• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮಂತ್ರಾಲಯ ಮಠದ ಉಚಿತ ಪಂಚಾಂಗ ಪಡೆಯಿರಿ

By *ಮಲೆನಾಡಿಗ
|
Mantralaya Panchanga for free download
ಮದುವೆ, ಉಪನಯನ, ಅನ್ನಪ್ರಾಶನ, ನಾಮಕರಣ, ಗೃಹಪ್ರವೇಶ, ಪ್ರಯಾಣ..ಇತ್ಯಾದಿ ಶುಭ ಕಾರ್ಯಗಳಿಗೆ ಅಥವಾ ಕೆಟ್ಟ ನಕ್ಷತ್ರದಲ್ಲಿ ಮರಣ ಹೊಂದಿದ್ದರಿಂದ ಮನೆ ತೊರೆಯುವುದು, ರಾಹುಕಾಲ, ಗುಳಿಕಾಲ ಲೆಕ್ಕಾಚಾರ, ದೋಷ, ಪ್ರದೋಷ, ಗ್ರಹಣ, ಗ್ರಹಚಾರ ಫಲಾಫಲಗಳ ವಿವೇಚನೆ, ಆಚರಣೆ ಮಾಡಲು ಹಿಂದೂಗಳಿಗೆ ಪಂಚಾಂಗ ಬಹುಮುಖ್ಯ ಧಾರ್ಮಿಕ ಕೈಪಿಡಿ.

ಪ್ರತಿ ಹಿಂದೂವು ಒಂದಲ್ಲ ಒಂದು ಬಾರಿ ಪಂಚಾಂಗದ ಮೊರೆ ಹೋಗುವುದಂಟು. ಹಳ್ಳಿಗರು ರಾಹುಕಾಲ ಲೆಕ್ಕಾಚಾರ, ಯುಗಾದಿ ಸಮಯದಲ್ಲಿ ಮಳೆಬೆಳೆ, ಭವಿಷ್ಯ ತಿಳಿಯಲು ಪಂಚಾಂಗದ ಪುಟ ತಿರುವುದು ಸಾಮಾನ್ಯ. ಸೌರಮಾನ, ಚಂದ್ರಮಾನ ಪದ್ಧತಿಗನುಸಾರವಾಗಿ ಪಂಚಾಂಗಗಳಿವೆ. ಒಂಟಿಕೊಪ್ಪಲ್ ಪಂಚಾಂಗ, ಶೃಂಗೇರಿ ಮಠದ ಪಂಚಾಂಗ ಪ್ರಸಿದ್ಧವಾಗಿದೆ. ಇದರಂತೆ, ಮಂತ್ರಾಲಯ ಶ್ರೀ ರಾಘವೇಂದ್ರ ಸ್ವಾಮಿಗಳ ಮಠ ಪಂಚಾಂಗದ ಲಭ್ಯತೆಯನ್ನು ಎಲ್ಲಾ ಸಾರ್ವಜನಿಕರಿಗೂ ತಲುಪಿಸುವ ನಿಟ್ಟಿನಲ್ಲಿ ಹಲವು ಯೋಜನೆ ಹಮ್ಮಿಕೊಂಡಿದೆ.

ಆಸ್ತಿಕರನ್ನು ಒಟ್ಟುಗೂಡಿಸಿ, ಸದ್ಭಾವನೆ ಬೆಳೆಸುವ ನಿಟ್ಟಿನಲ್ಲಿ ಸಾಗಿರುವ ರಾಯರ ಮಠದ ವೆಬ್ ತಾಣ ಈಗ ಚಾಂದ್ರಮಾನ ಪಂಚಾಂಗವನ್ನು ಐದು ಭಾಷೆಗಳಲ್ಲಿ ಹೊರತಂದಿದೆ. ಪ್ರತಿ ವರ್ಷ ಪಂಚಾಂಗಗಳನ್ನು ಮುದ್ರಿಸಿ,ಶ್ರೀಮಠದ ಕಚೇರಿಗಳಲ್ಲಿ , ಮಧ್ವ ಸಂಘಗಳಲ್ಲಿ ಸಾರ್ವಜನಿಕರಿಗೆ ಮುಕ್ತವಾಗಿ ನೀಡುತ್ತಾ ಬರಲಾಗಿದೆ. ಮಠಕ್ಕೆ ಬರಲಾಗದ ದೂರದೂರಿನ ವೆಬ್ ಲೋಕ ನೆಚ್ಚಿಕೊಂಡಿರುವವರ ಅನುಕೂಲಕ್ಕೆ ರಾಯರಮಠದ ವೆಬ್ ತಾಣ ದಲ್ಲಿ (ಸದ್ಯ ವಿಕೃತಿ ನಾಮ ಸಂವತ್ಸರದ) ಪಂಚಾಂಗವನ್ನು ಡೌನ್ ಲೋಡ್ ಗೆ ನೀಡಲಾಗಿದೆ. ನೊಂದಾಯಿತ ಆಸ್ತಿಕರು ಕನ್ನಡ, ಇಂಗ್ಲೀಷ್, ತಮಿಳು, ಸಂಸ್ಕೃತ, ತೆಲುಗು ಭಾಷೆಗಳಲ್ಲಿನ ಪಂಚಾಂಗವನ್ನು ಪಡೆಯಬಹುದು. ದೃಗ್ಗಣಿತ, ಸೂರ್ಯಸಿದ್ಧಾಂತ ಸಹಿತವಾದ ಈ ಪಂಚಾಂಗವು ತಿಥಿ,ವಾರ, ಕಾಲ, ನಕ್ಷತ್ರ, ಯೋಗ ಹಾಗೂ ಕರಣ ಲೆಕ್ಕಾಚಾರಕ್ಕೆ ಅನುಕೂಲವಾಗಿದೆ ಎಂದು ರಾಯರ ಮಠದ ವೆಬ್ ತಾಣದ ವ್ಯವಸ್ಥಾಪಕ ರಘುನಂದನಾಚಾರ್ಯ ತಿಳಿಸಿದರು.

ಮಂತ್ರಾಲಯ ರಾಯರ ಮಠದ ಈ ವೆಬ್ ತಾಣದಲ್ಲಿ ಮಂತ್ರಾಲಯ ಸೇರಿದಂತೆ ಹಲವು ಶಾಖಾ ಮಠಗಳಲ್ಲಿ ನಡೆಯುವ ಪೂಜೆ ಪುನಸ್ಕಾರ, ಸಾಂಸ್ಕೃತಿಕ ಕಾರ್ಯಕ್ರಮಗಳ ವಿವರವಿದೆ. ಇದಕ್ಕಿಂತ ಹೆಚ್ಚಾಗಿ ಮಂತ್ರಾಲಯಕ್ಕೆ ಬರಲಿಚ್ಛಿಸುವ ಆಸ್ತಿಕರಿಗೆ ಮಾರ್ಗಸೂಚಿ, ವಸತಿ ವ್ಯವಸ್ಥೆ, ಸೇವಾ ವಿವರಗಳು ಬೆರಳು ತುದಿಯಲ್ಲಿ ಲಭ್ಯವಿದೆ. ರಾಯರ ಪೂಜಾ ಕೈಂಕರ್ಯಗಳ ಸಚಿತ್ರಗಳ ಜೊತೆ, ಮಠ ನಡೆಸುತ್ತಿರುವ ಶಾಲೆಗಳು, ತಿರುಪತಿಯ ವೈದಿಕ ಸಂಶೋಧನಾ ಕೇಂದ್ರ, ವಧು ವರರ ಅನ್ವೇಷಣಾ ಕೇಂದ್ರದ ಬಗ್ಗೆ ಕೂಡ ಮಾಹಿತಿ ಇದೆ.

ಐದು ಭಾಷೆಗಳಲ್ಲಿ ಲಭ್ಯವಿರುವ ಪಂಚಾಂಗವನ್ನು ಡೌನ್ ಲೋಡ್ ಮಾಡಿಕೊಳ್ಳಲು ಕ್ಲಿಕ್ಕಿಸಿ

ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ:

The Principal,
Sri Gurusarvabhouma Sanskrit Vidyapeetha
Sri Raghavendra Swamy Matha,
Mantralayam - 518345
Ph: 08512-279496
Email: sgsvp@srsmutt.org

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more