ಪಶ್ಚಿಮವಾಹಿನಿ ಸಂಕೇತಿ ಸಂಘದಿಂದ ಯುಗಾದಿ ವೈಭೋಗ

ಸಂಕೇತಿಗಳು ಕನ್ನಡಿಗರ ಒಂದು ಉಪಪಂಗಡವಾಗಿದ್ದು, ಹೆಚ್ಚಾಗಿ ಹಾಸನ ಜಿಲ್ಲೆಯ ಸುತ್ತಮುತ್ತ ಬೇರೂರಿದ್ದಾರೆ. ಈಗ ಪ್ರಪಂಚದ ಎಲ್ಲೆಡೆ ಸೇರಿಕೊಂಡಿದ್ದಾರೆ. ಸ್ಯಾನ್‌ಫ್ರಾನ್ಸಿಸ್ಕೋ ಕೊಲ್ಲಿ ಪ್ರದೇಶದಲ್ಲಿ ಸಾಕಷ್ಟು ಜನರಿದ್ದು ‘ಪಶ್ಚಿಮವಾಹಿನಿ’ ಎಂಬ ಹೆಸರಿನಲ್ಲಿ ಒಂದು ಸಂಘವನ್ನು ಕಟ್ಟಿಕೊಂಡಿದ್ದಾರೆ. ಪಶ್ಚಿಮವಾಹಿನಿ ಸಂಕೇತಿ ಸಂಘವು ಏಪ್ರಿಲ್‌ 29ರಂದು ಸನ್ನಿವೇಲಿನ ಸನಾತನ ಧರ್ಮ ಕೇಂದ್ರದ ಸಭಾಂಗಣದಲ್ಲಿ, ಯುಗಾದಿ ಹಬ್ಬವನ್ನು ಸಡಗರದಿಂದ ಆಚರಿಸಿತು. ಅದರ ಒಂದು ಕಿರುವರದಿ ಪದ್ಯರೂಪದಲ್ಲಿ...
	ಪೂರ್ಣಿಮಾ ರಾಮಪ್ರಸಾದ್‌, ಮಿಲ್ಪೀಟಸ್‌, ಕ್ಯಾಲಿಫೋರ್ನಿಯಾ [email protected] ಬಂದೇ ಬಂತು ಬಂದೇ ಬಂತು ನಮ್ಮ ಊರಲ್ಲಿ ಆಟ, ನೋಟ, ಊಟ, ಹರಟೆ ಎಲ್ಲ ಇತ್ತು ಇಲ್ಲಿ ಸಂಭ್ರಮದ ಯುಗಾದಿಗಾಗಿ ಸೇರಿತ್ತು ಕೂಟ ಅಚ್ಚುಕಟ್ಟಾಗಿತ್ತು, ಸಂಕೇತಿಗಳ ಈ ಪರಿಪಾಠ ಬಾಳೆಕಂಬ, ಬೆಳ್ಳಿದೀಪ ಸಭಾಂಗಣದಲ್ಲಿ ತೋರಣ, ರಂಗೋಲಿಗಳು ಮುಂಬಾಗಿಲಿನಲ್ಲಿ ಗಣಪನ ಒಂದು ಸ್ತೋತ್ರದಿಂದ ಕೋರಿದರು ಶುಭ ಪುಟಾಣಿಗಳ ಶ್ಲೋಕಗಳಿಂದ ಕಳೆಗಟ್ಟಿತು ಹಬ್ಬ ನಿಮಿಷದಲ್ಲಿ ಎಷ್ಟು ಗಂಟು ಕಟ್ಟುವೆ ತೋರಿಸು ನಿಮಿಷದಲ್ಲಿ ಮಗುವಿಗೆ ಉಡುಗೆ ಹಾಕಿತೋರಿಸು ಈ ಪರಿಯಿತ್ತು ಆಯೋಜಿಸಿದ್ದ ‘ಒಂದ್‌ ನಿಮಿಷದ ಆಟ’’ ಜನರನ್ನೆಲ್ಲ ನಕ್ಕು ನಲಿಸಿ ಮಾಡಿತ್ತು ಇದು ಮಾಟ ಸಂಕೇತಿಯಲ್ಲಿ ರಸಪ್ರಶ್ನೆ ರಂಜಿಸಿತೆಲ್ಲರನು ಭಾಷಾಭಿಮಾನದ ಭಾವನೆಯಲ್ಲಿ ತೇಲಿಸಿತೆಮ್ಮನು ಲಾವಣಿಗೀತೆಯ ಹಾಡಿದರವರು ಮೂರು ಲಲನೆಯರು ನಂತರ ಮುಂದಿನ ಸಮಿತಿಯನ್ನು ಚುನಾಯಿಸಿದರೆಲ್ಲರು ನಕ್ಕು ನಲಿದು, ಸುಸ್ತಾಗಿತ್ತು, ಹಸಿದಿತ್ತು ಹೊಟ್ಟೆ ಊಟಕ್ಕಿದೆಯೇ ಸಂಕೇತಿಗಳ ನೆಚ್ಚಿನ ಕೊಳಕಟ್ಟೆ? ಮೋರ್ಪುಳಿ-ಆಂಬೊಡೆ ಜೊತೆಗಿತ್ತು ಪರಿಪರಿ ರಸದೂಟ ಮನಸ್ಸಿಲ್ಲದ ಮನಸ್ಸಿನಿಂದ ಮುಗಿಸಿದೆವಂದಿನ ಕೂಟ ಇಷ್ಟು ಚೆನ್ನಾಗಿ ಎಲ್ಲವನ್ನು ನಡೆಸಿದವರಾರು ಗೊತ್ತಾ? ಉಷಾ, ಮಂಗಳ, ದೀಪ, ಜ್ಯೋತಿ, ಸುಂದರ್‌ ಮತ್ತು ಗೀತಾ ಮುಂದಿನ ಸಮಿತಿಯು ಹೀಗೆ ಮಾಡಲಿ ಎಂದು ಹಾರೈಸೋಣ ಅವರಿಗೂ ನಮ್ಮಯ ಸಹಾಯ ಹಸ್ತವ ಹೀಗೇ ನೀಡೋಣ ಎನ್ನುತ ಹೊರಟರು ನೆರೆದವರೆಲ್ಲರು ತಂತಮ್ಮ ಮನೆ ಕಡೆಗೆ ಇಲ್ಲಿಗೆ ಮುಗಿಸುವೆ ನನ್ನಯ ಈ ಪುಟ್ಟ ಬರವಣಿಗೆ Post your views ಮುಖಪುಟ / ವ್ಯಯನಾಮ ಸಂವತ್ಸರಕ್ಕೆ ಸ್ವಾಗತ