ ಸರಣಿಯನ್ನು ಬರೆದು, ಪ್ರಸಾರ ಮಾಡಿದ್ದನ್ನು ನೋಡಿರುತ್ತೀರಿ. ಇದೀಗ ಪ್ರೆಸ್ ಟ್ರಸ್ಟ್ ಆಫ್ ಇಂಡಿಯಾ (ಪಿಟಿಐ) ಶನಿವಾರದಂದು 297 ಸಿಬ್ಬಂದಿಯನ್ನು ವೆಚ್ಚ ಕಡಿತದ ಭಾಗವಾಗಿ ಕೆಲಸದಿಂದ ತೆಗೆದಿದೆ.
ಈ ವಿಚಾರವನ್ನು ಪ್ರೆಸ್ ಟ್ರಸ್ಟ್ ಆಫ್ ಇಂಡಿಯಾದ ಮುಖ್ಯ ಆಡಳಿತಾಧಿಕಾರಿ ಎಂ.ಆರ್.ಮಿಶ್ರಾ ಉದ್ಯೋಗಿಗಳಿಗೆ ಪತ್ರ ಬರೆದು ತಿಳಿಸಿದ್ದು, ತಕ್ಷಣದಿಂದಲೇ ಅನ್ವಯ ಆಗುವಂತೆ ಕೆಲಸದಿಂದ ತೆಗೆಯಲಾಗಿದೆ. ಉದ್ಯೋಗಿಗಳಿಗೆ ಬಾಕಿ ಇರುವ ಮೊತ್ತದ ಮಾಹಿತಿಯನ್ನು ಪೋಸ್ಟ್ ಮೂಲಕ ರವಾನಿಸಲಾಗಿದೆ. ಈ ಮಾಹಿತಿ ಪಿಟಿಐ ವೆಬ್ ಸೈಟ್ ನಲ್ಲೂ ಲಭ್ಯವಿದೆ ಎಂದು ತಿಳಿಸಿದ್ದಾರೆ.
ಈ ನಿರ್ಧಾರಕ್ಕೆ ಆಕ್ರೋಶ ವ್ಯಕ್ತಪಡಿಸಿರುವ ಉದ್ಯೋಗಿಗಳು, ಅಕ್ಟೋಬರ್ 1ರಂದು ಬೆಳಗ್ಗೆ 10 ಗಂಟೆಯಿಂದ ಸಂಜೆ 6ರ ತನಕ ದೇಶದಾದ್ಯಂತ ಇರುವ ಪಿಟಿಐ ಕೇಂದ್ರಗಳಲ್ಲಿ ಸಭೆ ಹಾಗೂ ಧರಣಿಗಳನ್ನು ನಡೆಸಲಾಗುವುದು ಎಂದು ತಿಳಿಸಿದ್ದಾರೆ. ಪಿಟಿಐ ಆಡಳಿತ ವರ್ಗದ ಏಕಪಕ್ಷೀಯ ನಿರ್ಧಾರವನ್ನು ತಕ್ಷಣದಿಂದಲೇ ವಾಪಸ್ ಪಡೆಯಬೇಕು ಎಂದು ಒತ್ತಾಯಿಸಿದ್ದಾರೆ.
Click it and Unblock the Notifications
Sign in with Google