World premier of 'ಕೃಷ್ಣಂ ವಂದೇ ಜಗದ್ಗುರುಂ...'
ತನ್ನ ತುಂಟಾಟಗಳಿಂದ ಜಗತ್ತನ್ನೇ ಆಟವಾಡಿಸುವ ಜಗನ್ನಾಟಕದ ಸೂತ್ರಧಾರಿ ಶ್ರೀಕೃಷ್ಣನನ್ನು ಅಲ್ಲಲ್ಲಿ ಏಕೆ ಹುಡುಕುವುದು, ಬೆಣ್ಣೆ ಕಳ್ಳ ನವನೀತ ಚೋರನನ್ನು ಸೀದಾ ನಂದಗೋಕುಲಕ್ಕೇ ಹೋಗಿ ನೋಡಬಹುದು. ಅಂಥದೊಂದು ವಿಶಿಷ್ಟವಾದ ವಿಡಿಯೋವನ್ನು ಅಮೆರಿಕನ್ನಡಿಗ ಶ್ರೀವತ್ಸ ಜೋಶಿ ಅವರು ರೂಪಿಸಿದ್ದಾರೆ. ಕೃಷ್ಣನ ಬಾಲಲೀಲೆಯನ್ನು ನೋಡಿ ಪುಳಕಿತರಾಗಿ ಪುನೀತರಾಗಿರಿ. - ಸಂಪಾದಕ.
ಆಗಸ್ಟ್ 28ರಂದು ಜನ್ಮಾಷ್ಟಮಿ. ಕೃಷ್ಣನನ್ನು ಕರೆತರಲು ಈಗಲೇ ಒಮ್ಮೆ ನಂದಗೋಕುಲಕ್ಕೆ ಹೋಗಿಬರಬಹುದು. ಅಲ್ಲಿ ನಂದಕುಮಾರ ನವನೀತಚೋರನ ಬಾಲಲೀಲೆಗಳನ್ನು ನೋಡಿ ಸಂಭ್ರಮಿಸಬಹುದು. ಮೋಹನಮುರಲಿಯ ನಾದಮಾಧುರ್ಯದಿಂದ ಮುದಗೊಳ್ಳಬಹುದು. ಅದಕ್ಕೆ ಸುಲಭೋಪಾಯವಾಗಿ ಈ ಯೂಟ್ಯೂಬ್ ವಿಡಿಯೋ ನೋಡಬಹುದು!
Making of "ಕೃಷ್ಣಂ ವಂದೇ ಜಗದ್ಗುರುಂ..."
Nickelodeon ಚಾನೆಲ್ನಲ್ಲಿ ಬರುತ್ತಿದ್ದ "Little Krishna" computer-animated ಸರಣಿಯ ಆಯ್ದ ಕೆಲವು ವಿಡಿಯೋ ತುಣುಕುಗಳನ್ನು ಪೋಣಿಸಿ, ಅದರ ಮೇಲೆ "ರಾರವೇಣು ಗೋಪಬಾಲ..." ಕರ್ನಾಟಕ ಶಾಸ್ತ್ರೀಯ ಸಂಗೀತ ಕೃತಿಯ (ಕೊಡಮಲೂರು ಜನಾರ್ದನನ್ ಅವರು ಕೊಳಲಿನಲ್ಲಿ ನುಡಿಸಿದ್ದರ ಧ್ವನಿಮುದ್ರಣ) mp3 audio ಜೋಡಿಸಿ, Windows Movie-maker ತಂತ್ರಾಂಶ ಬಳಸಿ ಈ ವಿಡಿಯೋ ತಯಾರಿಸಿದ್ದೇನೆ.
ಕಾಪಿರೈಟ್ಗೆ ಧಕ್ಕೆಯಾಗದಂತೆ ಯೂಟ್ಯೂಬ್ ನಿಯಮಗಳನ್ನು ಪಾಲಿಸಿ ಇದನ್ನು ನನ್ನ ಯೂಟ್ಯೂಬ್ ವಾಹಿನಿಗೆ ಸೇರಿಸಿದ್ದೇನೆ. ಕೃಷ್ಣನನ್ನು ಕಣ್ತುಂಬಿಸಿಕೊಳ್ಳಲೆಂದೇ, ಕೃಷ್ಣನ ಕೊಳಲಗಾನ ಎಲ್ಲರ ಕಿವಿಗಳಲ್ಲೂ ತುಂಬಲೆಂದೇ ಇದನ್ನು ಸಂಯೋಜಿಸಿರುವುದು. ನಿಮ್ಮ ಮೆಚ್ಚುಗೆ, ಪ್ರತಿಕ್ರಿಯೆ, ನಿಮ್ಮ ಇಷ್ಟಮಿತ್ರಬಂಧುಬಾಂಧವರೊಡನೆ ಇದನ್ನು ಹಂಚಿಕೊಂಡು ಅವರಿಗೂ ಕೃಷ್ಣಾನುಗ್ರಹ ಸಿಗುವಂತೆ ಮಾಡುವ ಪ್ರಕ್ರಿಯೆ - ಎಲ್ಲವೂ ಶ್ರೀಕೃಷ್ಣಾರ್ಪಣಮಸ್ತು.
ನೋಡಿ
ಆನಂದಿಸಿ,
ನವನಿಮಿಷಗಳ
ನವನೀತ
"ಕೃಷ್ಣಂ
ವಂದೇ
ಜಗದ್ಗುರುಂ..."
[ಕೃಪೆ : ಶ್ರೀವತ್ಸ ಜೋಶಿ ಫೇಸ್ ಬುಕ್]